PSALMS 139
139
1Jehovah kegekuhgwajewh kuhya kekekanim: kekekandaun nenuhmuhduhbewin kuhya nepuhsegwewin: wahsuh kedoonjenesittootaunun nenahnahgahdahwanduhmoowinun.
2Kekewetah — kahbahwetaunun nebemoosawin kuhya nekuhwishemoowin: kuhya kequuhyukwandaunun kuhkenuh nindezhewabezewinun.
3Kah mah kuhnuhga pazhik ekedoowin emuh nindanuhnewing ahwunsenoon, keen Jehovah kadanduhsewun.
4Nepequunaung kedahyah kuhya kenegaunewh: kuhya ketaungenaun neyow.
5Oonzaum mahmahkahdandahgwud oo‐oo doowah kekanjegawin kahween nindahtakekanduhseen: ahpeche ishpandahgwud kahween nindahtakushketooseen.
6Ahneende kaëzhahyaun chekekanemesig Kejechaug? ahneende kaëzhenezhemooyaun chewahbuhmesewun?
7Kishpin equaundahwayaun ewede ishpeming kezhegoong, ewede keduhniz: kishpin chebahguhmigoong kuhweshemooyaun, ewede kuhya keduhniz.
8Kishpin oodahpenuhmaun kekezhab oooningwegunun: weduhnezeyaun dush ewede wuhyaquaug kechegumme.
9Pooch ewede nindahsahgahbegenegoon keneenj, kuhya nindahahsoonegoon kekecheneenj.
10Kishpin ekedooyaun Ningahahgwahnahegoon puhsuhgishkenahmoowin: pooch tabekuk tahwahsayahmahgud anduhzhe‐ahyahyaun.
11Pooch kashketebekuk kahween kushketebekussenoon anahsuhmeyun: tabekuk dush wahsayahmahgud debishkoo kezheguk: debishkoo keduhyenandaunun tebik kuhya kezhig.
12Keen mah kedebandaunun peenjenuh neyowing atagin: keen kegeguhnuhwanim pooch emuh ninguh oomesudaung.
13Kegahmahmooyahwahmin oonje kootahmegwuk kuhya mahmaundahwuk nindoozheëgoowin: mahmaundahwudoon kedahnookewinun, me azhekekanjegad ninjechaug.
14Kahween kegeöonanduhseen neyow uhpe keoozheëgooyaun emuh keemoodezewining: uhpe kekezheëgooyaun emuh akoo‐keemooduk uhkeeng.
15Kegewahbundaun neyow chepwah keöozhechegahdag: kuhya emuh kemuzzeneëguning kuhkenuh keöozhebeëgahdanoon nepuhkawezewinun kuhya nekezhegudoomun chepwah ahyahmahguk.
16Nekechetwahwandaunun kenahnahgahdahwanduhmoowinun, O Kesha‐Muhnedoo: kagate kechebahtuhyeëïnudoon.
17Kishpin wahahginduhmaunbaun, debishkoo ashenuk nagow eshenudoon; uhpe quashkooseyaun kayahbe keweejewin.
18Ahbetakummig, O Kesha‐Muhnedoo kegahnesaug egewh maje‐ezhewabezejig enenewug: nuhguhzheshig kenuhwah nashewashkeyag.
19Emuh mujje‐ezhewabezewining kemujje‐duhzhemegoog: kuhya egewh shaunganemikig wuhnishquauj oowahweendahnahwah kedezhenekahzoowin.
20Kah nuh ween ningahsheenganemahseeg egewh shaunganemikig: kah nuh ween ningahkuhgwahnesugganemahseeg egewh mahgahnikig?
21Ahpeche suh nesheenganemaug: kuhya nemegahnaug.
22Kuhgwajeëshin, O Kesha‐Muhnedoo, kuhya nundahkekandun ninda: kuhgwajeëshin kuhya nindahkekandun nenahnahgahdahwanduhmoowinun.
23Wahbuhmeshin kishpin kakishkahmoowaunan gagoo mujje‐ezhewabezewin: kuhya suhgahbegeneshin emuh kahgega meekunaung.
Currently Selected:
PSALMS 139: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
