PSALMS 88
88
1O Jehovah Kesha‐Muhnedoo, bamahjeëyun: kegenuhnaundoomin kahzhegukkin kuhya tabekukkin.
2Mahnoo kegahoodissegoon nindahnuhmeäwin: bezinduhmooweshin nindahnuhmeäwin.
3Nekeche‐kooduggettoo emuh ninjechaugoong: ninbemahdezewin dush pashoo tuhgwishenoomahgud emuh chebaguhmigoong.
4Neduhgoo‐uhgemegoo egewh ezhahjig ahnahmuhkummig: nindezheähyah debishkoo enene kuhnuhga mashkahwezesig.
5Newabenegauz emuh anduhzhe‐ahyahwaud egewh nasindjig shageshingig emuh chebaguhmigoong: egewh maquanemahsewudjig keen mah kegenesaug.
6Kegeähtoon neyow emuh ahpeche ahnahmahkummig: emuh akoo‐kushketebekuk kuhya emuh akoo‐demeeg.
7Keche‐koosegwun kenishkahdezewin emuh neyowing: kuhya kegekooduggewh kuhkenuh enewh ketegoowun.
8Wahsuh kegeähsaug egewh kakanemugig: kegeëzheäug chekuhgwahnesugganemewaud: nekebahgwahegauz, kah dush nekushketoose chesahguhahmaun.
9Bahnahdud nizhkinzhik oonjekoodugganduhmowin; andusoo‐kezhik kegenuhnaundoomin, O Jehovah; ningeshebinikan keen anuhkuhkayah.
10Kegahmahmaundah‐doodahwaug enuh egewh naboojig? Tahpuhsegwewug enuh egewh chebuyug chewahwezhanemikwah?
11Tahwahweenjegahda nuh keshahwanjegawin emuh chebagummigoong: kuhya kedabwawin emuh bahnahdezewining.
12Tahkekanjegahdanoon enuh akoo‐kushke‐tebekuk: kuhya kequuhyukwahdezewin emuh wuhnanduhmoowine‐uhkeeng?
13Kenuhnaundoomin, O Jehovah: kakezhabahwahgukkin kegahoodissegoon nindahnuhmeäwin.
14Ahnishwin, O Jehovah, kawabenud ninjechaug: kegahkahdoon nah kishkinzhegoon chewahbunduhsewaun?
15Neketemahgiz kuhya nenetuhnib pahahkooooshkenegeyaun: oonjekooduggeëyun nepwahnuhwetoo.
16Nishtequauning kepeëzkahmahgudoon kenishkahdezewinun: nihgebahnahjeëgoo oonje sagemeyun.
17Ningekewetaushkahgoonun debishkoo tegoowun kuhpa kezhik: kewetuhyeëe mahmahwe ningeöodisegoonun.
18Wahsuh kegëahsah owh suhyahgeïd kuhya owh wahdookahwid: egewh kakanemugig ahyahwug emuh akoo‐kushketebekuk.
Currently Selected:
PSALMS 88: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
