PSALMS 111
111
1Mahmooyahwuhmik Jehovah; ningahmahmooyahwahmah Jehovah anegookoodaäyaun: emuh anduhzhe‐mahoonjeëdewaud egewh quayukwahdezejig kuhya anuhmeähjig.
2Keche‐ahpeetandahgwudenewun kuhkenuh oodahnookeewinun owh Jehovah: kuhkenuh egewh manwandungig oonundahwahbundahnahwah enewh.
3Kechetwahwandahgwudene kuhya keche‐oogemahwandahgwudene oodahnookewin: kuhya kahgenig tahduhgoomahgudene ooquuhyukwahdezewin.
4Oogeëzhetoonun oomahmaundahwejegunun chemequanjegahdanig: shahwanjega kuhya ketemahganjega Jehovah.
5Oogeähshummaun enewh quasegoojin: kahgenig oogahmequandaun oowahweendahmahgawin.
6Oogewahweendahmahwaun enewh oodahnishenahbamun azhemushkahwezemahgudenig oodahnookeewinun: cheöonjemeenaud ooduhkeemewaun egewh mayug‐ahnishenahbag.
7Oodahnookewinun anuhnookemahgudenig enewh ooneenjeen mesuh dabwawin kuhya quuhyuk tebahkoonegawin: puhkukkandahgwudenewun kuhkenuh ookuhgequawinun.
8Minjemoosinenewun kahgenig kuhya kahgenig: emuh dabwawining kuhya quuhyukwahdezewining keënuhnookeem.
9Oogebemahjeäun enewh oodahnishenahbamun, kahgenig oogeöozhetoon oowahweendahmahgawin: keche‐ahpeetandahgwudene kuhya kootahmegwandahgwudene oodezkenekahzoowin.
10Ookoosegoowin owh Jehovah mesuh wanjemahjesag nebwahkahwin: quuhyuk nebwahkahwug kuhkenuh egewh ganuhwandungig ookuhgequawinun, kahgenig duhgoomahgudene oowahwezhanemegoowin.
Currently Selected:
PSALMS 111: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
