PSALMS 105
105
1O Mahmooyahwahmik Jehovah, nuhnaundoomik: weenduhmahwik ahnooj‐azheweenzoojig ahnishenahbag oomahmaundahwejegunun.
2Nuhguhmootuhwik muhtwawatuhmahwik muhtwawajegun: nahnahgahdahwanduhmook kuhkenuh oomahmaundahwechegunun.
3Moojegezeyook oonje pazhegandahgwudenig oodezhenekahzoowin: tahmoojegedaäwug egewh nandoonawahjig Jehovahun.
4Nundoonaöok Jehovah kuhya oomushkahwezewin: nunduhwahbunduhmook ooshkinzhegoon kahgenig.
5Mequanduhmook oomahmaundahwejegunun kahmahmaundahwechegad: oomahmahmaundahwejegunun kuhya enewh tebahkoonegawinun oodooning wanje‐bahmahgukkin.
6O kenuhwah wanejahnesemenag Abraham oobuhmeetahgunun: kuhya wagwissemenag Jacob kenuhwah kageginenag Jehovah.
7Jehovah keKesha‐Muhnedoomenaun ahwe: anegookwaug uhkee ahyahmahgudoon ootebahkoonegawinun.
8Kahgenig oogemequandaun oowahweendahmahgawin: kuhya ewh ekedoowin kahenaud metauswauk duhching kaähneka‐bemahdezenejin.
9Ewh kahoozhetoomahwaud Abrahamun: kuhya kahwahweenduhmahwaud Isaacun.
10Oogeühyeenjesittoomahwaun Jacobun oodenahkoonegawin: kuhya Israelun ookahgega‐wahweendahmahdewin.
11Oo‐oo keënaud, Kegahmeenin Canaaning duhzhe uhkee: cheähpechedebandahmun.
12Magwah kayahbe kepungeshawuggezewug: kuhya kemahyahdahwezewug emuh uhkeeng.
13Uhpe kebahbahwahbuhmahwaud pukkaun asheweenzoonejin ahnishenahban: kuhya kepahbahoodittahmoowaud pakaunukkin oogemahwewinun.
14Kahween oogepuggedenahseen chemujje‐doodahgoowaud ahweyah enenewun: kuhya oogenuh neebikemaun keche‐oogemaun wenuhwah oonje.
15Kagoo taungenahkagoon egewh kahnuhmuhkoonuggig: kagoo dush mujje‐dodahwahkagoon nindaunwahjega‐wenenemug.
16Kuhya keënahkoonega chepukkuddakummegaug ewede uhkeeng: kuhya oogebahnahjetoon ewh meejim kahahpanemoowaud.
17Oogenegaunahzhahwaun enenewun: keähwah-kauneäh Joseph.
18Oogemahmaunjekoosittabenahwaun: oogeähsahwaun dush enewh oojechaugwun emuh pewahbikoong.
19Nahnauzh kedebishkoosanig oodekedoowin: oogekuhgwajekekanemegoon Jehovah oodekedoowin.
20Owh keche‐oogemah keähnookee chenahnemind: oogepuggedenegoon enewh wagemahkundemenejin oogemahwewinun.
21Oogeähnoonegoon dush enewh cheöogemahkundung oowegewaumun: kuhya cheguhnuhwandung kuhkenuh ootebenuhwawezewinun.
22Cheminjemahpenaud enewh oodoogemaunsemun uhpe anandung: kuhya chenebwahkahaud enewh katezenejin oomezhenahwamum.
23Mesuh Israel kahoonjepeendegad emuh Egypting: kuhya Jacob keähpeduhneze emuh Ham ooduhkeeming.
24Kesha‐Muhnedoo dush oogekeche‐meshenooaun enewh oodahnishenahbamun: kuhya oogeëzheaun ahwahshema chemushkahwezenid dush ween enewh shaunganemegoowahjin.
25Oogeëzhedaääun chesheenganemahnid enewh oodahnishenahbamun: kuhya chewuhyazhemahnid enewh oobuhmeetahgunun.
26Oogeëzhenahzhahwaun Mosesun oobuhmeetahgunun: kuhya Aaronun enewh kahkuhgegenahjin.
27Oogewahbundahaun enewh ahnishenahban ookekenoowahjechegunun: kuhya oomuhmaundahwejegunun emuh Ham ooduhkeeming.
28Oogepuggedenaun puhsuhgishkenahmoowin, kekushke‐tebekud edush: kah dush oogeähzhedakahsenahwah oodekedoowin.
29Oogemisquewissetoonun kuhkenuh oonebemewaun: kuhya oogenesaun gegooyun emuh ooduhkeemewaung kahahnejin.
30Kemuhkukkeekah emuh ooduhkeemewaung: emuh andahnid enewh ookeche‐oogemahmewaun.
31Kekekedoo, kepetuhgwishenoog dush ahnooj doowug suhgemag: kuhya ahkoojeeshug emuh anegookwahnig ooduhkeemewaun.
32Kahween kekemwunsenoon kesasagun atuh: kuhya ishkoota kepungesin emuh ooduhkeemewaung.
33Oogebahnahjetoomahwaun ooshooweminahgahwunzhemewaun kuhya oofigeminahgahwunzhemewaun: kuhya oogeboogooshkahwaun metigoon emuh ooduhkeemewaung.
34Kekekedoo, medush kepetuhgwishenoowaud egewh ahtissahwuhyasheyug: kuhya keche‐nebewah pahpuhkinag.
35Oogekedahnahwah dush kuhkenuh mezhushkoon emuh ooduhkeemewaung: kuhya oogemeejenahwah kuhkenuh mahyahjegingin emuh ooduhkemewaung.
36Kuhya oogenesaun kuhkenuh netumoojaunun emuh ooduhkeemewaung: enewh mahyahmahwe‐mushkahwezenejin oonejahnesewaun.
37Oogesahgejewenaun enewh kegegezemoowaud shooneyah kuhya oozahwah shooneyah: kah dush kuhnuhga ahweyah keshahgwewese andahnid ahnooj azheweenzoonejin oodahnishenahbamewaun.
38Keminoowahnegwanduhmoomahgud Egypt uhpe kamahjahwaud: oogekoosegoowaun mah enewh ewede anduhnuhkeenejin.
39Oogepuhduhquahnahwaun ahnuhquud: kuhya oogeoozhetoon ishkoota chewahsashkahgoowaud tabekudenig.
40Oogenundoodahmahgoon enewh ahnishenahban, medush kahoonjepuggedenaud penawun: kuhya ketabesineäud ishpeming duhzhe buhquazhegun.
41Oogepahkissetoon ahzhebik, medush keöonjejewung nebee: kepemejewun emuh pangookummegaug, debishkoo seebeeng.
42Oogemequandaun mah ookechetwah‐wahweendahmahgawin: kuhya oogemequanemaun Abrahamun oobuhmeetahgunun.
43Emuh moojegezewining oogeëzhesahgejewenaun enewh oodahnishenahbamaun: kuhya enewh kahkuhgegenahjin emuh bahpenanduhmoowining.
44Oogemeenaun dush ooduhkeemewaun egewh mayug‐ahnishenahbag: kuhya oogeöodahpenahnahwah oodahnookeewinewaun egewh ahnishenahbag wenuhwah tebenuhwa chetebanduhmoowaud.
45Cheöonjeguhnuhwanduhmoowaud ootebahkoonegawinun: kuhya chemeekinduhmoowaud ookuhgequawinun. Hallelujah.
Currently Selected:
PSALMS 105: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
