ROMANUN 13
13
1Mahnoo kuhkenuh bamahdezejig oodahnahittah-wahwaun enewh nahgahnezenejin. Kah muh ningooche oonjebahmahgussenoon ewh negahnezewin Kesha‐Muhnedoong atuh: Ween suh Kesha‐Muhnedoo kahahtood enewh negahnezewinun atagin.
2Ahwagwan suh dush uhyahzhedakuhmoogwan ewh negahnezewin, oomegahdaun ewh oodenahkoonegawin owh Kesha‐Muhnedoo: egewh dush kaähzhedakahgajig tahtebahkoonegahzoowug.
3Kah muh ween egewh wagemahkundahgajig ookoosigoosewaun manoo‐ezhewabezenejin, maje‐ezhewabezenejin atuh. Kenundahwandaun dush chekoosahsewud owh nahgahnezid? doodun ewh wanesheshing, kegahwahwezhanemik suh owh:
4Ween muh ahwe oobuhmeetahgun owh Kesha‐Muhnedoo chemenoo‐doodook. Kishpin atuh mujje‐ezhechegayun, sagezin, kah muh ahneshah ootuhkoonunseen ewh ahzhahwashk: oobuhmeetahwaun muh enewh Kesha‐Muhnedoon, ahyahzhittahwahewad chenishkanemaud enewh maje‐ezhewabezenejin.
5Medush kaöonje‐nuhittahgayagoobun, kahween atuh nishkahdezewin oonje, ewh suh goo kuhya kekekanindezoowin oonje.
6Oo‐oo suh oonje tebahahmook ewh oogemah tebahahmahgoowin: oodahnoonegoowaun muh enewh Kesha‐Muhnedoon, oo‐oo uhyeëe moonzhug chemekinduhmoowaud.
7Meenik dush kuhkenuh bamahdezejig menik mazenuhahmahwagwah: tebahahmahgoowin wah‐owh katebahahmahgoozepun; mahwunjechegun owh mahwunjechegun wadahpenung; koosik egewh kakoosindebuneeg, kechetwahwanemik egewh kakechetwahwanemindebuneeg.
8Kagoo ahweyah gagoo muhzenuhahmahwahkagoon, me atuh chesahgeëdeyag; owh muh suhyahgeäud enewh pakahnezenejin oogetaguhnuhwandaun tebahkoonegawin.
9Me suh oonoo, Kahween kegahpezhigwahdezese, Kahween kegahneeshewase, Kahween kegahkeemoodese, Kahween kegahkuhkenuhwishke‐bahtaungase, Kahween kegahshoobeëgooseen gagoo; kuhya kishpin anduhgoogwan pakaunuk kuhgequawin, duhgoomahgud emuh maunduh ekedoowining, Azhesahgeëdezooyun kegahezhesahgeäh keeje‐duhnuhkewamahgun.
10Ewh suh sahgeëwawin kahween oomujje‐doodahwahseen weeje‐duhnuhkeewamahgunun: ewh sahgeëwawin me suh wanje‐guhnuhwanduhming ewh tebahkoonegawin.
11Oo‐oo suh ezhewabezeyook, kekanduhmung noongoom ahzhuh ketebishkoosag chekooshkoosingebun, nahwuj muh noongoom pashoo beähyahmahgud kekahgega-bemahdezewinenahnin, ewh dush ween kahmahje‐dabwayanduhmung.
12Zhuhyegwah ishpe‐tebekud, kezhegud pashoo peähyahmahgud; umba wabenundah enewh puhsungishtebike ahnookewinun, pesekundah dush ewh wahsayahzewine ushwewin.
13Mahnoo suh dush enoosadah kaënoosayungoobun kahzhegukin, kahween goo emuh oombegezewine wekoondewining, kuhya kewushquabewining, kah kuhya emuh kuhkebahdezewining, kuhya peshigwahdezewining, kahween kuhya emuh kekaundewining kuhya keshahwanindewining.
14Kekishkahwik atuh owh Tabanemenung Jesus Christ, kagoo kuhya bahbahmandunkagoon ewh weyausemah, chemekinduhmag azhenunduhwanduhmoomahguk.
Currently Selected:
ROMANUN 13: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
