PSALMS 108
108
1Nemushkahwedaä, O Kesha‐Muhnedoo nemushkahwedaä: ningahnuhgoom kuhya ningahmuhtwawajega kuhya keen nepezhegandahgoozewin.
2Kooshkoozin nemahtwawajegun: kuhya neen keche‐kekezhab ningahkooshkooz.
3Kegahmahmooyahwahmin Jehovah anduhzhe‐ahyahwaud mayug‐ahnishenahbag: kegahmahmooyahwahmin anduhzhe‐ahyahwaud ahnooj‐azheweenzoojig ahnishenahbag.
4Kecheähpeetandahgwud mah keshahwanjegawin oonje kecheishpeming: kuhya kedabwawin dabishkahmahgud emuh ahnuhquudoong.
5Ahwahshema keche‐ishpandahgoozin dush ween kezhig, O Kesha‐Muhnedoo: kuhya ahwahshema kepezhigandahgooz dush ween uhkee.
6Chebemahjeïndwah egewh suhyahgeüdjig: bemahjeëshenaum kekecheneenj ahyooyaun, kuhya nahquatuhweshin.
7Kesha‐Muhnedoo kekekedoo emuh oopeenahdezewining: mesuh kaöonjemahmauzhetwahyaun kuhya kamahdahookeyaun Shechem, kuhya katebahahmaun Suhcooth anduhzhe pahsuhdenaug.
8Neen suh nindebandaun Gilead, kuhya Manasses ninduhkeem ahwun: kuhya Ephraim ahwun wanje‐mushkahwezemahguk nishtequaun: Judah netebahkoonega‐weneneem ahwe;
9Moab nekesebegine‐mukkukoom ahwe; oogijeëëe Edoming ningahsahgejewabenaun nemukkissinim: oonje Philistia ningahmoojegiz.
10Ahwanan kapeendeguhzhid emuh swaungung oodanaung? ahwanan kakekenooähmahwid chepeendegayaun emuh Edoming?
11Kah nuh ween keen kegahdoodunse, O Kesha‐Muhnedoo, keen kahwabeneyaungoobun? keen, O Kesha‐Muhnedoo, kahpoone‐weedookahwudebuneeg neshemahgunisheminahnig kenundoobunewaud?
12Nahdahmahweshenaum uhyahnemezeyaun goon: kah mah ningood enahbuttussenene oonahdahmahgawin owh enene.
13Oonje weedookoonung Kesha‐Muhnedoo kegahkeche‐mahmauzhetwahmin: ween mah ahwe owh katahtuhkookahnaud enewh shaunganemeyungenejin.
Currently Selected:
PSALMS 108: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
