PSALMS 102
102
1Jehovah bezindun ninduhnuhmeäwin: kuhya mahnoo kegahoodissegoon nindahnemetahgoozewin.
2Kagoo kahdoomahweshin kishkinzhegoon, uhpe katemahgezeyaun bezinduhweshin: uhpe nanaundoomenaunin waweeb nuhquatuhweshin.
3Bahnahdudoon nekezhegudoomun debishkoo paquanag ishkoota: kuhya chahgahketanoon nekunun debishko omissheeng.
4Bahnahjechegahda kuhya nebooda ninda debishkoo mushkoosewining: newuhnandum dush chemeejeyaun nebuhquazhegunim.
5Apeech mahmahtwayaun: nekunun ahgooginoon emuh neshuhguhying.
6Debishkoo azheähyaud ahjechauk emuh buhgwuhduhkummig nindezheähyah: debishkoo kookookoong puhgwuhduhkummig ayaud.
7Nindahkahwaub kuhya nenezhekawiz debishkoo penasheens: oogeduhgummig namuhduhbid.
8Nemujje‐kuhnoonegoog egewh shaunganemejig kuhpa kezhik: kemushkahwe‐wahweendahmahgawug wemujje‐doodahwewaud.
9Ningemeejin peengwe debishkoo buhquazheguning: kuhya emuh nemenequawining neduhgoon aunun nesebeengwaün.
10Oonje kenishkahdezewin: kegeöombenaun mah neyow kuhya kegeniswabenaun.
11Debishkoo ahgahwahtashemoowin wahungwahnahgwuk ezhewabud nebemahdezewin: nebooda dush neyow debishkoo mushkoosewining.
12Keen dush Jehovah kahgenig kegahnuhmuhdub: kuhya kegahmequanemegoo kahgenig kuhya kahgenig.
13Kegahpuhsegwe, kegahshahwanemah Zion, uhpe dabishkoosag cheshahwanemud: uhpe tagwishenoomahguk quuhyuk kezhegud.
14Kebuhmeetahgunug mah oosahgetoonahwahenewh ahsineen emuh atagin: kuhya oominwandahnahwah ewede duhzhe weyuggussa.
15Egewh mayug‐ahnishenahbag oogahkootahnahwah Jehovah oodezhenekahzoowin: kuhya kuhkenuh uhkeeng duhzhe keche‐oogemaug oogahkootahnahwah kepezhegandahgoozewin.
16Oonje Jehovah keöozhetood Zion; emuh oopezhegandahgoozewining keëzhenahgooze.
17Oogebezindaun oodahnuhmeäwin owh katemahgezid: kah dush oogedahbussanduhseen oonundoodahmahgawin.
18Tahoozhebeëgahda oo‐oo cheöonje‐kekanduhmoowaud egewh kaähneka‐bemahdezejig: kuhya ahnishenahbag kayahba kaöozheïndjig oogahwahwezhanemahwaun Jehovahun.
19Ewede ishpeming anduhgoonig ookechetwahweguhmig keöonzahbe: kezhegoong dush Jehovah oogeöonzahbundaun uhkee.
20Chenoondung oomahmahdwawin owh kabahquahegahzood: kuhya chepuggedenaud enewh wahneboopuneen.
21Chewahweendung oodezhenekahzoowin owh Jehovah emuh Zioning: kuhya oowahwezhanemegoowin emuh Jerusaleming.
22Uhpe mahwunjeëdewaud egewh ahnishenahbag: kuhya oogemahwewinun chebuhmeetahwind Jehovah.
23Oogeshahgwewetoon nemushkahwezewin emuh meekunaung: oogetahquahtoon nebemahdezewin.
24Ningeëkid O neKesha‐Muhnedoom kagoo mahjeneshekan uhpe ahbetah atuh kebemahdezeyaun: keen mah kebemahdiz kahgenig ahpena kahgenig.
25Kuhyet kegeminjemoosetoon uhkee: kuhya keneenjeeng keöonje‐oozhechegahda kezhig.
26Tahbuhnahdudoon oonoo, keen dush ween uhpena kedahyah; debishkoo suh ahgwewining tahezhekata‐uhyeëewunoon.
27Kuhya debishkoo ookahnausemaung kegahezhetetebegenaun, kuhya tahquakesechegahdawun; keen dush ween pazhigwun kedezhewabezewin kuhya kekekenoonoowinun kah wekah tahishquahsasenoon.
28Kebuhmeetahgunug oonejahnesewaun uhpena tahduhnezewun: kuhya oomenewinewaun kahgenig tahduhgoomahgudene anahsuhmeyun.
Currently Selected:
PSALMS 102: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
