PHILIPPIANUN 2
2
1Kishpin anduhgoogwan gagoo menoodaäshkahgoowin emuh Christing, kishpin anduhgoogwan gagoo menoo‐daäshkahgoowin emuh sahgeëwawining, kishpin anduhgoogwan gagoo oomenoo‐weejekewaïndewin owh Keche Oojechaug, kishpin gagoo keshawahdezewin kuhya shahwanjegawin.
2Mooshkenatook nemoojegezewin, nahsaub cheënanduhmag, kuhya nahsaub chesahgeëdeyag, cheweedookahdahdeyag kuhya nahsaub cheënanindeyag.
3Kahween gagoo tahoonje‐oozhechegahdasenoon emuh megahdewining gamuh emuh ahneshah muhmequahzoowining, emuh dush ahgahsanemoowining, anduhsheyag ahwahshema kegahminwanemahwaug pakahnezejig dush ween azheminwanindezooyag.
4Kuhkenuh enenewug kahween oogahguhnuhwahbunduhsenahwah tebenuhwa ooduhyeemewaun, kuhkenuh dush oogahguhnuhwahbundahnahwah enewh pakahnezenejin ooduhyeemene.
5Nahsaub enanduhmook, debishkoo kahenandung Christ Jesus:
6Ween, Kesha‐Muhnedoong kahezhenahgoozid, kahween gagookatuhkoonegahdag keënanduhse cheKesha‐Muhnedoowandahgoozid:
7Kepuggedenedezoo suh dush ningood cheähpeetandahgoozesig, keöodahpenuhmahzoo buhmeetahgun oodezhenahgoozewin, kuhya eneneeng keëzhenahgoozeäh.
8Enene dush oodezhenahgoozewining keëzhemekuhwah, oogedahbussetoon weyow, oogenuhittaun dush ewh neboowin, me suh ewh ahzhedayahtikoo neboowin.
9Me dush oonje Kesha‐Muhnedoo oogekechetwahweäun, oogemeenaun dush ewh oonoozoowin ahwahshema ashpandahgwudenig dush ween kuhkenuh oonoozoowinun.
10Emuh Jesus oodoonoozoowining kuhkenuh cheöoje-cheengwunetuhmoowaud keche‐kezhegoong ayahjig, kuhya uhkeeng ayahjig kuhya ahnahmuhkummig ayahjig;
11Kuhkenuh wadanuhnewewejig bamahdezejig cheekedoowaud, Tebaninga owh Jesus Christ cheöonje‐ishpandahgooïnd owh Kesha‐Muhnedoo Wayoosemind.
12Benuh dush, suhyahgeënenuhgoog debishkoo moonzhug kahezhenuhittuhmag, kahween atuh magwah ahbeyaun, noongoom keche ahwahshema ahbesewaun, ahnookeetuhmoog tebenuhwa kebemahjeëgoowinewah emuh sagezewining kuhya nuhningishkahwining.
13Kesha‐Muhnedoo muh ahwe owh anookeed emuh peenjenuh keyowewaung cheënanduhmag kuhya cheëzhechegayag debishkoo ween azheminwandung.
14Dooduhmook kuhkenuh uhyeëen kuhnuhga nishkahje‐guhnoonindesewag kuhya kekaundesewag.
15Chewuhsittahwandahgoozesewag kuhya chemujje-doodahgasewag, oonje oonejahnesemenag owh Kesha‐Muhnedoo, kuhnuhga mujje‐enanemegoosewag, emuh magwa ahyahwaud egewh majeëzhewabezejig kuhya kagaunzetungig bamahdezejig, magwa‐uhyeëeng kewahsayahzeem debishkoo ahnungoog oomah uhkeeng;
16Wahbundahewayag ewh bemahjeëwawine‐ekedoowin, cheöonje‐moojegezeyaun uhpe ookezhegudoom owh Christ, ewh ahneshah kepemebuhtoosewaun, kuhya ahneshah keähnookeesewaun.
17Aahe, kishpin sahsahgewejegang neyow ewh oonje ahnookeetuhmaun kedabwayanduhmoowinewah, nemoojegez, kuhya keweeje‐moojegezeminenuhgoog kenuhwah kuhkenuh.
18Mesuh ewh nahsaub kenuhwah wanje‐moojegezeyag, kuhya wanje‐weeje‐moojegezemeyag.
19Nindahpanemah suh owh Tabaningad Jesus wuhyebah cheëzhenahzhahuhmoonenuhgoog owh Timotheus, kuhya neen cheöonje‐menoodaäyaun, uhpe kekekanduhmaun ewh azheähyahyag.
20Kah muh ahweyah nindahyahwahse nahsaub enandung, kakeche‐nundahwanemenag chemenoo‐ahyahyag.
21Kuhkenuh muh oonundahwandahnahwah tebenuhwa ooduhyeemewah, kahween ooduhyeemun owh Jesus Christ.
22Kepuggukkanemahwah suh wah‐owh azhewabezid, ewh debishkoo wanejahnesemind andoodahwaud enewh oosun, ningeweej‐ahnookeemig emuh minwahjemoowining.
23Ween dush nindahpanim wuhyebah cheëzhenahzhahmoonenuhgoog, uhpe kekandahmaun kadezheähyahyaun.
24Nindahpanim weedookahwid owh Tabaningad wuhyebah chepeëzhahyaun kuhya neen tebenuhwa.
25Ningeënandum ewh nundahwandahgwuk cheëzhenahzhahmoonenuhgoog owh Epaphroditus nejekewa, kuhya owh wahdookahwid emuh nindahnookeewining, kuhya neeje‐shemahgunish, kenuhwah dush kahahnoonag, kuhya owh kahpeetahwid enewh manazeyaunin.
26Kegekeche‐nunduhwanemegoowah muh, kuhya kekeche‐kushkandum ewh, oonje kenoonduhmagoobun keähkoozid.
27Kagate keähkooze gagah wenebood: Kesha‐Muhnedoo suh oogeshahwanemaun; kahween ween atuh, kuhya neen suh ningeshahwanemik, koonemah ashkum nindahgekushkandum ahgwedum kushkanduhmoowining.
28Nahwuj dush wawane kedezhenahzhahahmoonenim, uhpe dush menuhwah wahyahbuhmag chemoojegezeyag, kuhya neen dush nahwuj punge chekushkanduhmaun:
29Oodahpenik dush oonje owh Tabaningad emuh kuhkenuh moojegezewining; kechetwahwanemik edush oogoo denoowug:
30Oonje muh oodahnookeewin owh Christ gagah kenebood, kah muh oogebahbahmanduhseen oobemahdezewin, chepuggedenung ewh buhmeetahgawin kenuhwah kahnoondasayag.
Currently Selected:
PHILIPPIANUN 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
