PSALMS 141
141
1Jehovah kenuhnaundoomin waweeb penaunzekahweshin: bezindun nindinwawin uhpe anuhmeätoonaunin.
2Debishkoo menoo‐mahgoojeguning kegahuhyenandaun nindahnuhmeäwin: ewh nindoombeneenjewin debishkoo oonahgooshe‐sahsahgewejeguning.
3O Jehovah guhnuhwandun nindoon: ahkahwahbundun nindoon debishkoo ishquaundaming.
4Kagoo ezhedaäëshekan chewemujje‐ezhechegayaun, gamuh cheweedookahwugwah maje‐ezhechegajig enenewug; kahween nindahmeejeseen wanesheshinenig oomeejimemewaun.
5Mahnoo ningahpuhkittaöok owh manoo‐ezhewabezid kuhya ningahpuhzhunzhaïk emuh shahwanjegawining: kuhya mahnoo ningahnuhneebikeemik, debishkoo pemedang ningahuhyenandaun kuhween ningahshahshahgoondebashkahgooseen: pooch ningahahnuhmeätuhmahwaug uhpe ahyahnemezewahjin.
6Niswabenegahzoowun emuh ahsinekaung enewh ootebahkoonegah‐wenenemewaun: medush noonduhmoowaud nindekedoowinun, wishkoobunoomahgudoon mah.
7Suhswawabenegahdanoon nekunenaunin emuh ashquaundamewung chebaguhmig: debishkoo uhpe ahweyah manesad oomah uhkeeng.
8Keguhnuhwahbuhmin dush Jehovah Tabaningayun: kedahpanemin suh, kagoo sahgejewabenahkan ningechaug.
9Bemahjeëshin oonje keähtoowaud nuhgwahgun un chenahgwahzhewaud: kuhya oonje oodussoonah-gunewaung egewh mahkindungig mujje‐uhyeëewish.
10Mahnoo egewh maje‐ezhewabezejig tahpeendahahsoowug emuh tebenuhwa oodahsubewaung: magwah neen kediskeëgooyaun.
Currently Selected:
PSALMS 141: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
