PSALMS 112
112
1Hallelujah! Shahwandahgooze enene quasaud Jehovahun: kache‐minwandung ookuhgequawinun.
2Tahkeche‐mushkahwezewun oomah uhkeeng oonejahnesun: tahshahwandahgoozewun enewh manoo‐ëzhewabezejig kaöonejahnesewahjin.
3Kechetwahwezewin kuhya keche‐tebenuhwawezewin tahahyahmahgudoon emuh oowegewauming: kuhya ooquuhyukwahdezewin kahgenig duhgoomahgudene.
4Mookesane oowahsayahzewin owh quayukwahdezid magwah‐kushketebekuk: shahwanjega, ketemahganjega, kuhya quuhyukwahdeze.
5Shahwandahgooze owh enene shawanjegad kuhya aweëwad: emuh quuhyuk tebahkoonegawining tahezhetebahkoonega.
6Kah wekah tahmahmahdenahse owh manoo‐ezhewabezid: owh quuhyukwahdezid kahgenig tahmequanemah.
7Kahween tahsagezese oonje mujje‐enuhkummeguk: kagate soongedaä oonje ahpanemaud Jehovahun.
8Minjemoosinene ooda, kahween tahsagezese: nahnauzh wahbuhmaud enewh shaunganemegoojin.
9Kesuhswawabenega, oogemeenaun enewh katemahgezenejin: kahgenig duhgoomahgudene ooquuhyukwahdezewin; oodashkun tahoombenegahdane oonje kechetwahwandahgoozewin.
10Owh maje‐ezhewabezid oogahwahbundaun kuhya tahkushkandum: tahmuhtwayahbidasa kuhya tahningezoo: tahbahnahdudene oonunduhwanduhmoowin owh maje‐ezhewabezid.
Currently Selected:
PSALMS 112: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
