PSALMS 96
96
1O nuhguhmootahwik Jehovah ooshkenuhguhmoowin: nuhguhmootahwik Jehovah kuhkenuh akeeweyag.
2Nuhguhmootuhwik Jehovah, wahwezhanduhmook oodezhenekahzoowin: debahdooduhmook oobemahjeëwawin anduhsoo kezheguk.
3Debahjemootuhwik anuhmeähsigoog azhepezhegandahgoozid: kuhya wahweenduhmahwik kuhkenuh ahnooj azheweenzoojig ahnishenahbag azhemahmaundahwejegad.
4Kechetwahwandahgooze mah Jehovah kuhya tahkeche‐mahmooyahwahmah: ahwahshema tahkoosah dush ween kuhkenuh muhnedoog.
5Kuhkenuh mah ahnishenahba‐muhnedoog muzzenenewewug: Jehovah dush ween oogeöozhetoonun enewh kezhigoon.
6Kechetwahwandahgoozewin kuhya Keche‐oogemahwandahgoozewin ahyahmahgudoon enahsuhmuhbid: mushkahwezewin kuhya pezhegandahgoozewin duhgoomahgudoon emuh oodahnumeä‐weguhmigoong.
7Meenik Jehovah ahnishenahbadoog: meenik Jehovah pezhegandahgoozewin kuhya mushkahwezewin.
8Meenik Jehovah ewh kechetwahwandahgoozewin dabandahgwuk emuh oodezhenekahzoowining: peetog meegewawin kuhya peendegag emuh oowegewauming.
9O shahgushketuhwik owh Jehovah emuh memoo‐ezhewabezewine‐pezhegandahgoozewining: sagezeyook anahsuhmuhbid kuhkenuh kenuhwah akeeweyag.
10Wahweendahmahwik egewh mayug‐ahnishenahbag, cheKeche‐oogemahwid Jehovah: uhkee dush tahminjemoosin cheöonjemahmahjesasenook: quuhyuk oogahtebahkoonaun enewh ahnishenahban.
11Tahmoojegezemahgud ewh keezhig, kuhya tahoonahnegwanduhmoomahgud uhkee: tahmuh twawayaushkah kechegummee kuhya kuhkenuh uhyeëen emuh atagin tahmoojegezemahgudoon.
12Tahmoojegezemahgud ketegaun kuhya kuhkenuh uhyeëen emuh atagin; medush uhpe kaöonahnegwanduhmoowaud metigoog emuh metigwuhkeeng.
13Anahsuhmuhbid Jehovah, peëzhah mah peëzhah chetebahkoondung uhkee: menoo‐tebahkoonegawining oogahezhetebahkoondaun uhkee kuhya enewh ahnishenahban emuh oodabwawining.
Currently Selected:
PSALMS 96: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
