PSALMS 143
143
1Bezinduhmahweshin nindahnuhmeäwin Jehovah, kuhya nahnahgahdahwandun nenundoodah mahgawin: bezinduhweshin emuh kedabwawining kuhya emuh kequuhyukwahdezewining.
2Kagoo dush tebahkoonahkan kebuhmeetahgun: kah mahween emuh enahsuhmuhbeyun tahtaquuh-yukwahdezese ahweyah bamahdezid.
3Owh mah shaunganjegad oonoosoonawaun ninjechaugwun, oobahnahzekaun nebemahdezewin ewede uhkeeng: nindahsik emuh akoo‐kushketebekuk, debishkoo egewh maweshah kahneboojig.
4Mesuh wanjemegooshkahdandung ninjechaug peenjenuh neyowing: kushkanduhmoomahgud suh ninda emuh neyowing.
5Nemequandaunun kuhyet kezhegudoon, nenahnahgahdahwandaunun kuhkenuh kedahnookewinun: anuhnookeemahguk keneenj nenahnahgahdahwandum.
6Kesheebeneenjetoon, ninjechaug kemuhmeedahwanemik: debishkoo kashkebahgwamahguk uhkee azhenundahwanduhmoomahguk chekemewung.
7Waweeb nuhquatuhweshin, noondashin suh ninjechaug, kagoo kahdoomahweshekan kishkinzhegoon: koonemah nindahgeëzhewabiz debishkoo azhewabezewaud egewh paunjesajig emuh wahne kauning.
8Noongoom ningahnoondaun keshahwanjegawin kakezhabahwahgukkin, kedahpanemin mah: kekenooähmahweshin ewh meekun kaënebemoosayaunbaun: nindoombenah mah ninjechaug keen anuhkuhkayah.
9Kediskeëshin Jehovah oonje egewh shaunganemejig: kenahzhenezhemin chekahzooëdezooyaun.
10Kekenooähmahweshin cheëzhechegayaun ewh azhenunduhwanemeyun, keen mah kedow neKesha‐Muhnedoom: oonesheshe suh kejechaug, mahnoo ningahsuhgahbeginik emuh zhangahkummegaug uhkeeng.
11Bemahjeëshin, O Jehovah, oonje kedezhenekahzoowin: kuhya kediskewh ninjechaug oonje oojahnemezewining, oonje kequuhyukwahdezewin.
12Kuhya emuh keshahwanjegawining kegahbahnahjeäug egewh shaunganemejig: kuhya kegahnesaug kuhkenuh egewh magooshkahjeähjig ninjechaugwun, kebuhmeetahgun mah nindow.
Currently Selected:
PSALMS 143: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
