Kuitīr Ngāi Sinthō 11
11
Peter-in ei Mū ngāi a Ril
1 #
Heb 4:12
Hatuka Zudāi rama kuitīr le ūnāi a om ngāiin namtei ngāiin um Pathian chong a pom u zei tī a lei riat u na. 2Hatuka Peter chu Zerusalem khopuia a vā suok le sertan Zehudi ngāiin a lei ānkhalpui sabak u na. 3#Gal 2:12Asik chu: “Sertanlui ngāi ina a vā lūt a, a bil una bu ei va nēk,” a ti u na. 4Tenchu Peter-in aphut len ātā a dōn tena a kōm una anthiang vanga a ril a. 5“Zopa khuona zār azonga kā om lāi han, ramang aphuozeka anrālna ka mū na. Hong khatin mo puon bong alianpa khat kil manlina asūra chungvān ātā a hong āchum chu ka mū. Hava ha ka kōl taka a hong āchum a. 6Hatuka hava ha ka en sabaka ka mandon a, aloma ina om sakemanlī dōra, ramsa dōra lē nukanei alōn ngāi lē chunga va ngāi dōra ka mū na. 7Hatuka hē khat a hong ānthang a: ‘Peter anthui tānla, thata sak ro,’ a na tī na. 8Tenchu koiin: ‘Puma, hava ha ni nō rase ba. Asik chu ānthiang nōk le ānnim ītē reng ka mūra la manlūt ngāi mak ung,’ ka tī na. 9Tenchu anvān ātā voi annina hē ka riat a: ‘Pathianin ei manthiang suo chu nangin ānthiang mak ti nō ro,’ a tī na a na masang a. 10Havan tin chian voi anthum pei hē a hong āom a. Hatuka tū khat lekin mo aloma chungvān tiang a na makhalpē kiar rēt a,” a tī na. 11Hatuka chu: “Entā, hava hunlāi tak han pasal anthum kei omna-in kōla a hong ānding u na. Hava ngāi ha Kaisaria khuo nātā ka kōma mī'n ei hong tīr u a ni. 12#Rōm 3:22Hatuka Rathā'n ītē malung antholna abui thaka amāni azī ranga chong a na ril a. Hanūk chu hiva ka paruol aruk ngāi um a na hong zī sā u na. Hatuka hava mi ina han na vā lūt a. 13Hatuka chu amā'n a ina vānpalāi andingin: ‘Zopa khuona mī tīr tānla, Peter āntī Simon ha va manlāk ro,’ ei ti rui ha a na ril a. 14#Zn 4:53; 1Ko 1:11, 16‘Amā'n chong na hong ril u'n tia, hatuka hava chong le han nang lē na insūngkuote una lom una sandamna man u na ti,’ a tī na a na ril a. 15Hatuka chong aril ranga kei phut le, Rathā Ānthiang chu mānsāna koini na kōma ei chul anga amāni kōmā'm a chul a. 16#Mk 1:4, 8‘Zohan-in tīna baptisma a pēk chachak a, tenchu nangni chu Rathā Ānthianga baptisma anpēka om u na ti,’ Puma chongkam ha ka hong riat a. 17Koinī'n Puma Isuo Khristā nei iama, a bōr pēk nei man anga amānī'm ni sela a bōr pēk hi ei man u a ni. Hasikhan koi hi tū mo kā ni, Pathian ādui ranga kei ānding rang?” a tī na. 18#Rōm 10:12-13; 2Ko 7:10Hava chong ngāi ha a riat u na, āchong om u lāi mak, Pathian a manpāk u na: “Hanōkten chu Pathianin namtei ngāi kōmā'm damna ranga malung kīrna hi ei pēk kēng a ni zei hile,” a ti u na.
Antiok Kuibing
19 #
Gal 2:11
Hatuka Stefen a chunga ansinsakna sika ānthek rak ngāi ha Foiniki ram, Saipras muolanlān le Antiok khuo tenpei a vā'n lēng u na. Hava ngāi hān Zehudi nam ngāi kōm rong nōk chu tūtē kōma chong ril u mak. 20#Mt 27:32Tenchu amāni bila senkhat chu Saipras le Kurini khuona mī a ni u na, hava ngāi ha Antiok khuona a hong āsuok u le Grik chong āmang Zehudi ngāi kōma Puma Isuo rui thangahui a ril u na. 21#Lk 1:66Hantin han amāni bila Puma kut chu anchela om tir a, mi tamtakin a hong iam u na, hatuka Puma tianga anhoi u na. 22Hatuka amāni ngāi thang chu Zerusalem khopuia kuibing āom ngāi kuora a vā tung a. Hasikhan Barnaba chu Antiok khuo suok raka a tīr u na. 23Hatuka ama chu a vā tung le han Pathian a lungkhamna zia a va mū na a rāi asāna. Hatuka malung vong khat achōia Puma kōma adettita a om chian ranga alom una ranga lungngamna a sak a. 24#Lk 1:15Asik chu Barnaba hi mi sā le Rathā Ānthianga ābit le iamna dōn a ni. Hatuka mi tamtak Puma tianga a hong ākop u na. 25Hatuka Barnaba chu Tarsa khuona Saul anvān ranga a sē na. 26#1Pe 4:16Hatuka ama chu a va tok a, Antiok khuona a hong ruoi a. Havan tin han kum khat pei kuibing ngāi bila ankhōma hanūk chu mi tamtak a manchū u na. Hatuka Antiok khuona zolāi chu Khristian a tī na ei ānphuo mānsa u a ni.
27 #
1Ko 11:4; Efe 4:11 Hava hunlāi han deari senkhat Zerusalem khopui ātā Antiok khuona a hong u na. 28#Mt 24:14Amāni ngāi bila mī khat a raming Agaba chu anding ving a: “Maniapūr pumpuia māitām alian sabak khat āchul rang a ni zei, tī hi Rathā Ānthiangin a manthei,” a tī na. Hava ang māitām ha Klodia Kāisar hunlāi um ei chul a ni zei a. 29#Rōm 15:26; 2Ko 8:1-4Hatuka zolāi ngāi amānī'n ei thei u anga Zudāi rama ūnāi āom ngāi kōma sanna anthuon ranga malung ansin u na. 30#1Ti 5:17; Tit 1:5; Zak 5:14; 1Pe 5:1; 2Zn 1:1Hava ha amānī'n athō tatak u na, Barnaba le Saul a kuta sanna chu pātar ngāi kōma a mathuon u na.
Bible in Ranglong, © Bibles International, the Bible society of Baptist Mid-Missions, 2024.