PSALMS 110
110
1Jehovah oo‐oo oogeënaun enewh Tabanemejin; nuhmuhduhbin emuh nekechenikaung nahnauzh ezheügwah shaunganemikig chetuhkookahnudwah.
2Jehovah oogahezhenahzhahaun ewh mashkahwezemahguk kepuhzhunzhaëgun oonje Zioning: oogemahwin suh emuh anduhnuhkeewaud egewh mahgahnikig.
3Tahpuggedenedezoowug egewh ahnishenahbag uhpe mashkahwezeyun, tahkechetwahkoonuhyawug ewh menoo‐ezhewabezewine‐ahgwewin: wuhyahbungin tahpuhsegwewug kedooshkenegemug debishkoo uhpe mandookuk uhkeeng.
4Jehovah kemushkahwahweendahmahga, kah dush tahquakanduhse: kegahsahgewejega‐wenenewh kahgenig debishkoo kahezhesahgahgewejega‐wenewid Melchisedek.
5Owh Tabaningad emuh kekechenikaung: oogemahkegunahmaun pooch keche‐oogemaun uhpe nashkahdezid.
6Oogahtebahkoonaun enewh mayug‐ahnishenahban: oogahmooshkenatoon ooduhkeemewaun enewh chebuyun: oogahshahshahgoondebashkahwaun enewh wagemahkunduhmenejin nebewah uhkeen.
7Oonje seebeweshang tahmenequa emuh meekunaung: medush kaöombequanid.
Currently Selected:
PSALMS 110: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
