PHILIPPIANUN 3
3
1Ishquauj, nejekewaëdoog, moojegezetuhwik owh Tabaningad. Cheëzhebeähmoonenuhgoog nahsaub uhyeëen, kahween neen nesunnugganduhseen, kenuhwah kegahoonje‐menoo‐ahyaum.
2Mewetuhwik uhnemooshug, mewetahwik egewh mahkindungig ewh mujje‐uhyeweesh, mewetuhwik egewh kakenoowahjeïndjig.
3Kenuhwind muh quuhyuk kekekenoowahje‐kishkezhegahzoomin, ahnuhmeätuhwung Kesha‐Muhnedoo emuh Oojechaugoomaung, moojegezetuhwung Jesus Christ, kuhya kuhnuhga ahpanemoosewung ewh weyahsemah.
4Ahnahwe nindenandahgooz cheähpanemooyaunbaun ewh weyausemah. Kishpin ahweyah enanindezood cheähtanig gagoo kaöonje‐ahpanemood ewh weyahsemah, neen ahwahshema:
5Nashwahsoogoonuhguk ningekekenoowahje‐kishkezhoëgoo, emuh Israeling keöondahdezeyaun, kuhya kedebandahgoozeyaun emuh Benjamining; keHebrewewewug nuhyazh neketezemug; emuh tebahkoonegawining, ningePhariseeëwh.
6Apeeche‐kekeche‐weedookahzooyaun, ningeöonje‐kooduggeäug egewh anuhmeähjig; anandahgwuk dush ewh quuhyuk‐ezhewabezewin wanjeemahguk emuh tebahkoonegawining kahween ningood ningemujje‐enanemegoose.
7Enewh uhyeëen, nindoondezewin ahyenanduhmaunbaunan, mesuh enewh newuhnetoowin kahenanduhmaun oonje owh Christ.
8Menungakah, wuhnetoowining nindenandaunun kuhkenuh uhyeëen apeeche oonesheshing chekekanemind owh Christ Jesus Tabanemid: me suh owh kahoonje‐wuhnetooyaun kuhkenuh uhyeëen, moong dush nindahpeetandaunun, chekushkeüg owh Christ.
9Chemekahgooyaun dush emuh ooweyowing, kahween neen tebenuhwa nequuhyuk‐ezhewabezewin cheähpanemooyaunbaun ewh wanjeemahguk emuh tebahkoonegawining, me suh atuh ewh wanjeemahguk emuh oodabwayanemegoowining Christ, ewh quuhyuk‐ezewabezewin mahgewad Kesha‐Muhnedoo dabwayanduhmoowin oonje:
10Chekekanemug, kuhya ewh azhemushkahwezemahgudenig oodahbejebahwin, kuhya chewedookahzooyaun emuh ookoodugganduhmoowining, cheëzhenahgoozeëgooyaun nahsaub azhenahgwudenig ooneboowin;
11Kishpin kagate kushketooyaun chetaöodittuhmaun ewh oodahbejebahwinewah egewh naboojig.
12Kahween, ahzhuh ningetaöodittaun, gamuh ahzhuh ninkezheetah nindenanindezoose: nenoopenuhdaun suh kishpin kushketoowaunan chetaöodahpenuhmaun ewh wanje‐oodahpenid owh Christ Jesus.
13Nejekewaëdoog, kahween, ahzhuh ningetaöodahpenaun, nindenanindezoose: me suh oo‐oo atuh andooduhmaun, wuhnanduhmaun oonoo uhyeëen ishquayaung ayaugin, weekoojetooyaun dush oonoo uhyeëen negaun ayaugin.
14Anegook nepemebuttoo chetaöodittuhmaun ewh kekenoowahjechegun azhekekenoowahjechegahdag ewh poonegahdewin ewh wanje‐keche‐nundoomenung Kesha‐Muhnedoo oonje Christ Jesus.
15Mahnoo kenuhwind, menik kahkezheetahyung oo‐oo enandundah: kishpin dush ningoodenoo pukkaun enanduhmag, Kesha‐Muhnedoo kegahwahbunduhegoowah oo‐oo kuhya.
16Benuh dush, menik ahzhuh kahtakushketooyung, nahsaub enahkoonegawining enoosadah, meekindundah dush ewh nahsaub uhyeëe.
17Nejekewaëdoog, mahmahwe kekenoowahmeshig, kuhya kekenoowahbuhmik egewh anoosajig azhekekenoowahbuhmeyag.
18(Nebewah muh bemoosawug, nuhningim kahweenduhmoonenuhgoog, kuhya noongoom menuhwah keweenduhmoonenim mahweyaun, chesheenganduhmoowaud owh Christ oodahzhedayahtigoom:
19Egewh kabahnahdezejig, egewh wakesha‐Muhnedoomejig oomesudahwaun, kuhya mamequahzoojig oonje enewh uhyeëen kageähguddanduhmoowahpuneen, mahkindungig dush oomah uhkeeng duhzhe uhyeëen.)
20Keduhnuhkeewinenaun keche‐kezhegoong duhgoomahgud; me kuhya ewede nanduhwahbuhmung cheöonjeed owh Bamahjeëwad, Tabaningad Jesus Christ:
21Me suh owh kaäunjetood mahyahnahduk keyowenaun, cheëzhechegahdag debishkoo azhenahgwudenig pazhegandahgwudenig weyow, anandahgwuk ewh ahnookeewin wanje‐kushketood chemahmauzhetood kuhkenuh uhyeëen.
Currently Selected:
PHILIPPIANUN 3: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
