ROMANUN 12
12
1Kepahgoosaneminim dush, nejekewaëdoog, oonje ooshahwanjegawining owh Kesha‐Muhnedoo, chepuggedenuhmag keyowewaun debishkoo bamahduk sahsahgewejegawin, pahnuk, kaöodahpenung owh Kesha‐Muhnedoo, mesuh oo‐oo enanduhmoowine kebuhmeetahgawinewah.
2Kagoo ween azhewabuk oomah uhkeeng nahsaub ezhewabezekagoon: quak‐ezhewabezeyook, ewh aunjesing kedenanduhmoowinewaun, chepuggukkanduhmag ewh oodenanduhmoowin owh Kesha‐Muhnedoo ewh wanisheshing, kuhya manwandahgwuk kuhya quayukwandahgwuk.
3Kedenenim suh kuhkenuh menik anduhsheyag, (shahwandahgoozewin kahmeenegooyaun wanje‐kekedooyaun,) kagoo ahwahshema kechetwahwanindezookagoon dush ween kaënanindezooyagoobun; pezaun‐anduhmook, debishkoo owh Kesha‐Muhnedoo azhemuhmeenaud anduhshenid enenewun ewh dabwayanduhmoowin.
4Azheähyahmung nebewah pukkawezewinun, pazhikwung dush weyowemah, kah dush kuhkenuh enewh pukkawezewinun nahsaub ahnuhnookeemahgussenoon:
5Mesuh dush kuhya goo kenuhwind, ahnoo meshenooyung, pazhikwun weyowemah debandahgoozeyung emuh emuh Christing, kuhya mamashquaud kedebanindemin.
6Papukkaun dush meegewawinun ahyahyung nahsaub anandahgwuk ewh shahwanjegawine‐weedookahgawin kahmahmeenegooyung, kishpin aunwahjegawin, umba aunwahjegadah debishkoo goo menik dabwayanduhmoowin meenegooyung;
7Gamuh buhmeetahgawin, umba duzzhekundah kebuhmeetahgawinenaun: gamuh wah‐owh kakenooahmahgad tahkekenooähmahga;
8Owh kagequad tahkuhgequa; owh mahgewad, mahnoo tahmeegewa emuh quuhyukwanduhmoowining; owh wagemahkundahgad, tahminwaweze; owh shawanjegad emuh minwanduhmoowining tahezheshahwanjega.
9Kahween emuh sahgeëwawining tahduhgoomahgussenoon kuhkenuhwishkewin. Kuhgwahnesugganduhmook ewh mujje‐uhyeëewishewung; minjemenuhmook ewh wanesheshing.
10Menoo‐sahgeëdeyook debishkoo kaëzhesahgeëdewahpun wawejekewaïndejig; ahwahshema mamashquaud kechetwahwanindik, dush ween kenuhwah ananindezooyag;
11Kagoo ketimishkekagoon emuh minwawezewining; kezheetishkahyook emuh kechechaugoowaung; buhmeetuhwik owh Tabaningad;
12Menoowahnegwanduhmook emuh ahpanemoowining: soonguhmunduhmook emuh ketemahgezewining zheebanduhmook emuh ahnnhmeähwining;
13Mahmeegewayoog azhemuhnazewaud egewh manoo‐ahnuhmeähjig; shahwanemagwah egewh paundegajig emuh kewegewaumewaung.
14Shahwanemik egewh quatuggeënagoog; shahwanjegayook, kagoo dush ween mujje‐guhnoonahkagoon.
15Weeje‐moojegezetuhwik egewh mwahjegezejig, kuhya weeje‐muhwemik egewh mawejig.
16Nahsaub uhyenanindeyook mamashquad. Kagoo pahbahmandunkagoon kachetwahwandahgwukkin, weedookahwik suh egewh tabussandahgoozejig. Kagoo ween nebwahkah‐wanindezookagoon.
17Kagoo ahweyah enene ahzhittah‐mujje‐doodahwahkagoon. Weekoojetooyook enewh wanesheshingin emuh anahsuhmishkinzhegwawaud kuhkenuh enenewug.
18Kishpin kashketooyag, menik suh kaëzhekushketooyag, pezaune‐weeje‐bemahdezemik kuhkenuh enenewug.
19Kache sahgeëgooyag, kagoo nahnahquekagoon, poonanduhmook nishkahdezewin, oo‐oo muh ezhebeëgahda, Azhittahwahedewin neen nindebandaun; ningahtebahahmahga, ekedoo owh Jehovah.
20Kishpin suh dush puhkuddad owh shaunganemik, ahshum, kishpin kishkahbahgwad, meenuhowh, oo‐oo muh azhechegayun kegahookwissittoonun iskoota‐uhkuhkunzhan emuh oogijuhyeëe ooshtequauning.
21Kagoo ween ewh mujjeühyeweezh kegahshahgooje-egooseen, shahgoojetoon dush ewh mujje‐uhyeewish emuh menoojegawining.
Currently Selected:
ROMANUN 12: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
