PSALMS 89
89
1Ningahnuhguhmootaunun ooshahwanjegawinun owh Jehovah kahgenig; ningahdebahjemootuhwaug egewh kaähneka‐bemahdezejig azhenetuhdabwayun, nindoon kaähyooyaun.
2Oo‐oo mah ningeëkid: kahgenig tahoozhechegahda keshahwanjegawin debishkoo wahkaheguning: kegahuhyeenjesittoon kedabwawin emuh ishpeming kezhigoong.
3Ninkezheetoomahwah owh kahwuhwanahbuhmug ewh wahweendahmahdewin: ningemushkahwe‐wahweenduhmahwah nebuhmetahgun David.
4Kahgenig ningahuhyeenjeäug kenejahnesug: kuhya kahgenig uhpena kahgenig ningahuhyeenjesitton kedoogemah‐wuhbewin.
5Jehovah kemahmaundahwejegunun wahweenjegahdanoon ewede kezhigoong: kuhya kedabwawin emuh anduhzhe‐mahooonjeëdewaud egewh anuhmeähjig.
6Ahwanan mah ewede kezhigoong ayaud anandahgoozid debishkoo anandahgoozid Jehovah? Ahwanan anduhchenid oogwissewaun mashkahwezejig azhewabezid debishkoo azhewabezid Jehovah?
7Keche‐kootahmegooze Kesha‐Muhnedoo emuh keemooj anduhzhe‐kahkekedowaud egewh anuhmeähjig: enandahgooze chekoosegood enewh kawetahkahbahwetahgoojin.
8O Jehovah Kesha‐Muhnedoo dabanemudwah egewh waqueenoojig, ahwanan azhemushkahwezid debishkoo keen azhemushkahwezeyun; kuhya kekewetaushkahgoon kedabwawin.
9Kedoogemahkundaun kechegummee nashkahduk: uhpe mamaungaushkaug kedookesittoonun enewh tegoowun.
10Kepegoosittoon Rahab debishkoo ahweyah nasind: mashkahwezemahguk keneenj ayooyun kegesuhswanahzhahwaug egewh mahgahnikig.
11Keen kedebandaunun kezhig kuhya uhkee: kuhya kegeöozhetoonun kuhkenuh uhyeëen emuh atagin.
12Kegeöozhetoonun kewadin kuhpa shahwuhnuhoon; Tabor kuhya Hermon moojegezemahgudoon emuh kedezhenekahzoowining.
13Kemushkahwenikan: mushkahwezemahgud keneenj, ishpandahgwud kekeche‐neenj.
14Kedoogemah‐wuhbewin duhgoomahgud emuh quuhyukwahdezewining kuhya menoo‐tebahkoonegawining; emuh anahsahmingwayun tahezhahmahgudoon shahwanjegawin kuhya dabwawin.
15Shahwandahgoozewug egewh ahnishenahbag kakandungig ewh moojegetahgoozewin: tahbemoosawug Jehovah emuh azhewahsayaug kishkinzhegoon.
16Kedezhenekahzoowining tahoonjemoojegezewug kuhpa kezhig; kuhya kequuhyukwahdezewining tahoonjekechetwahwandahgooähwug.
17Keen suh kedow owh wanjepezhegandahgwudenig oomushkahwezewinewaun: emuh dush keshahwanjegawining tahoonjenoombenegahda nind-dashkunenaun.
18Keguhnuhwanemegoonaun mah Jehovah: owh kache‐peenezid emuh Israeling kekecheöogemahmenaun ahwe.
19Me uhpe, keguhnoonud owh pahnezid kemeezhenuhwam emuh enahbunduhmoowining oo‐oo keenud: ningemeenah owh mashkahwezid neweedookahgawin: ningekechetwahweäh pazhig kahkuhgegenug oonje ahnishenahbag.
20Ningemekahwah David nebuhmeetahgun: ningenuhmuhkoonah ewh pahnuk nenahmuhquewin.
21Kahgenig oogahweejewegoon neneenj: oogahmushkahwezeëgoon nenik.
22Kahween oogahmujje‐doodahgooseen nashkaninganejin: kah dush oogahkooduggeëgooseen enewh maje‐ezhewabezenejin.
23Ningahniswabenuhmahwah enewh mahgahnegoojin: kuhya ningahpukkedaäug enewh shaunganemegoojin.
24Uhpena oogahweejewegoon nindabwawin kuhya neshahwanjegawin: tahoombenegahdane dush oodashkun nindezhenekahzoowin oonje.
25Ningahahtoon ooneenj emuh kechegummeeng: kuhya ookeche‐neenj emuh seebeeng.
26Ningahnahnaundoomik oo‐oo dush ningahik. Noos kedow ne‐Kesha‐Muhnedoom, kuhya bamahjeëwamahguk nindahzhebikoom.
27Debishkoo andoodahwind netumoojaun mesuh kadoodahwug: nahwuj tahishpandahgooze dush ween uhkeeng duhzhe keche‐oogemaug.
28Kahgenig ningahguhnuhwanduhmoowah neshahwanjegawin: kahwahweendahmahwug ahbetakummig ningahezhechega.
29Oonejahnesun kahgenig tahahyahwun: kuhya oodoogemah‐wuhbewin debishkoo kezhigoong duhshe kezhegudoon.
30Kishpin ooneejahnesun nuhguhduhmoowaud netebahkoonegawin: kuhya kishpin bemoosasigwah emuh nekuhgequawining.
31Kishpin pegoobetoowaud nekuhgequawinun: kuhya weguhnuhwanduhsigwah netebahkoonegawinnun.
32Mesuh kapuhzhunzhaügwah oonje oomujje‐ezhewabezewinewah: kuhya ningahpukkedaäug oonje ookuhkebahdezewinewaun.
33Pooch enunga ningahahpeche muhkummaug neshahwanjegawin: kah dush ningahpeegoobetooseen nindabwawin.
34Kahween ningahbahnahjetooseen newahweendahmahgawin: kah dush ninquaketooseen ewh kahsahgahumoomahguk oonje nindooning.
35Ahbeting ningewahweendaun nemenooëzhewabezewin kewahweendahmahgayaun: kahween ninkuhkenuhwishketuhwahse David.
36Oonejahnesun kahgenig tahahyahwun: kuhya oodoogemah‐wuhbewin debishkoo keezisoong anahsuhmeyaun.
37Debishkoo azheminjemoosing owh tebikekeezis kahgenig: kuhya debishkoo duhyabwad dabahjemood emuh kezhigoong.
38Kegewabenah dush ween, kuhya kegesheenganemah owh kahnuhmuhkoonud: kegenishkanemah suh.
39Kegepegoobetoon oowahweendahmahgawin owh kebuhmeetahgun: kegeähpuggedaun oodoogemah‐wewuhquaun emuh uhkeeng.
40Kegeniswabenaunun kuhkenuh oomechekunun: kuhya kegebahnahjetoonun oowahkahegunun.
41Ookeemoodemegoon enewh bamoosanejin: oobahpenuhdahgoon enewh weejeduhnuhkewamahgunun.
42Kegeöombenuhmahwaug ookeche‐neenjewaun enewh mahgahnegoojin: kegepuggedenuhmahwaug kuhkenuh enewh shaunganemegoojin chemoojegezenid.
43Kegeähzheyahbikkesetoon oodahzhe washkoom: kah dush kegenebahweähse uhpe mahgahding.
44Kebahnahjetuhmahwah oopezhegandahgoozewin: kuhya kegeniswabenaun oodoogemah‐wuhbewin peenish uhkeeng.
45Kegetahquahtoonun oodooshkenegewine‐kezhegudoomun: kegekeche‐ahgujjeäh.
46Ahneen menik kakahzooyun Jehovah? Kahgenig enuh; ishkootang enuh tahenahketa kenishkahdezewin?
47Mequandun azhetuhquahbeguk ninbemahdezewin: ahnishwin ahneshah keöozheüdwah enenewug?
48Ahwanan owh enene bamahdezid, kawahbunduhsig edush neboowin: oogahbemahjeäun enuh oojechaugwun cheëzhahsenig emuh chebaguhmigoong.
49Jehovah ahneende azhahmahguk kuhyet keshahwanjegawinun: enewh kahkeche‐wahweenduhmahwud David emuh kedabwawining?
50Mequandun, O Tabaningayun azhebahpenuhdoowindwah kebuhmeetahgunug: azhepemewetooyaun emuh nepeendoomooning oonuhneebikingawinewaun kuhkenuh mashkahwezejig ahnishenahbag.
51Enewh azhenuhneebikemewaud, Jehovah: azhenuhneebekinduhmoowaud ootuhkookeewinun owh namuhkoonud.
52Tahmahmooyahwahmah Jehovah kahgenig: Amen kuhya Amen.
Currently Selected:
PSALMS 89: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
