PSALMS 109
109
1Kagoo pezaunuhbekan Kesha‐Muhnedoo keen mahyahmooyahwahmenaun: ketahwunewug mah egewh maje‐ezehewabezejig kuhya wahyazhingashkejig enenewug chemujjeduhzhemewauk kuhkenuhwishkewaud.
2Ningekewetaushkahgoonun sheenganjegawineekedoowinun: kuhya ningepeneshe‐megahnegoog.
3Oonje kesahgeügwah ningesheenganemegoog: neen edush nindahnuhmeäh.
4Ningemujjedoodahgoog ahnahween goo kemenoodoodahwugwah: kuhya nesheenganemegoog ahnahween goo kesahgeügwah.
5Mahnoo kegahpuggedenah cheöogemahkundahgood enewh maje‐ezhewabezenejin: mahnoo mujje‐ahyahahwish tahnebahwe emuh ookechenikaung.
6Uhpe tabahkoonind mahnoo tahnahneboomah: kuhya mujje‐ezhewabezewining tahenandahgwudene oodahnuhmeäwin.
7Tahpungewahgudenewun ookezhegudoomun: mahnoo bakahnezid oogahoodahpenaun oodahnoonegoowin.
8Tahkewezewun oodahbenoojeëmun kuhya oowedegamahgunun tahshegahwewun.
9Mahnoo tahpahbahnundoodahmahgawun enewh oonejahnesun: kuhya oogahnundooaäunahwah oomeejimewaun emuh buhgwuhduhkummig.
10Oogahmuhkummegoon enewh makundwashkenejin kuhkenuh ooduhyeemun: kuhya egewh mayugahnishenahbag oogahbahnahjetoonahwahoodahnookewinewaun.
11Kahween oogahshahwanemegooseen ahweyah enenewun: kah dush ahweyah oogahmenoodoodahwahseen enewh kahwezenejin oodahbenoojeëmun.
12Mahnoo kuhkenuh tahchahgenawun oonejahnesun: kuhya nahguj tahkuhsebeëgahdane oodezhenekahzoowin.
13Jehovah oogahmequandaun kahmujje‐ezhewabezenid oosebuneen: kuhya oogeen oomujje‐ezhewabezewin kahween tahkuhseebeëgahdasenene.
14Anahsuhmuhbid Jehovah tahahtanewun: kuhya tahenahkoonega chemequanemahsewind oomah uhkeeng.
15Kah mah oogemequanduhseen shahwanjegawin: kuhya oogekooduggeäun enewh ahyahnemezenejin kuhya katemahgezenejin enenewun kuhya enewh magooshkahjedaänejin, chenesaud enewh.
16Oogesahgetoon mujje‐duhzhingawin mesuh kahoonjemujje‐duhzhemind: kahween oogeminwanduhseen shahwanjegawin mesuh wanjeshahwandahgoozesig.
17Oogepesekaun mujje‐kezhwawin debishkoo oodahgwewining: oogahpeendegashkahgoon debishkoo neebeeng emuh oonuhgesheeng kuhya debishkoo pemedang emuh ookuning.
18Debishkoo oodahgwewining oogahahgwin ewh: kuhya debishkoo kechepezoowining ahpena oogahkechepezoon.
19Mesuh kaëzhetebahmahgoowaud egewh shaunganemejig, enewh Jehovahun: kuhya egewh majeduhzhe‐mahjig ninjechaugwun.
20Keen dush ween Jehovah shahwanemeshin oonje kedezhenekahzoowin: oonje keche‐oonesheshing keshahwanjegawin bemahjeëshin.
21Nekooduggetoo mah kuhya neketemahgiz: nemegooshkahjedaä peenjenuh.
22Debishkoo ahgahwahtashemoowining uhpe apungeshemook nindezhemahjah: nemahjenahzhahoogoo debishkoo ahtessahwuhyasheeng.
23Noondashinoog ninkedigoog oonje kekeëquishemooyaun; kuhya dush neyaus bahnahdud oonjeweninoosewaun.
24Ningebahpeëgoog suh oogoo: uhpe kahwahbuhmewaud kewabequanewug.
25Weedookahweshin O Jehovah Nekesha‐Muhnedoom: bemahjeëshin debishkoo anandahgwuk keshahwanjegawin.
26Oogahkekanedahnahwah dush keen keneenj cheähwung: keen Jehovah kegeëzhechega.
27Mahnoo ningahmujje‐duhzhemegoog egewh, keen mah kegahmenoo‐kuhnoozh: wenuhwah tahpuhsegwewug kuhya tahahgujjeähwug, tahmoojegeze dush ween kebuhmeetahgun.
28Mahnoo egewh shaunganemejig tahahgweähwug ahgujjewin: kuhya oogahpesekahnahwah ewh manesanduhmoowin debishkoo puhpensekoowahguning.
29Ningahkeche‐mahmooyahwahmah Jehovah oonje nindooning: kuhya ningahwahwezhanemah anduhzhe bahtuhyeïnwaud ahnishenahbag.
30Tahnebahwe emuh ookechenikaung owh katemahgezid: chebemahjeäud oonje enewh wahnahneboomegoojin.
Currently Selected:
PSALMS 109: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
