PSALMS 113
113
1Hallelujah: Wahwezhanduhmook, O kenuhwah bameetahgunemenag Jehovah: wahwezhanduhmook oodezhenekahzoowin.
2Tahmenoo‐wahweenjegahdane Jehovah oodezhenekahzoowin; noongoom kuhya kahgenig.
3Oonje mwahkesad keezis peenish apungeshemook: tahkeche‐menoo‐wahweenjegahdane oodezhenekahzoowin owh Jehovah.
4Jehovah ahwahshema keche‐ahpeetandahgooze dush ween kuhkenuh ahnishenahbag; ahwahshema dush ishpandahgwudene oopezhegandahgoozewin dush ween kezhig.
5Ahwanan anandahgoozid debishkoo Jehovah Kekesha‐Muhnedoomenaun owh ishpeming andaud: pooch oowahbundaunun enewh uhyeëen atagin ewede kezhegoong kuhya oomah uhkeeng.
6Oodoombenaun enewh katemahgezenejin oonje weyuggussang: kuhya oopuhsegwindenaun enewh manazenejin oonje anduhzhe pezhekewe‐mookaug.
7Cheähsaud enewh anduhzhe‐ähyahwaud keche‐oogemaug: kuhya egewh wagemahkundahwahjig enewh oodahnishenahbamun.
8Oodezheäun enewh nahgeähwuhsoosenegoon equawun emuh wagewauming: chemoojege‐wuhbenid oonje oonejahnesenid. Mahmooyahwahmik Jehovah.
Currently Selected:
PSALMS 113: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
