PSALMS 91
91
1Owh andaud emuh ookeemoodezewining owh mahyahmahwe‐ishpandahgoozid: tahduhneze emuh anduhzhe ahgahwahtashkahgood mahyahmahwe‐ishpandahgoozenejin.
2Oo‐oo ningahenah, keen Kesha‐Muhnedoo kedow nindezhenezhemoowin kuhya swaungung newah kahegunim: ne‐Kesha‐Muhnedoom kaähpanemug.
3Kagate ningahkediskenik oonje oonahgwahguning owh kaöosad: kuhya mujje‐ahkoosewining.
4Ahnaum ningwegunaung kegahguhnuhwanemik: kuhya ahnaum ooningwegunaung kegahuhpanemoon: oodabwawin debishkoo kedushwewining tahezhewabud.
5Kahween kegahkootunseen owh quatahmegwuk magwah tebekuk: kah kuhya kegahkootunseen ewh kenwaukwunween pamesamahguk magwah kezheguk.
6Kah kuhya kegahkootunseen ewh mujje‐ahkoozewin babahmoosamahguk magwah kushke‐tebekuk: kuhya ewh ahkoosewin nashewamahguk nuhyahwuhquag.
7Metauswauk tahkahwesawug emuh kepemayowing: kuhya metahching metauswauk emuh kekechenikaung: kah dush pashoo kegahoodissegoose.
8Kishkinzhegoon atuh kegahwahbundaun: ootebahahmahgoowinewaun egewh maje‐ezhewabezejig.
9Keen mah Jehovah nindezhenezhemoowin kedow: mayahmahwe‐ishpandahgoozïd ahwe kewegewaum.
10Kahween mujje‐uhyewish kegahoodissegooseen; kah dush gagoo mujje‐ahkoosewin pashoo kewegewauming tahtuhgwishenoomahgussenoon.
11Oogahguhnoonaun enewh oodangenemun cheguhnuhwanemikwah: chebemahjeïkwah emuh kuhkenuh kemeekunaung.
12Emuh ooneenjewaung kegahahsoonegoog: chepukkedashinsewun emuh ahsineeng.
13Kegahtuhkookahnaug owh mezhebeshee kuhya mujje‐kenabigoons: kegahtuhkookahnaug mezhebesheens kuhya keche‐kenabigoon.
14Oonje keähtood oosahgeëwawin emuh neyowing mesuh kaönjebemahjeüg: ningahahsah ewede ishpeming oonje kekekandung nindezhenekahzoowin.
15Ningahnuhnaundoomik kuhya ningahnuhquatuhwah: ningahweejewah uhpe ahyahnemezejin; ningahbemahjeäh kuhya ningahkechetwahweäh.
16Ningahtabeäh kenooazh chebemahdezid: kuhya ningahwahbundahah nebemahjeëwawin.
Currently Selected:
PSALMS 91: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
