PSALMS 90
90
1Jehovah, nindahbewinenaun kedow: kahgenig ahpena kahgenig.
2Chepwah kenegeemahguk enewh wahjewun kuhya chepwah keöozhechegahdag uhkee: keen kegeKesha‐Muhnedow kahgenig kuhya kahgegakummig.
3Keweyuggussaäh enene: kuhya oo‐oo kedenah, Ezhekewag wandahdezeyag kenuhwah ahnishenahbawedoog.
4Debishkoo pechenahgoo kedenandum kahmetauswauk duhsoo pepoonahguk: gamuh debishkoo kahnewoo‐tebahegunag tabekuk.
5Kedezheäug chewabahboogoowaud mwaushkahung, nebahwining ezheähyahwug: kekezhab debishkoo mushkoosewining ezheneboodazoowug.
6Kekezhab oozhahwushquahbuhgah kuhya mahjegemahgud: wanahgooshig edush kishkezhegahda kuhya nebooda.
7Oonje mah nishkahdezeyun nebahnahdezemin: kuhya oonje keche‐nishkahdezeyun nemegooshkahdandahmin.
8Kegeähtoonun nemujje‐ezhewabezewinenahnin emuh anahsuhmeyun: kuhya uhpena kewahbundahnun nekeemoodezewinenahnin oonje wahsayaug kedangwy.
9Keïshquahsamahgudoon nekezhegudoomenahnin oonje nishkahdezeyun: kuhya debishkoo ahjinah nahnahgahdahwanduhming ezheähyahmahgudoon nekekenoonoowinenahnin.
10Neezhwahsoo‐meduhnuh pepoon nebemahdezemin, kishpin dush ahweyah ishwahsoo‐meduhnuh pepoonuhgezid oonje mushkahwezid: suhnuhgudene kuhya ketemahgudene oomushkahwezewin oonje wuhyebah mahjahmahgudenig, medush chemahjebezooyaung.
11Ahwanan kakandung azhemushkahwezemahguk kenishkahdezewin? kenishkahdezewin wanje‐koosigooyun.
12Kekenooähmahweshenaum cheähginduhmaung nekesheguddoominahnin: ningahpeetoomin dush nabwahkahmahguk oodaëmah.
13Nayaub penaunzahkahweshenaum Jehovah! Ahneen menik kaöondandeyun: Mahnoo aunwanindezoon oonje kebuhmeetahgunug.
14Kekezhab tabesineëshenaum keshahwanjegawin: medush kaöonjemoojegezeyaung kuhya kaöonjebahpenanduhmaung menik kabemahdezeyaung.
15Menik kezhegudoon kahkooduggeëyaung, me menik kabahpenanduhmooëyaung: menik kekenoonoowinun kewahbunduhmaung ketemahgezewin.
16Wahbundahow kebuhmetahgunug kedahnookewin: kuhya kenejahnesug kepeshegandahgoozewin.
17Mahnoo ningahahyahmin oominwahbuhmenahgoozewin owh Jehovah nekesha‐Muhnedoomenaun. Uhyeenjesittoomahweshenaum nindahnookeewinenaun: menungakah uhyeenjesitton nindahnookewinenaun.
Currently Selected:
PSALMS 90: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
