PSALMS 107
107
1Mahmooyahwahmik Jehovah, Kesha‐wahdezhe mah: kahgenig mah duhgoomahgudene ooshahwanjegawin.
2Mesuh kaëkedoonid enewh Jehovah kahbemahjeahjin: enewh kahekoonahjin oonje ooneenjewaung egewh shaunganjegajig.
3Oogemahwunzoomaun oonje wahsuhwakummig: ewede wahbunoong kuhya apungeshemook kuhya kewadinoong kuhya keche‐gummeeng.
4Kepahpahduhnezewug emuh buhgwuhduhkummig kahahnishenahbakahsenook: kah dush oogemekunsenahwah oodanah kaöodatoowaud.
5Kepukkuddawug kuhya kekishkahbahgwawug: kenoondashinoog.
6Kuhya oogenuhnaundoomahwaun enewh Jehovahun emuh ooketemahgezewinewaung: kuhya oogekediskeëgoowaun enewh oonje oodahnemezewinewaun.
7Kuhya oogesuhgahbegenaun emuh quuhyuk meekunaung: chetuhgweshenenid emuh oodanaung kaöodatoonid.
8Mahnoo enenewug oodahwahwezhanemahwaun Jehovahun oonje ooshahwanjegawin: kuhya oonje oomahmaundahwejegunun kahdoodahwaud enenewug oonejahnesewaun.
9Oogetabesineäun mah enewh nandooduhmahganejin oojechaugoomaun: kuhya ootabeäun pakuddanejin oojechaugoomaun ewh kesha‐wahdezewin.
10Egewh anduhnuhkeejig emuh akoo‐kushketebekuk kuhya emuh neboowine ahgahwahtashemoowining: minjemahpenahwug emuh ketemahgezewining kuhya pewahbikoong.
11Oonje kemegahduhmoowaud oodekedoowinun owh Kesha‐Muhnedoo: kuhya kebahpenoodahmoowaud ookuhgequawin owh mahyahmahwe‐ishpandahgoozid.
12Mesuh kahoonjemegooshkahjedaääud enewh: kepungeshinoog, kah dush oogeweedookahgoosewaun ahweyah.
13Emuh dush oodahnemezewinewaung oogeoonjenuhnaundoomahwaun Jehovahun, oogebemahjeëgoowaun edush oonje ooketemahgezewinewaung.
14Akoo‐kushketebekuk kuhya neboowine ahgahwahtashemoowining oogeöonjesahgechewenaun: kuhya oogepuhkishkahmahwaun oominjemahpechegunewaun.
15Mahnoo enenewug oodahwahwezhanemahwaun Jehovahun oonje ooshahwanjegawin: kuhya oonje oomahmaundahwechegunun kahdoodahwaud enenewug oonejahnesewaun.
16Oogepegoonaunun mah enewh oozahwahbikoo‐keche‐ishquaundamun; kuhya oogekishkezhaunun enewh pewahbikoo ahbahpahkuhegunun.
17Egewh kahkebahdezejig ketemahgeëdezoowug: oonje oobahtahzewinewaun kuhya oonje oomujje‐ezhechegawinewaun.
18Ookuhgwahnesuggandahnahwah ahnoonj doowah meejim: kuhya pashoo oonaunzekahnahwah neboowine‐ishquaundamun.
19Oonuhnaundoomahwaun enewh Jehovahun magwah ahnemezewaud: oogebemahjeëgoowaun dush oonje oeketemahgezewinewaung.
20Oogeöodissegoonahwah dush oodekedoowin, oogenoojemooëgoonahwah dush: kuhya kekediskenahwug oonje oonuhneezahnezewinewaung.
21Mahnoo enenewug oodahwahwezhanemahwaun Jehovahun oonje ooshahwanjegawin: kuhya oonje oomahmaundahwejegunun kahdoodahwaud enenewug oonejahnesewaun.
22Kuhya oogahpuggedenahnahwah mahmooyahwawine puggejegawinun: kuhya emuh moojegezewining oogahdebahdoodaunahwah oodahnookewinun.
23Egewh nahwuhgaum kechegummeeng azhahjig emuh nahbequauning: kuhya pabahahnookeejig oogedebeeg keche‐kechegummeeng.
24Oowahbundahnahwah oodahnookeewinun owh Jehovah: kuhya oomahmaundahwejegunun emuh keche‐kechegummeeng.
25Ween mah kuhgaundwa; mesuh wanjekechenooding: kuhya wanje keche‐maungaushkaug.
26Ishpeming anuhkuhkayah oombishkahwug, menuhwah dush nesuhyeëe ezhahwug: ningezoowun oojechaugoowaun oonje sagezewaud.
27Ahyahzhahgoomasawug kuhya kooshkooshquasawug debishkoo kawushquabid enene: kuhkenuh mahjahmahgudene oonebwahkahwinewaun.
28Me uhpe nuhnaundoomahwaud Jehovahun magwah ahnemezewaud: oodekoonuhmahgoowaun enewh oodahnemezewinewaun.
29Enahkoonega cheïshquahyahgummesag: mesuh wanje aunwahwawayaushkaug.
30Minwanduhmoog dush ewh aunwahting: mesuh azhewenaud emuh ahgoomoowining wahezhahwaud.
31Mahnoo enenewug oodahwahwezhanemahwaun Jehovahun oonje ooshahwanjegawin: kuhya oonje oomahmaundahwejegunun andoodahwaud enenewug oonejahnesewaun.
32Oogahishpandahgooähwaun emuh anduhzhe‐mahoonjeëdewaud ahnishenahbag: kuhya oogahmahmooyahwahmahwaun emuh anduhzhe mahoonjeëdewaud egewh katezejig.
33Oodezhetoonun enewh seebeen chepuhgwuhduhkummegaug: kuhya enewh tuhkebeen chepangookummegaug.
34Wanesheshing uhkee cheshewetahgunewung: oonje oomujje‐ezhewabezewinewaun egewh waduhkeemejig.
35Oodaunjetoon puhgwuhduhkummig chenebewung: kuhya pangookummegaug uhkee chetuhkeebewung.
36Ooduhnuhkeeäun enewh pakuddanejin emuh: cheöozhetoonid oodanah kaöodatoonid.
37Cheöozhetoonid ketegaunun kuhya cheketegahduhmenid enewh shoowemine‐ketegaunun: cheöonjekeche‐menewung uhkee.
38Oogeshahwanemaun enewh cheöonjekeche‐meshenoonid: kah dush oogepuggedenemahseen enewh oodahwahkahnewaun cheneboonid.
39Nahguj kepungeshawuggezewug, kuhya kedahbusseähwug: oonje kooduggetoowin ketemahgezewin, kuhya kushkanduhmoowin.
40Oogedahbussanemaun enewh oogemaun: kuhya keënahkoonega chepahbahduhnezenid emuh puhgwuhduhkummig, emuh kemeekunahwunsenook.
41Pooch ishpeming oodahsaun enewh katemahgezenejin cheïshquahketemahgezenid: kuhya oomeshenooäun enewh debishkoo mahnishtahnishun.
42Egewh manoo‐ezhewabezejig oogahwahbundahnahwah kuhyah tahmoojegezewug: kuhya tahishquahkekedoomahgud mujje‐ezhewabezewin.
43Ahwanan nabwahkaud, kuhya kanahnahgahdahwandung oonoo uhyeëen? ahwanan quuhyuk kanahnahgahdahwandung Jehovah ooshahwanjegawinun?
Currently Selected:
PSALMS 107: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
