PSALMS 103
103
1Mahmooyahwahmowh Jehovah, O ninje chaug: kuhya kachetwah‐wandahgwuk oodezhenekahzoowin oogahwahwezhanemegoon kuhkenuh peenjenuh neyowing atagin.
2Mahmooyahwahmow Jehovah, O ninjechaug: kagoo dush wuhnandunkan kuhkenuh ooshahwanjegawinun.
3Owh wuhyabenuhmauk kuhkenuh kemujje‐ezhechegawinun: kuhya nwahjemooïk kuhkenuh kedahkoosewinun.
4Owh bamahjeïk chebahnahdezesewun: owh tuhyabeïk enewh sahgeëwawinun kuhya kecheshahwanjegawinun.
5Owh tabesineïk enewh wanesheshingin: mesuh wanje‐nuhechegahdag kedooshkenegewin debishkoo megezeeng.
6Jehovah oomekindaun quuhyuk‐wahdezewin: kuhya oomenoo‐tebahkoonaun kuhkenuh enewh maje‐doodahwindenejin.
7Oogewahbundahaun Mosesun enewh oomeekunun, kuhya oogewahbundahaun Israel oonejahnesun enewh oodezhechegawinun.
8Jehovah suh shahwanjega kuhya ketemahganjega: zebishkahje‐kedahzoo kuhya keche‐netuhshahwanjega.
9Kahween kahgenig tahnuhneebekingase: kah kuhya kahgenig oogahsahgetooseen oonishkahdezewin.
10Kahween kegedoodahgoosenaun debishkoo anandahgwuk kemujje‐ezhewabezewinenahnin: kah dush kegetebahahmahgoosenaun debishkoo anandahgwuk kekuhkebahdezewinenahnin.
11Debishkoo ahwahshema kecheïshpaug kezhig dush ween uhkee; mesuh azhemushkahwezemahgudenig ooshahwanjegawin azheshahwanemaud enewh quasegoojin.
12Apeechaug ewede wahbunoong oonje apungeshemook: mesuh apeechaug kahwabenuhmoonung kemujje‐ezhewabezewinenahnin.
13Debishkoo owh wanejahnesid enene azheshahwanemaud tebenuhwa oonejahnesun: mesuh Jehovah azheshahwanemaud enewh quasegoojin.
14Ookekandaunun mah keyowenahnin: kuhya oomequandaun cheweyuggussaëweyung.
15Enene dush debishkoo mushkoosewining ezhewabudenewun ookezhegudoomun: debishkoo ketegauning duhzhe wabegooning mesuh azhemahjegid.
16Uhpe bwahtahnind ishquahahyah: kah dush kayahbe tahduhnezese anduhnezepun.
17Kahgenig uhpena kahgenig Jehovah oogahshahwanemaun enewh quasegoojin: kuhya oogahmenoo‐doodahwaun enewh kaähneka‐negenejin.
18Enewh ganuhwanduhmenejin oowahweendahmahgawin: kuhya enewh maquanduhmenejin ookuhgequawinun chemekinduhmenid.
19Jehovah oogeähtoon oodoogemah‐wuhbewin ewede ishpeming kezhigoong: kuhya oodoogemahkunduhwaun kuhkenuh bamahdezenejin.
20Mahmooyahwahmik Jehovah kenuhwah oodangenemun ahyahweyag: kache‐mushkahwezeyag ganuhwanduhmag ookuhgequawinun: oonje bezinduhmag oodekedoowin.
21Mahmooyahwahmik Jehovah kenuhwah waqueenooyag wabuhmeetahgunemenag: andooduhmag oodenanduhmoowin.
22Mahmooyaywahmik Jehovah kuhkenuh kenuhwah oodahnookeewinun emuh kuhkenuh anegookwahnig oodoogemahwewin: mahmooyahwahmow Jehovah, O ninjechaug.
Currently Selected:
PSALMS 103: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
