PSALMS 147
147
1Mahmooyahwahmik Jehovah, oonesheshin mah chemahmooyahwahmung keKesha‐Muhnedoomenaun: minwandahgwud mah, kuhya minwahbuhmenahgwud wahwezhanduhmoowin.
2Jehovah oodoozhetoon Jerusalem: oomahwundoonaun enewh Israel oowabenegunun.
3Oomenoodaääun enewh magooshkahjedaänejin: oosinsoopenaun enewh.
4Ooduhgemaun ahnungoon: kuhya oomeenaun kuhkenuh oodezhenekahzoowinewaun.
5Keche‐ahpeetandahgooze Tabanemenung kuhya keche‐mushkahweze: mahmahwe‐nesittootahga.
6Jehovah oodoombenaun enewh agahsanemoonejin: kuhya ooniswabenaun enewh maje‐ezhewabezenejin emuh metushkuhkummig.
7Nuhguhmootahwik Jehovah: Maymooyahwahmik Kesha‐Muhnedoo muhtwawajegayag.
8Mesuh owh agwahnahung kezhig enewh ahnuhquudoon: owh wahzhetood kemewunahboo chekemewung oomah uhkeeng, owh wanje‐mezhushkookaug emuh wahjewing.
9Owh ashummaud ahwahkaunun: kuhya enewh kahgahgeensun masittahgoozenejin.
10Kahween oominwanduhseen papazhegoogunzhe oomushkahwezewin: kah kuhya oobahmanduhsenun enene ookaudun.
11Jehovah oominwanemaun enewh quasegoojin: kuhya enewh apanemoonejin ooshahwanjegawin.
12O Jerusalem, wahwezhanim Jehovah: wahwezhanim keKesha‐Muhnedoom, O Zion.
13Oogemushkahwesetoonun mah enewh kedahpahkuhgunun emuh kekeche‐ishquaundaming: oogeshahwanemaun kegwissun peendig oodanaung.
14Oopezaunesetoon keduhkeem: kuhya kedahshummik wanesheshid buhquazhegun.
15Oopuggedenaun ookuhgequawin oomah uhkeeng: keche‐kezheekah‐buhtoomahgudene oodekedoowin.
16Oomeegewan koon debishkoo mahnishtahneshe‐pewuying: kuhya uhpe wuhyahbekudingin tahnahsug suhwawabenung peengween.
17Oopuggedenaun oomeequumeensemun debishkoo pewunjegunun: ahwanan kanebahwid uhpe anahkoonegad chekeche‐kissenaug.
18Uhpe anahkoonegad cheningezoong, mesuh azhewabuk: ween oopuggedenaun chenooting, mesuh wanje‐shahgegummewung.
19Oowahbundahaun Jacobun oodekedoowin: kuhya Israelun ootebahkoonegawinun kuhya ookuhgequawinun.
20Kahween wekah oo‐oo oogedoodahwahseen pukkaun‐azheweenzoonejin ahnishenahban: kah kuhnuhga mayug‐ahnishenahbag ookekanduhsenahwah ootebahkoonegawinun. Hallelujah.
Currently Selected:
PSALMS 147: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
