PHILIPPIANUN 1
1
1Paul kuhya Timotheus, oobuhmeetahgunun Jesus Christ, oodoozhebeühmahwahwaun kuhkenuh anuhmeähnejin emuh Christ Jesusing ayahnejin ewede Philippiïng, mahmahwe enewh makuhdawekoonuhyan, kuhya wahdookahganejin makuhdawekoonuhyan:
2Mahnoo kegahahyahnahwah ewh shahwanjegawin, kuhya pezaunewawin, oonje Kesha‐Muhnedoo Koosenaun, kuhya oonje owh Tabaningad Jesus Christ.
3Nemahmooyahwahmah Nekesha‐Muhnedoom duhshing maquanemenenuhgoogin,
4Moonzhug duhshing anuhmeähyaunin, ahnuhmeätuhmoonenuhgoog kenuhwah kuhkenuh emuh moojegezewining,
5Oonje ewh azheweedookahzooyag emuh minwahjemoowining uhpena goo netum kezheguk nahnauzh egoo noongoom;
6Ahpeche enanduhmaun oo‐oo uhyeëe, owh kahmahjetaud ewh menoo‐ahnookewin emuh keyowewaung oogahkeezhetoon nahnauzh ookezhegudoom Jesus Christ:
7Nahsaub azhequuhyukwuk oo‐oo cheënanemenenuhgoog kuhkenuh kenuhwah, kedahyahwenim muh emuh nindaïng; emuh suh netuhkoonegahzoowining, kuhya ewh kedebahdooduhmaun ewh minwahjemoowin kuhya kewahbunduhewayaun ewh azhedabwamahguk, kuhkenuh kenuhwah kemahdahoonegoom ewh neshahwandahgoozewin.
8Nekekanemik suh Kesha‐Muhnedoo, menik keche‐sahgeënenuhgoog kenuhwah kuhkenuh emuh oonuggesheeng Jesus Christ.
9Oo‐oo dush nindezheähnuhmeäh, kesahgeëdewinewah ashkum kuhya ashkum kayahbe chemesheenuk emuh kekandahsoowining kuhya emuh kuhkenuh nebwahkahwining;
10Cheöonje‐minwanduhmag enewh uhyeëen wanesheshingin; chequuhyukwandahgoozeyag kuhya chewahsittahwandahgoozesewag nahnauzh egoo ookezhegudoom owh Christ;
11Chemooshkenashkahgooyag ewh quuhyuk‐ezhewabezewine menewinun ayaugin emuh Jesus Christing, chepezhegandahgooïnd kuhya chewahwezhanemind Kesha‐Muhnedoo.
12Nenunduhwandum dush chenesittootuhmag, nejekewaëdoog, enewh uhyeëen kahpuggummishkahgooyaunin ningeöonje‐puggummishkahgoonun ahwahshema chemushkahwezemahguk ewh minwahjemoowin;
13Neminjemahpenegoowinun oonje owh Christ kekandahgwudoon emuh kuhkenuh anegookwaug keche‐oogemah‐weguhmig, kuhya emuh kuhkenuh ahnind wegewaumun;
14Nahwuj nebewah dush egewh wejekewaëmaug oonje owh Tabaningad, soongedaäwaud oonje neminjemahpenegoowinun, nahwuj aunwahjewug chedebahdooduhmoowaud ewh ekedoowin kuhnuhga sagezesigwah.
15Ahnind oodebahjemahwaun enewh Christun oonje keshahwanjegawaud kuhya netuh‐kekaungawaud; ahnind dush oonje minwanemewaud:
16Egewh netum oodebahjemahwaun enewh Christun oonje ewh megahzoowin, kahween emuh dabwawining, enanduhmoowaud nahwuj chewesuggandahgwuk neminjemahpenegoowinun.
17Egewh dush ahnind oonje sahgeëwawining, kekanemewaud ewh ahsigooyaun cheguhnuhwanduhmaun ewh minwahjemoowin.
18Ahneen dush? nuhmunj azhekuhgeqwawahgwan, koonemah emuh ahnuhmeäkahzoowining, gamuh emuh dabwawining, pooch debahjemah Christ; me suh dush wanje‐minwanduhmaun, kuhya kaöonje‐minwanduhmaun.
19Nekekandaun muh oo‐oo weähnookeemahguk chebemahjeëgooyaun oonje kedahnuhmeähwinewah, kuhya kameenegooyaun ooKeche Oojechaugwun owh Jesus Christ.
20Debishkoo azhekeche‐nunduhwanduhmaun, kuhya azheähpanemooyaun, kuhnuhga cheähgujjesewaun, emuh kuhkenuh soongedaäwining, debishkoo kahgenig, mesuh goo kuhya noongoom wekechetwahweïnd owh Christ emuh neyowing, kishpin bamahdezewaunan gamuh naboowaunan.
21Neen dush bemahdezeyaun mesuh Christ: kuhya nebooyaun me suh ewh kaöondezeyaun.
22Kishpin dush bemahdezeyaun emuh weyahsemaung, me suh ewh menewewung nindahnookewin: kah dush nekekanduhse wagoodoogwan kawuhwanahbunduhmoowaunan.
23Nahwuhyeëeng muh nindahyah neezh nunduhwanduhmoowinun, nunduhwanduhmaun chemahjahyaun cheweejewug dush owh Christ; ahwahshema minwandahgwud suh ewh:
24Ahnahwe dush cheduhnezeyaun emuh weyahsemaung ahwahshema nundahwandahgwud kenuhwah oonje.
25Oo‐oo suh enanduhmaun, nekekandaun oomah cheahyahyaun kuhya weweejewenuhgoog kenuhwah kuhkenah cheöonje‐mushkahwanduhmooyag kuhya chemoojegezeyag emuh dabwayanduhmoowining.
26Nahwuj chemeshenuk kemoojeganduhmoowinewah emuh Jesus Christing neen oonje menuhwah peöodissenuhgoog.
27Mahnoo ezhewabezeyook debishkoo azhewabezewahpun egewh dabandahgoozejig emuh oominwahjewoowining Christ: kishpin dush ezhahyaun chewahbuhmenuhgoog, gamuh kishpin ezhahsewaun, chenoonduhmaun ewh azhewabezeyag, chesoongekahbahweyag emuh pazhik oojechaugoomaung, emuh pazhik enanduhmoowining mahmahwe wekoojetooyag ewh minwahjemoowine‐dabwayanduhmoowin;
28Kuhnuhga ningood koosahsewagwah egewh shaunganemenagoog: me suh wenuhwah kaöonje‐puggukkanduhmoowaud webahnahdezewaud, kenuhwah dush ween webemahjeëgooyag, mamwach owh Kesha‐Muhnedoo oonje.
29Kenuhwah muh kemeenegoom oonje owh Christ, kahween atuh chedabwayanemag, kuhya dush chekooduggetooyag ween oonje;
30Ayahmag ewh nahsaub megahzoowin kahwahbunduhmag emuh neyowing, kuhya noongoom noonduhmag azhemegahzooyaun.
Currently Selected:
PHILIPPIANUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
