PSALMS 94
94
1Kesha‐Muhnedoo dabanduhmun ahzhittahwahegawinun: Jehovah Kesha‐Muhnedoo dabanduhmun ahzhittahwahegawinun wahsayahzin.
2Puhsegween, O keen tabahkoonuhmun uhkee: ahzhittah‐doodow egewh mamenahdezejig.
3Ahneen menik, egewh maje‐ezhewabezejig: Jehovah ahneen menik kamahmauzhetwahwaud egewh maje‐ezhewabezejig?
4Ahneen menik kakekedoowaud sanuggukkin ekedoowinun: kuhya kuhkenuh maje‐ezhechegajig kamuhmequahzoowaud.
5Oobahnahjeähwaun kedahnishenahbamun, O Jehovah: kuhya oodoojahnemetoonahwah uhkee dabanduhmun.
6Oonesahwaun enewh shegaun kuhya enewh mayahdahwezenejin: kuhya oonesahwaun enewh kahwezenejin.
7Pooch oo‐oo ekedoowug, Kahween Jehovah oogahwahbunduhseen: kah kunya Jacob ookesha‐Muhnedoomun oogahbahmanduhseen.
8Nahnahgahdahwanduhmoog kenuhwah ahwaseeng azhewabezeyag ahnishenahbadoog: kuhya kenuhwah kakebahdezeyag ahneen uhpe kanebwahkahyag?
9Owh kahoozhetood ootahwugahmah kahnahween tahnoonduhse? Owh kahoozhetood ooshkinzhegoomah kahnah ween tahwahbese?
10Owh pazhunzhaäud ahnooj azheweenzoonejin ahnishenahban kahnuh ween tahpuhzhunzhaëwase? Owh kakenooähmahwaud enenewun kekandahsoowin.
11Jehovah ookekandahnun oonahnahgahdahwanduhmoowinewaun egewh enenewug; kuhnuhga ningood cheënahbuttussenoonig.
12Shahwandahgooze suh owh enene keen pazhunzhawud, O Jehovah: kuhya kakenooähmahwud oonje ketebahkoonegawining.
13Cheaunwabeüd uhpe ahyahnemezejin: nahnauzh wahnekahdamahgudenig wahnekaun kapeenjesawaud egewh maje‐ezhewabezejig.
14Kah mah Jehovah oogahwabenahseen enewh oodahnishenahbamun: kah dush oogahnuhguhdunseen tebenuhwa ooduhkeem.
15Quuhyuk mah tahtebahkoonegamahgud ewh tebahkoonegawin: kuhkenuh dush egewh quuhyukoodaäjig oogahnoopenuhdahnahwah.
16Ahwanan kapuhsegweed cheweedookahwid wemujje‐doodahwewaud egewh maje‐ezhewabezejig? Ahwanan kanahdahmahwid wemegahnugwah egewh mahkindungig mujje‐uhyeëewish?
17Kishpin keweedookahwesigebun Jehovah: wuhyebah ninjechaug oodahgeähbeetaun ishquahwawin.
18Uhpe kahekedooyaun ningeöozhahsheshin: ninpemeähsoonegoon keshahwanjegawin, O Jehovah.
19Ashenuk nenahnahgahdahwanduhmoowinun peenjenuh nindaïng: ninjechaug oogemenoo‐daäshkahgoon kemenoodaäshkahgawinun.
20Kegahweedookahgoon enuh ewh mujje‐ezhewabezewine‐oogemah‐wuhbewin: owh wazhetood mujje‐uhyeëewish oonje tebahkoonegad.
21Mahoonjeëdewug chemegahnahwaud enewh oojechaugwun owh manoo‐ezhewabezid: kuhya oonahneboondahnahwah ewh maje‐ezhechegamahgussenook misquee.
22Neguhnuhwanemik suh Jehovah: Ne‐Kesha‐Muhnedoom ahwe azhebik azhenezhemooyaun.
23Oodahzhettahwahaun oonje oomujje‐ezhewabezewinewaun, kuhya oogahnesaun emuh tebenuhwa ookuhkebahdezewinewaung: aahe Jehovah Kekesha‐Muhnedoomenaun oogahnesaun enewh.
Currently Selected:
PSALMS 94: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
