PSALMS 140
140
1Metahgwanemooweshin, O Jehovah, owh maje‐ezhewabezid enene; kuhya guhnuhwanemeshin oonje owh buhyahpenoodahgad enene.
2Egewh nahyahnahgahdahwandungig mujje‐nahnahgahdahwanduhmoowinun emuh oodaëwaung: ahpena mahoonjeëdewug cheöondoobunewaud.
3Oogekeenahbootoonahwah oodanuhnewewaun debishkoo mujje‐kenabigoong: kenabegoo‐mujje‐mushkeeke emuh oodoonewaung duhgoomahgud.
4Guhnuhwanemeshin oonje ooneenjewaun egewh maje‐ezhewabezejig: metahgwanemooweshin owh maje‐doodahgad enene owh anandung chenishwuhnahjetood nindezhahwinun.
5Kachetwahwanemoojig oogekahdoonahwah nuhgwahgun wenuhgwahzhewaud: kuhya ahsubaubeen mahyahwekunah cheneshewaud.
6Oo‐oo suh ningeënah Jehovah, Nekesha‐Muhnedoom kedow: bezindun nindahnuhmeätahgoozewin, O Jehovah.
7Jehovah Tabaningayun keen mashkahwezeyun bamahjeëwayun: kegeüngwahnahaun nishtequaun uhpe mahgahding.
8Kagoo doodahwahkan egewh maje‐ezhewabezejig azhenundoodahmookwah: kagoo weedookahwahkan wemujje‐ezhechegawaud, koonemah tahishpanindezoowug.
9Emuh ooshtequaunewaung egewh kawetah‐kahbahwetahwejig: mahnoo tahduhgoomahgudene tebenuhwa oomujje‐kezhwawinewaun.
10Mishkookunzhan tahpungesinoon emuh ooweyowewaung, tahahpuggenahwug emuh ishkootang: emuh akoo‐demeeg, menuhwah chemookesigwah.
11Maje‐kezhwad kahween tahminwuhbese oomah uhkeeng: owh maje‐doodahgad enene uhpena oogahnoopenuhnegoon mujje‐uhyeewish chekoopujjeëgood.
12Nekekandaun, Jehovah kagate weweedookahwaud enewh quattuggetoonejin: kuhya ooguhnoodahmahwaun enewh katemahgezenejin.
13Ahbetakummig egewh quayukwahdezejig oogahwahwezhandahnahwah kedezhenekahzoowin: egewh manoo‐ezhewabezejig tahnuhmuhduhbewug emuh anahsuhmeyun.
Currently Selected:
PSALMS 140: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
