PSALMS 92
92
1Keche‐Oonesheshin suh chemahmooyahwahmind owh Jehovah: kuhya chewahweenjegahdag kedezhenekahzoowin emuh nuhguhmoowining mahyahmahwe‐ishpandahgoozeyun.
2Chewahweenjegahdag keshahwanjegawin kakeshabahwukkin: kuhya kedabwawin tabekukkin.
3Buhkaun doowun muhtwawajegunun ayooyaun; ewh Kache‐muhtwawamuhguk muhtwawajegun.
4Keen mah Jehovah kebahpenanduhmow oonjekedahnookeewin: ningahwahwezhandahnun enewh ahnookeewinun kahoozhetooyunin.
5O Jehovah kagate keche‐ahpeetandahgwudoon kedahnookewinun: kuhya keche‐demeemahgudoon kenahnahgahdahwanduhmoowinun.
6Owh ahwaseeng azhewabezid enene kahween oonahnahgahdahwanduhseen oo‐oo; kah kuhya owh kakebahdezid enene oonesittootunseen.
7Uhpe suhyahgukkewahjin egewh maje‐ezhewabezejig debishkoo mushkoosewining: uhpe dush mahyahjegewahjin kuhkenuh egewh mahkindungig mujje‐ezhewabezewin: chekahgega‐bahnahdezewaud mesuh wanjeëzhewabuk: keen atuh Jehovah kemahmahwe‐ishpandahgooz kahgenig.
8Benuh, O Jehovah, tahnishwahnahdezewug egewh shaunganemikig: kuhya kahsuhswashkuhwahwug kuhkenuh egewh mahkindungig mujje‐ezhewabezewin.
9Kegahoombenaun atuh nindashkun debishkoo wadashkunid papazhegoogunzhe; nenuhmuhkoone goo ooshke pemeda.
10Nishkinzhegoong ningahwahbuhmaug egewh mahgahzhejig chedoodahwindwah debishkoo azhenunduhwanduhmaun: kuhya netuhwugaung ningahnoondum chedoodahwindwah egewh maje‐ezhewabezejig debishkoo azhenundahwanduhmaun.
11Debishkoo azhemekoogid palminegahwunzh mesuh kaëzhemenoo‐ahyaud owh manoo ezhewabezid: tahmahjege debishkoo Lebanoning duhzhe‐gezhik.
12Egewh asindjig emuh oowegewauming owh Jehovah; tahmekoogewug emuh oodahbenahsoowining Kekesha‐Muhnedoomnnaun.
13Tahmenewewug uhpe katezewaud: tahweninoowug kuhya tahmenooahyahwug.
14Cheöonjekekandahgoozid, owh Jehovah, chequuhyukwahdezid; nindahzhebikoom‐ahwe kah dush kuhnunga ookekishkunseen gagoo mujje‐ezhewabezewin.
Currently Selected:
PSALMS 92: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
