PSALMS 144
144
1Tahmahmooyahwahmah Jehovah nindahzhebikoom: owh kakenooähmahwid ewh megazoowin.
2Neshahwanemegoowin, swaungung newahkahegunim, ashpaug nindahwin kuhya owh bamahjeïd: nepahkahquaun: owh apanemug, owh mamauzheahmahwid nindahnishenahbamun.
3Jehovah ahneen anandahgoozid enene chekekanemudebun: gamuh enene oogwissun chebahmanemudebun?
4Debishkoo ningood anahbuttussenoog uhyeëeng enandahgooze enene: debishkoo ahgahwahtashemoowining ezheüugwahnahgwudenewun ookezhegudoomun.
5Dahbussetoon kekezhigoom, O Jehovah, kuhya penesaunduhwan: taunginun enewh wahjewun cheoonjepuhquanag.
6Tahwahwahsuhmoowug ahnemekeeg cheöonjesuhswawabenindwah: pemoojegan enewh kekeenwaukoomun cheöonjesagemindwah.
7Ishpeming oonje puggedenun keneenjeen: metahgwanemooweshin nebewah seebeen, kuhya ooneenjewaun egewh mayug‐ahnishenahbag.
8Kuhkebahje‐kezhwawug oonje oodoonewaung: kuhya wuhyazhingamahgudene ookeche‐neenjewaun.
9O Kesha‐Muhnedoo kegahnuhguhmootoon ooshke‐nuhguhmoowin: kuhya kegahmuhtwawatuhmoon ewh keche‐muhtwawajechegun.
10Mesuh owh bamahjeäud enewh keche‐oogemaun: owh matahgwanduhmooäud oobuhmeetahgun David mujje‐ahzhahwashkoon.
11Metahgwanemooweshin enewh ooneenjewaun egewh mayug‐ahnishenahbag: kakebahje‐kezhwajig emuh oodoonewaung, kuhya wuhyazhingamahgudene ookecheneenjewaun.
12Ningwissenahnig chemahjegewaud magwah ooshkenegewaud debishkoo mushkoosewining: nindahnesenahnig debishkoo wuhyaquahyahbikee‐ahsineeg swaushkahchegahzoojig cheähsindwah emuh keche‐ahnuhmeä‐weguhmigoong.
13Chemooshkenag nemejemiguhmegoonahnin ahnoonj doowah meejim: nemahnishtahnisheminenahnig chenegeähwaud keche‐nebewah duhching metauswauk mahnishtahnisheensun mahyahwekunah emuh nindoodanahnaung.
14Chemushkahwezewaud nindahnooke‐pezhekeminahnig, gagoo chebahnahdussenook gamuh chewuhnahdussenook: cheduhgoomahgussenook ketemahgetahgoozewin emuh kedoodanahwenaung.
15Shahwandahgoozewug suh egewh ahnishenahbag oo‐oo azheähyahjig: shahwandahgoozewug ahnishenahbag waKesha‐Muhnedoomahjig Jehovahun.
Currently Selected:
PSALMS 144: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
