PSALMS 104
104
1Mahmooyahwahmow Jehovah, O ninjechaug, O Jehovah, neKesha‐Muhnedoom ahpechekekechetwahwandahgooz: kegepesekaunun kechetwah‐wandahgoozewin kuhya keche‐oogemahwandagoozewin.
2Kedahgwin wahsayahzewin debishkoo pesekoowahguning: keduzhwagahgoodoon kezhig debishkoo kebuhgoojeguning.
3Owh wuhyahkahegad emuh nebeeng: oopahbahmebahegoonun enewh ahnuhquudoon, kuhya oopemoomegoon noodin.
4Oodahbujjeäun enewh oodangenemun debishkoo anahbuttuk noodin: kuhya enewh oobuhmeetahgunun debishkoo ishkootang.
5Oogeminjemoosetoon uhkee: wekah chemahmahjesamahgussenook.
6Kegepesekoonaun ewh kechegummee: debishkoo ahgwewining: ahwahshema ishpekahbahwewug egewh tegoowug dush ween wahjewun.
7Oonjenuhnebikemudwah keöozhemoowug: oonje noondahgoozid kedahnemikeem waweeb kemahjahwug.
8Ahmujjewawug emuh wahjewing, kuhya nesahkewawug emuh pahsuhdenaug: ewede kahwahwazhesittooyun cheähyahwaud.
9Kegeöozhetoon kekenoowahjechegun kapeëzhah sigwah: menuhwah chemooshkuhunsenook oomah uhkeeng.
10Enahkoonega enewh seebeen cheëzhetikwa yaung emuh pahsuhdenaug: ezhejewunoon emuh ashpahdenaug.
11Mesuh wanje‐menequawaud kuhkenuh egewh ketegauning duhzhe ahwaseeyug: mesuh anduhzhe‐menuhindwah egewh puhgwujje‐mamaungeshag.
12Oogijjuhyeëe ahyahwug kezhigoong duhzhe penasheüg: noondahgoozewug nahwuhyeëeng wahtikwunewaud metigoog.
13Kesha‐Muhnedoo oonesahbahwahtoonun enewh wahjewun oonje oodahbenahsoowining: uhke mooshkenamahgud azhemenewemahguk kedahnookeewinun.
14Mesuh wanje‐mahjegemahguk mezhushkoon kameejewaud ahwahkaunug kuhya mushkoosew kaähbuhjjetood enene, chenetuhwugging buhquazhegun uhkeeng oonje.
15Kuhya shooweminahboo kaöonje‐moojegedaäd enene: kuhya pemeda wanje‐minwahbuhmenahgoozid kuhya buhquazhegun kaöonje‐soongedaäd enene.
16Kechenebewewun Jehovah oometigoomun: Lebanoning duhzhe kezhikug enewh Jehovah kahpuhdukkenahjin.
17Mesuh anduhzhe oosuhswunewaud egewh penasheyug: owh ahjechauk duhneze emuh shingwaukoong.
18Ashpahdenaug ezhenezhemoowug egewh puhgwuj meshahboozoog: kuhya egewh wahpoozoog emuh ahzhebikaung.
19Oogeähsaun enewh tebeke‐keezisoon chekekenoowahduk kekenoonoowin: kezhike‐keezis kekanjega uhpe kapungeshemood.
20Kedenahkoonega chepuhsahgishkaug mesuh wanjetebekuk: uhpe puhbahmoosawaud egewh puhgwuj ahwaseeyug.
21Mezhebesheensug missetahgoozewug weäumwahwaud bakahnezenejin: kuhya oonundoodahmahwahwaun Kesha‐Muhnedoo oomeejimemewaun.
22Uhpe mwahkesad keezis pemekewawug: kuhya shingeshinoog emuh oowahzhewaung.
23Enenewug dush sahguhumoog cheähnookewaud: oodahnookeewinewaun peenish wanahgooshenig.
24Kagate keche‐bahtuhyeïnudoon kedahnookeewinun Jehovah: emuh nebwahkahwining kegeöozhetoonun kuhkenuh; mooshkena uhkee enewh ketebenuhwawezewinun.
25Ewh keche‐kechegummee mangeguhmaug: buhtuhyeïnwug bamoodajig emuh: agahsheëjig kuhya mandedoojig.
26Me ewede anuhkuhzhuhwamahguk enewh nahbequaunun kuhya owh Leviathan: kahoozheüd cheöodahmenood emuh.
27Kedahpanemegoog kuhkenuh oogoo: kedahshummaug dush uhpe dabishkoosanig cheähshummindwah.
28Kedahshummaug, oodoodahpenahnahwah dush: kepuhsahgeneenjin, tabesineähwug edush meejim.
29Kekahdoon kishkinzhikoon, megooshkahdanduhmoog: kemahmoon oonasawinewaun, ishquah‐nuhmoowug kuhya emuh ooweyuggussaëwaung ezhekewawug.
30Kepuggedenuhmahwaug kenasawin, mesuh wanje‐bemahdezewaud: kuhya nuhechegahda uhkee.
31Mahnoo kahgenig tahpezhegandahgooze Jehovah: tahmoojegeze Jehovah emuh oodahnookeewining.
32Ooguhnuhwahbundaun uhkee, nuhningishkahmahgud dush: ootaungenaunun enewh wahjewun mesuh buhquanag.
33Ningahnuhguhmootuhwah Jehovah menik kabemahdezeyaun: ningahmuhtwawatuhmoowah Jehovah ewh muhtwawajegun menik kabemahdezeyaun.
34Tahminwandahgwud suh nenahnahgahdahwanduhmoowin kaëzhenahnahgahdahwanemug: ningahmoojegezetuhwah Jehovah.
35Tahchahgenawug maje‐ezhewabezejig oomah uhkeeng: kakebahdezejig dush kahween kayaba tahahyahsewug: O ninjechaug wahwezhanim Jehovah: Hallelujah.
Currently Selected:
PSALMS 104: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
