PSALMS 146
146
1Hallelujah: mahmooyahwahmow Jehovah, O ninjechaug.
2Ningahmahmooyahwahmah Jehovah menik kabemahdezeyaun: ningahnuhguhmootahwah neKesha‐Muhnedoom, menik kabemahdezeyaun.
3Kagoo ahpanemahkagoon oogemaug: gamuh enene oogwissun, oonje kushketoosig cheweedookahgad.
4Kahishquahnahmood ezhekewa emuh uhkeeng kahoonjebaud: mesuh uhpe banahduk oodenanduhmoowinun.
5Shahwandahgooze suh owh wahdookahgood enewh Jacob ooKesha‐Muhnedoomun: owh apanemaud enewh Jehovahun ooKesha‐Muhnedoomun.
6Mesuh owh kahoozhetood kezhig kuhya uhkee, kechegummee kuhya kuhkenuh atagin emuh: owh ganuhwandung ewh dabwawin kahgenig.
7Owh quuhyuk tabahkoonaud enewh maje‐doodahwinmenejin. Owh ashummaud enewh pakuddanejin: Jehovah oopuggedenaun enewh kabahqua-egahzoonejin.
8Jehovah wahyahbeäud enewh kakepeengwanejin wambenaud enewh nawatahnejin: Jehovah suhyahgeäud enewh manoo‐ezhewabezenejin.
9Mesuh Jehovah ganuhwanemaud enewh muhyahdahwezenejin: oomenoo‐doodahwaun enewh kahwezenejin kuhya shahgahwenejin: kuhya oowaushkemootoonun oomeekunahwaun egewh maje‐ezhewabezejig.
10Jehovah tahoogemahwe kahgenig: keKesha‐Muhnedoom, O Zion, tahoogemahwe kahgenig ahpena kahgenig. Hallelujah.
Currently Selected:
PSALMS 146: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
