Popular Bible Verses from ROMANUN 12

Share

Kagoo ween azhewabuk oomah uhkeeng nahsaub ezhewabezekagoon: quak‐ezhewabezeyook, ewh aunjesing kedenanduhmoowinewaun, chepuggukkanduhmag ewh oodenanduhmoowin owh Kesha‐Muhnedoo ewh wanisheshing, kuhya manwandahgwuk kuhya quayukwandahgwuk.

Kepahgoosaneminim dush, nejekewaëdoog, oonje ooshahwanjegawining owh Kesha‐Muhnedoo, chepuggedenuhmag keyowewaun debishkoo bamahduk sahsahgewejegawin, pahnuk, kaöodahpenung owh Kesha‐Muhnedoo, mesuh oo‐oo enanduhmoowine kebuhmeetahgawinewah.

Menoowahnegwanduhmook emuh ahpanemoowining: soonguhmunduhmook emuh ketemahgezewining zheebanduhmook emuh ahnnhmeähwining

Kagoo ween ewh mujjeühyeweezh kegahshahgooje-egooseen, shahgoojetoon dush ewh mujje‐uhyeewish emuh menoojegawining.

Menoo‐sahgeëdeyook debishkoo kaëzhesahgeëdewahpun wawejekewaïndejig; ahwahshema mamashquaud kechetwahwanindik, dush ween kenuhwah ananindezooyag

Kahween emuh sahgeëwawining tahduhgoomahgussenoon kuhkenuhwishkewin. Kuhgwahnesugganduhmook ewh mujje‐uhyeëewishewung; minjemenuhmook ewh wanesheshing.

Kishpin kashketooyag, menik suh kaëzhekushketooyag, pezaune‐weeje‐bemahdezemik kuhkenuh enenewug.

Kache sahgeëgooyag, kagoo nahnahquekagoon, poonanduhmook nishkahdezewin, oo‐oo muh ezhebeëgahda, Azhittahwahedewin neen nindebandaun; ningahtebahahmahga, ekedoo owh Jehovah.

Kagoo ketimishkekagoon emuh minwawezewining; kezheetishkahyook emuh kechechaugoowaung; buhmeetuhwik owh Tabaningad

Kedenenim suh kuhkenuh menik anduhsheyag, (shahwandahgoozewin kahmeenegooyaun wanje‐kekedooyaun,) kagoo ahwahshema kechetwahwanindezookagoon dush ween kaënanindezooyagoobun; pezaun‐anduhmook, debishkoo owh Kesha‐Muhnedoo azhemuhmeenaud anduhshenid enenewun ewh dabwayanduhmoowin.

Kagoo ahweyah enene ahzhittah‐mujje‐doodahwahkagoon. Weekoojetooyook enewh wanesheshingin emuh anahsuhmishkinzhegwawaud kuhkenuh enenewug.

Nahsaub uhyenanindeyook mamashquad. Kagoo pahbahmandunkagoon kachetwahwandahgwukkin, weedookahwik suh egewh tabussandahgoozejig. Kagoo ween nebwahkah‐wanindezookagoon.

Kishpin suh dush puhkuddad owh shaunganemik, ahshum, kishpin kishkahbahgwad, meenuhowh, oo‐oo muh azhechegayun kegahookwissittoonun iskoota‐uhkuhkunzhan emuh oogijuhyeëe ooshtequauning.

Shahwanemik egewh quatuggeënagoog; shahwanjegayook, kagoo dush ween mujje‐guhnoonahkagoon. Weeje‐moojegezetuhwik egewh mwahjegezejig, kuhya weeje‐muhwemik egewh mawejig.

Mahmeegewayoog azhemuhnazewaud egewh manoo‐ahnuhmeähjig; shahwanemagwah egewh paundegajig emuh kewegewaumewaung.

Azheähyahmung nebewah pukkawezewinun, pazhikwung dush weyowemah, kah dush kuhkenuh enewh pukkawezewinun nahsaub ahnuhnookeemahgussenoon: Mesuh dush kuhya goo kenuhwind, ahnoo meshenooyung, pazhikwun weyowemah debandahgoozeyung emuh emuh Christing, kuhya mamashquaud kedebanindemin.