EPHESIANUN 6
6
1Ahbenoojeëdoog nuhittahwik keketezemewaug oonje owh Tabaningad: me suh ewh wanesheshing.
2Kechetwahwanim koos kuhya keguh; (mesuh ewh natumesing kuhgequawin wanje‐wahweendahmahgang gagoo.)
3Cheöonje‐menoo‐ahyahyun, kuhya kenooäzh chebemahdezeyun oomah uhkeeng.
4Kenuhwah dush oosemahdoog kagoo nishkeähkagoon kenejahnesewaug: ezhenetahwuggeïk emuh oonetuhwuggeëwawining kuhya emuh ookuhgequawining Tabaningad.
5Buhmeetahgunewedoog, nuhittuhwik egewh tabanemenagoog emuh weyausemaung, emuh sagezewining, kuhya emuh nuhningishkahwining, emuh quuhyuk oodaëmaung, debishkoo oonje Christ.
6Kahween emuh ooshkinzhegoo‐buhmeetahgawining, debishkoo egewh manwanduhmeähjig enewh enenewun, debishkoo atuh egewh bameetahwahjig enewh Christun, dooduhmag oodenanduhmoowin Kesha‐Muhnedoo emuh oonje kedaëwaung;
7Emuh minwanduhmoowining chemenoo‐buhmeetahgayag debishkoo buhmeetahwag owh Tabaningad, kah dush ween egewh enenewug;
8Kekanduhmag wagoodoogwan wanesheshing andooduhmoogwan ahweyah, me suh ewh kaëzhemeenegood enewh Tabaninganejin, kishpin buhmeetahga‐wenenewegwan gamuh dabanindezoogwan.
9Kenuhwah dush oogemahwedoog, nahsaub doodahwik chenishkahje‐guhnoonahsewagwah: kekanduhmag kuhya kenuhwah kedoogemahmewah kuhya wenuhwah oodoogemahwewaun ahyaud ewede keche‐kezhegoong; kahween dush pekinnoong oodenanemahseen enewh bamahdezenejin.
10Ishquauj, nejekewaëdoog, mushkahwezeyook oonje Tabaningad, kuhya azhemushkahwezemahgudenig oomushkahwezewin.
11Pesekuhmook ewh kuhkenuh oodushwewin owh Kesha‐Muhnedoo, chekushkeäwezeyag cheshahgoojetooyag enewh ookuhkuhyanezewinun owh mujje‐muhnedoo.
12Kah mahween kekuhgwajewahnedunsemin ewh weyausemah kuhya misque, me atuh oogemahwewinun, kuhya mushkahwezewinun kuhya egewh magwa puhsuhgish‐tebik wagemahkundahgajig oomah uhkeeng, kuhya oomujje‐ezhewabezewinewaun egewh mujje‐Muhnedoog emuh mezhuh‐kezhegoong ayahjig.
13Benuh dush oodahpenuhmahzooyook kuhkenuh oodushwewin owh Kesha‐Muhnedoo, ewh dush chekushketooyag chenuhnahqueyag uhpe maje‐kezhegukkin, kuhya kuhkenuh kahezhechegayag, chenebahweyag.
14Nebahwik dush, kechepezooyag ewh dabwawin, kekahkegunewaung ahyoog ewh quuhyuk‐ezhewabezewin;
15Kuhya emuh kesittahwaung cheähyooyag ewh kezheetahwin anduhgoomahguk emuh pezaunewawine minwahjemoowining.
16Ahwahshema dush kuhkenuh oonoo, oodahpenuhmook dabwayanduhmoowine puhkahahquaun, cheöonje‐kushketooyag cheähtahahmag kuhkenuh oodishkoota ookinwahkoonemun owh mujje‐ahyahahwish.
17Kuhya dush oodahpenuhmook ewh bemahjeëwawine wewuhquaun, kuhya oodahzhuhwashkoom owh Keche‐Oojechaug, me suh ewh oodekedoowin owh Kesha‐Muhnedoo:
18Moonzhug cheähnuhmeähyag emuh kuhkenuh ahnuhmeähwining kuhya nundoodahmahgawining emuh Keche‐Oojechaugoong, kuhya emuh ahkahwahbeyook emuh kuhkenuh aunwahjewining, cheähnuhmeätuhmahwagwah kuhkenuh anuhmeähjig;
19Kuhya neen, cheähnuhmeätuhweyag ewh kekedoowin chemeenegooyaun, wawane chenesahkoonuhmaun nindoon kuhnuhga sagezesewaun, chewahbunduhewayaun ewh minwahjemoowine keemoodezewin.
20(Me suh wanje‐kebahquahegahzooyaun kuhgequa‐weneneweyaun) cheöonje‐ezhekekedooyaunbaun soongeda-ayaun debishkoo kaëzhekekedooyaunbaun.
21Kenuhwah dush chekekanemeyag azheähyahyaun, kuhya azhebemahdezeyaun, kuhkenuh gagoo kegahweendahmahgoowah Tychicus suhyahgeïnd kejekewaënaun kuhya ayaungwahmezid kuhgequa‐wenene oonje owh Tabaningad:
22Mesuh oo‐oo kahoonje‐ezhenahzhahmoonenuhgoog cheöonje‐kekanemeyag azheähyahyaung kuhya chemenoo‐daäënag.
23Pezaunewawin oogahahyahnahwah egewh wejekewaëmaug, kuhya sahgeëdewin mahmahwe ewh dabwayanduhmoowin oonje owh Kesha‐Muhnedoo Wayoosemind kuhya owh Tabaningad Jesus Christ.
24Tahshahwandahgoozewug kuhkenuh egewh suhyahgeähjig enewh Tabanemenung Jesus Christ emuh sahgeëwawining wekah‐kabahnahdussenook. Amen.
Currently Selected:
EPHESIANUN 6: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
