PSALMS 106
106
1Hallelujah, O mahmooyahwahmik Jehovah oonesheshe mah: kahgenig edush duhgoomahgudene ooshahwanjegawin.
2Ahwanan katawahweendung oomahmaundahwejegunun owh Jehovah? ahwanan kawahweendung kuhkenuh oowahwezhanemegoowinun.
3Shahwandahgoozewug egewh ganuhwandungig quuhyuk‐wahdezewin: kuhya owh quahyuk‐ezhechegad kahgenig.
4Mequanemeshin O Jehovah ewh azheshahwanemudwah kedahnishenahbamug: petuhmooweshin kebemahjeëwawin.
5Chewahbunduhmaun oomenoo‐ahyahwinewaun egewh kagegenudjig: kuhya cheweejemoojegezemugwah kedahnishenahbamug, kuhya cheweejmuhmequahzoomugwah egewh tabanemudjig.
6Ningeweedookahwahnahnig noosenahnig kemujje‐ezhechegayaung: kuhya ningekuhkebahjechegamin, kagate ningekeche‐mujje‐ezhechegamin.
7Noosenahnig kahween oogebahmanduhsenahwah kemahmaundahwejegunun emuh Egypting, kahween oogemequanduhsenahwah ashenukkeshahwanjegawinun: oogenishkeähwaun ewede kechegummeeng, aahe ewede misquahgumme‐kechegummeeng.
8Oogebemahjeäun dush oonje tebenuhwa oodezhenekahzoowin: chekekanjegahdanig oomushkahwezewin.
9Oogenuhneebekindaun ewh mishquahgumme‐kechegummee, chepangookummegaug: kuhya oogebemoosaäun emuh kechegummeeng debishkoo puhgwuhduhkummig.
10Oogemetahgwanemahwaun ooneenjene enewh shaunganemegoowahjin: kuhya oogebemahjeäun oonje ooneenjene enewh mahgahnegoowahjin.
11Egewh shaunganjegajig oogemooshkuhoogoonahwah nebee: kahween kuhnuhga pazhig keïshkoonahse.
12Oogedabwatahnahwah oodekedoowinun: oogemahmooyahwahmahwaun emuh nuhguhmoowining.
13Waweeb edush oogeönandahnahwah oodezhechegawinun: kahween oogebeetoosenahwah ookuhgequawinun.
14Kenunduhwanduhmoog mujje‐nunduhwanduhmoowin emuh puhgwuhduhkummig: kuhya oogekuhgwatebanemahwaun Kesha‐Muhnedoon ewede.
15Oogemeenaun dush ewh kahnunduhwanduhmoowaud: kuhya oogepuhgedenuhmoowaun pahkahkoodoozoowin emuh oojechaugoowaung.
16Kuhya oogekahwaähwaun Mosesun emuh kuhbashewining: kuhya Aaronun enewh Jehovah kahahnoonahjin.
17Ketahwunemahgud uhkee, keäumwah dush Dathan: kuhya keähgwahnahwahwun Abiram oodooshkenegemun.
18Kesuhketa dush kahduhzhemahoonjeëdewaud: kechahgahkezwahwaug kuhkenuh egewh maje‐ezhewabezejig.
19Oogeöozheähwaun pezhekeensun emuh Horebing: kuhya oogeshahgushketahwahwaun nangahbekezoonejin muzzenechegunun.
20Oogemuhmashkoodoonahwah oopezhegandahgoozewinewaun: keöodahpenahmoowaud oodezhenahgoozewin owh pezhekee mahjid mezhushkoon.
21Oogewuhnanemahwaun Kesha‐Muhnedoon kahbemahjeëgoowahjin: kahmahmaundahwejeganejin emuh Egypting.
22Mahmaundahwechegunun emuh Ham ooduhkeeming: quatahmegwukkin emuh misquahgumme‐kechegummeeng.
23Kesha‐Muhnedoo keëkedoo chewenesaud enewh: kishpin nebahwesigebun Moses anahsuhmenid chepoonekedahzoäud chenesahsenig ahnishenahban.
24Kahween keënanduhsewug chepeendegawaud emuh manwahbuhmenahgwuk uhkeeng; kah dush oogedabwatuhsenahwah oodekedowin.
25Oogemindahwahwaun emuh oowegewaumewaung: kah dush oogebezinduhsenahwah oodinwawin owh Jehovah.
26Oogezhebeneenjetuhwaun enewh: oogekahwishkakwaun emuh buhgwahduhkummig.
27Kuhya oogekahwishkahwaun enewh oonejahnesewaun magwa‐mahyug‐ahnishenahbakaug: kuhya oogesuhswashkahwaun emuh uhkeeng.
28Oogeweedookahwahwaun Baal‐peorun: kuhya oogemeejenahwah chebuy sahsahgewejegunun.
29Oogenishkeähwaun oonje kemujje‐ezhewabezewaud: kuhya oogeöodissegoonahwah mujje‐ahkoozewin.
30Medush uhpe kepuhsegweed Phinehas kuhya kenahneboonga: medush keïshquahsamahguk ewh mujje‐ahkoosewin.
31Mesuh kahoonjeminwandahgoozid: menik kaähneka‐bemahdezing kahgenig kuhya kahgenig.
32Kuhya oogenishkeähwaun ewede megahdeseebeeng: keähnemeze suh Moses oonje oodezhewabezewinewaun.
33Oogeähzhedakahwahwaun mah enewh oojechaugwun: kekuhkebahjekezhwa oonje oodooning.
34Kahween oogebahnahjeähsewaun mayug‐ahnishenahban: debishkoo kahegoowaud Jehovahun.
35Oogeweedegamahwaun dush enewh mayug‐ahnishenahban: kuhya oogekekenoowahbundahnahwah dush oodezhechegawinewaun.
36Oogeähnuhmeätuhwahwaun oomuzzenenemene: mesuh kenuhgwahnegoowaud enewh.
37Aahe oogemeenahwaun mujje‐muhnedoon: oogwissewaun kuhya oodahnissemewaun wezowene.
38Kuhya oogesegwabenahnahwah maje‐ezhewabussenook misquee: oomisqueemene oogwissewaun kuhya oodahnissewaun: kesahsahgewenahwaud Canaaning duhzhe muzzenejegunun; keweenejegahda dush uhkee oonje misquee.
39Oogeweeneëgoonahwah tebenuhwa oodezhechegawinewaun: kuhya kepezhegwahdezewug oonje tebenuhwa oodezhechegawinewaun.
40Jehovah dush oogekeche‐nishkanemaun enewh oodahnishenahbamun: kuhya oogekuhgwahnesugganemaun enewh tabanemahjin.
41Oogepuggedenaun dush emuh ooneenjening enewh mayug‐ahnishenahban; kuhya oogeöogemahkundahgoowaun enewh shaunganemegoowahjin.
42Oogemujje‐doodahgoowaun enewh shaunganemegoowahjin: kuhya oogemahmauzheëgoonahenewh ooneenjene enewh mahgahnegoowahjin.
43Nuhningim oogebemahjeëgoowaun Kesha‐Muhnedoon: menuhwah dush oogenishkeähwaun apeech kuhkebahdezewaud: kuhya keketemahgezewug oonje oomujje‐ezhewabezewinewaun.
44Pooch oogewahbundaun ooketemahgezewinewaun: uhpe kahnoonduhwaud muhwenid.
45Kuhya oogemequanduhmoowaun oowahweendahmahgawin: kuhya keäunwanindezoo ashenudenig ooshahwanjegawinun.
46Kuhya keënahkoonega cheshahwanemegoowaud: kuhkenuh enewh kahtuhgoonegoowahjin.
47Bemahjeëshenaum Jehovah ne‐Kesha‐Muhnedoomenaun kuhya mahwunzoomeshenaum oonje mayug‐ahnishenahbakaug: cheöonjewahwezhanduhmaung pahnuk kedezhenekahzoowin, kuhya chemahmequahduhmaung kemahmooyahwuhmegoowin.
48Tahmahmooyahwuhmah Jehovah Israel oo‐Kesha‐Muhnedoomun, kahgenig uhpena kahgenig: kuhkenuh ahnishenahbag tahekedoowug. Amen. Hallelujah.
Currently Selected:
PSALMS 106: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
