PSALMS 145
145
1Kegahwahwezhanemin ne Kesha‐Muhnedoom, O Keche‐oogemah: kuhya ningahwahwezhandaun kedezhenekahzoowin kahgenig kuhya kahgenig.
2Andussoo‐kezhig kegahwahwezhanemin: kuhya ningahwahwezhandaun kedezhenekahzoowin kahgening uhpena kahgenig.
3Kechetwahwandahgooze Jehovah kuhya tahkeche‐mahmooyahwahmah: kahween ahweyah oogahtanesittootunse ookechetwahwezewin.
4Egewh ahyahneka bemahdezejig tahwahweendahmahdewug kedahnookeewinun azhewahwezhandahgwuk: kuhya oogahdebahdoodahnahwah kekeche‐ahnookeewinun.
5Neen ningahdebahdoodaunun ewh kachetwahwandahgwuk kedoogemahwandahgoozewin: kuhya mamaundahwukkin kedahnookeewinun.
6Enenewug oogahdebahdoodahnahwah ezhemushkawezemahguk enewh quatahmegwukkin kedahnookeewinun: neen dush ween ningahdebahdoodaun kekechetwahwezewin.
7Chemequanjegahdag buhyahteënuk kekeshawahdezewin tahoonjekekedoowug: kuhya tahnuhguhmoowug debahdooduhmoowaud kequuhyukwahdezewin.
8Shahwanjega kuhya ketemahganjega Jehovah: zebiskahje‐kedahzoo, kuhya keche‐keshawahdeze.
9Jehovah ooshahwanemaun kuhkenuh bamahdezenejiu: kuhya ooshahwandaunun kuhkenuh oodahnookeewinun.
10O Jehovah kemahmooyahwuhmegoog kuhkenuh kahoozheüdjig: kuhya kewahwezhanemegoog kuhkenuh egewh anuhmeätookig.
11Oowahweendahnahwah azhepezhegandahgwuk kedoogemahwewin: kuhya oodebahdoodahnahwah kemushkahwezewin.
12Enenewug chekekanduhmooïndwah azhemushkahwezemahgudenig oodezhechegawinun: kuhya azhepeshegandahgwudenig oodoogemahwewin.
13Kahgenig ahpena kahgenig tahduhgoomahgud kedoogemahwewin: kuhya kekeche‐oogemahwandahgoozewin menik kaähneka‐bemahdezing.
14Jehovah oopemeähsoonaun kuhkenuh enewh wahpungeshinenejin: oodoombenaun kuhkenuh enewh nawatahnejin.
15Keguhnuhwahbuhmegoog kuhkenuh: kuhya kedahshummaug ubpe dabishkoosanig cheähshummindwah.
16Kepahsahgineenjin: kuhya ketabesineäug kuhkenuh bamahdezejig.
17Jehovah menoo‐ezhewabeze emuh kuhkenuh oodezhechegawining: kuhya shahwanjega emuh kuhkenuh oodahnookeewining.
18Jehovah pashoo oopenaunzekahwaun kuhkenuh enewh nanaundoomegoojin: kuhkenuh nanaundoomegoojin emuh dabwawining.
19Oogahdoodahwaun enewh quasegoojin debishkoo nunduhwanduhmenid: kuhya oogahbezindaun oodahyahshequawinewaun kuhya oogahbemahjeäun enewh.
20Jehovah ooguhnuhwanemaun kuhkenuh enewh suhyahgeëgoojin: kuhya oogahbahnahjeäun kuhkenuh enewh maje‐ezhewabezenejin.
21Ningahdebahdoodaun oowahwezhanemegoowin owh Jehovah nindoon kaähyooyaun: kuhya kuhkenuh wahyausewejig kahgenig kuhya kahgenig oogahwahwezhandahnahwah kachetwahwandahgwudenig oodezhenekahzoowin.
Currently Selected:
PSALMS 145: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
