PSALMS 95
95
1Umba nuhguhmootahwahdah owh Jehovah: anegookoodaäyung moojegezetahwahdah owh mashkahwezid Bamahjeënung.
2Ezhahdah emuh anahsuhmid chemahmooyahwayung; emuh nuhguhmoowining mezheshuh cheëzhemoojegezetahwung.
3Ween mah Jehovah Keche Kesha‐Muhnedoowe: kuhya ahwahshema oogemahwandahgooze dush ween kuhkenuh Muhnedoon.
4Emuh oonenjeeng anegookwaug uhkee ootuhkoonaun: kuhya mashkahwezemahgukkin wahjewun ween oodebandahnun.
5Ewh keche‐kechegummee ween oodebandaun, oogeöozhetoon mah: kuhya emuh ooninjeeng kebeoonzekahmahgud e‐ewh pangwuhkumegaug uhkee.
6Umba shahgushketahwahdah kuhya neseepuggezoodah; cheöojecheengwuhnetahwung owh Jehovah kahoozheënung.
7Ween mah Jehovah Kekesha‐Muhnedoomenaun ahwee: kuhya dush kenuhwind oonejahnesun ashummahjin kedahwemin, kuhya oomahnishtahneshemun kahoozheähjin.
8Noongoom kezheguk kishpin noonduhmoowagwan oodinwawin, kagoo mushkahwahtookagoon kedaëwaun: debishkoo kuhgaunjeëdewining kuhya kuhgwatebanedewining ewede bahgwuhduhkummig;
9Uhpe koosewaug kahkuhgwatebanemewaud: kahpuggukkanemewaud, kahwahbundahmoowaud nindahnookeewinun.
10Nemeduhnah duhsoo kekenoonoowinun, ningenishkanemaug oogoo kuhya dush ningeëkid; Mesuh goo bamahdezejig bakatahjig emuh oodaëwaung, kah mah oogekekandusssenahwah nemeekunun.
11Mesuh oogoo kahenuggig emuh nenishkahdanduhmoowining, chepeendegasigwah emuh nindaunwabewining.
Currently Selected:
PSALMS 95: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
