ST. MARK 5
5
1Kepeëzhahwug dush emuh ahgahming ewh kechegumme, emuh oodinduhnuhkewinewaung egewh Gadarenug.
2Kahpekuhbaud edush, oogepenuhquashkahgoon pazhik enenewun kahkishkahwahnejin enewh wahnezenejin muhnedoon, emuh chebagummigoong keoonjebahnid,
3Magwa chebaguhmigookaug kedahwun, kahween ahweyah ookekushkeëgooseen cheminjemahpenegood kah pooshka petwahbekoo‐tuhkoobejegunun oonje:
4Ewh muh ahnoo ahyahpe keminjemahpenah enewh minjemahpejegunun kuhya tuhkoobejegunun, oogepegoobetoonun enewh minjemahpejegunun, kuhya dush enewh pewahbekoo‐tuhkoobejegunun oogebuhpukkebetoonun; kah gooshah ahweyah oogekushkeähseen chepezaunezeäud.
5Moonzhug dush, tabekudenegin kuhya kahzhegudenegin, keduhneze magwa wahjewing, kuhya mahmahdezhahdezood, keähyood enewh ahsineen.
6Uhpe dush wuhyahbuhmaud enewh Jesusun wahsah ayahnejin, keähputtoo keöojecheengwunetahwaud dush,
7Kuhya anegook pepahgid, oo‐oo keënaud, Ahneen kadoodahdeyung, Jesus, Wagwissemik owh ahpeche ashpandahgoozid Kesha‐Muhnedoo? Kepahgoosanemin suh oonje owh Kesha‐Muhnedoo, kagoo kooduggeëshekan.
8Oo‐oo muh ween oogeënaun, Pezahgezekow owh enene, wahnezeyun muhnedoo.
9Oogeguhgwajemaun dush, Ahneen azhenekahzooyun? Oo‐oo dush oogeëzhenuhquatahgoon, Legion suh nindezhenekauz: nebahteënoomin muh.
10Oogepahgoosanemegoon dush anegook cheoonjesahgeje‐nahzhahwahsig emuh duhnuhkeewining.
11Keähyahwug dush cheguhyeëe emuh wahjewewung keduhzhe‐wesenewaud keche‐nebewah kookooshug.
12Kuhkenuh dush egewh mujje‐muhnedoog oogepahgoosanemahwaun oo‐oo dush keënahwaud, Ezhenahzhahooshenaum emuh ooweyowewaung egewh kokooshug cheähwepeendegashkahwungedwah.
13Bahbega dush egoo Jesus oogepuggedenaun. Egewh dush wahnezejig muhnedoog kahsahgezekahwahwaud enewh enenewun, oogepeendegashkahwahwaun enewh kookooshun: kuhkenuh dush egewh kookooshug kekuhkujjewabuhedewug emuh kechegummeeng keëpezoowaud, (keneezhing metauswaukoosedooganug); kuhya kekebwuhnaumahbahwawaud.
14Egewh ashummahpuneeg enewh kookooshun keoozhemoowug, kedebahjemoowug emuh oodanaung, kuhya emuh duhnuhkeewining: kepesahgahahmoog chewahbunduhmoowaud e‐ewh kahezhewabuk.
15Kahpenaunzekahwahwaud enewh Jesusun, oogewahbuhmahwaun enewh enenewun kakishkahwahpuneen enewh mujje‐muhnedoon, kuhya ayahwahpuneen enewh Legionun, nuhmuhduhbenid, pesekoonuhyanid, kuhya nebwahkahnid: kesagezewug dush.
16Egewh dush kahwahbunjegajig oogeweenduhmahwahwaun kahdoodahwind owh kahkekishkahwahpun enewh mujje‐muhnedoon, kuhya dush kahezheähyahwaud egewh kookooshug.
17Medush kemahje‐pahgoosanemahwaud chenuhguhduhmenid ewh oodinduhnuhkewenewaun.
18Uhpe dush kahpoozid emuh nahbequauning, oogepahgoosanemegoon enewh kakishkahwahpuneen enewh mujje‐muhnedoon cheweejewegood.
19Kah dush Jesus oogeënanemahseen, oo‐oo dush oodenaun, Ezhekewan emuh kewegewauming anduhzhe‐ahyahwaud egewh kedenahwamahgunug, kuhya weenduhmow enewh keche‐uhyeëen kahdoodook owh Tabaningad, kuhya ewh kahezheshahwanemik.
20Kemahjah dush, kemahje‐debahjemoo emuh Decapolising enewh keche uhyeëen kahdoodahgood enewh Jesusun: kuhkenuh dush bamahdezejig kekeche‐mahmahkahdanduhmoog.
21Uhpe dush owh Jesus nayaub kahtuhkummahshid ewede ahgahming, nebewah ahnishenahban kepemahwunjeëdewun: ahgummeeng dush keähyah.
22Benuh dush, peëzhah pazhig wagemahkundung ewh ahnuhmeä‐weguhmig, Jairus azhenekahzood; uhpe dush wuhyahbuhmaud enewh Jesusun, keähpuggezoo emuh oosittahning.
23Oogekeche‐pahgoosanemaun dush, oo‐oo keëkedood Owh agahsheïd nindahnis gagah weneboo: Umba suh petaungin, cheoonjenoojemooïnd; tahbemahdeze dush.
24Owh dush Jesus oogeühneweejewaun; oogenoopenuhnegoon dush nebewah ahnishenahban keühnesinsekahgood dush.
25Pazhik dush equa, masquewahpenad, metahswe‐ahshe‐neezhoo pepoon kahahkoo‐ezhewabezid.
26Kekeche‐kooduggeëgood nebewah mushkeke‐wenenewun, kuhya kebahnahjetood kuhkenuh ooduhyeemun, kah dush bahpish kenoojemoose, ashkum suh keähkoose,
27Noondahgad azhewabezid Jesus, kepeëzhah emuh anduhzhe‐ooquenoowaud egewh ahnishenahbag, oogetaungenaun dush oodahgwewin.
28Keëkedoo muh, Keshpin kuhnuhga taungenuhmaun oodahgwewinun, ningahnoojemooëgoo.
29Kazhetena dush kepangoo‐ahyahne ewh kahoonjejewunenig oomesqueem; oogekekandaun dush emuh weyowing chenoojemooïnd e‐ewh azhemahnahdahpenapun.
30Kazhetena dush owh Jesus kekandung peenjenah ewh mushkahwezewin keoonjesahguhummoomahgudenig emuh weyowing, oogequakekahbahwetahwaun enewh ahnishenahban, oo‐oo keëkedood, Ahwanan owh kahtaungenung ewh nindahgwewinun?
31Oo‐oo dush keëgood enewh ookekenooahmahgunun, Kewahbuhmaug egewh ahnishenahbag cheähpeche‐sinse-kookwah, kedekid dush nuh, Ahwanan kahtaungenid?
32Kequakegahgahbe chenunduhwahbuhmaud enewh equan kahtaungenegoojin.
33Owh dush equa sagezid kuhya neningebenegood, ewh kekandung ewh kahdoodahwind, kepeëzhah, kuhya keähpuggezood emuh enahsuhmekahbahwenid, keweenduhmoowaud kuhkenuh ewh dabwawin.
34Oo‐oo dush oogeënaun, Nindahnis, kenoojemooëgoon ewh kedabwayanduhmoowin; emuh pezaunanduhmoowining ezhemahjaun, noojemoon dush ewh mahyahnahdahpenayunbun.
35Magwah kayahbe kekedood, ahnind kepeoonjebahwug emuh andaud owh wagemahkundung ewh ahnuhmeä‐weguhmig, oo‐oo dush keëkedoowaud, Ahzhe suh keneboo owh kedahnis; ahnishwin kayahbe megooshkahjeüd owh kakenooähmahgad?
36Bahbega dush owh Jesus kahnoondung ewh ekedoowin kahekedoowaud, oo‐oo oodenaun enewh wagemahkunduhmenejin ewh ahnuhmeä‐weguhmig, Kagoo sagezekan dabwayandun atuh.
37Keënahkoonega kuhnuhga ahweyah chenoopenuhnegoosig, me atuh Peter, kuhya James, kuhya John wejekewaün owh James.
38Petuhgwishinoog dush emuh oowegewauming owh wagemahkundung ewh ahnuhmeä‐weguhmig, oowahbundaun ewh oombegezewin, kuhya enewh kache‐muhwenejin, kuhya enewh ahyahshequanejin.
39Kahpeendegad dush oo‐oo keënaud, Ahnishwin oombegezeyag, kuhya muhweyag? kahween neboose owh equazanse, nebah suh goo.
40Oogekaunj‐bahpeähwaun dush. Uhpe dush kahsahgeje‐wabenaud kuhkenuh, oodoodahpenaun enewh oosun kuhya enewh oogeen owh ooshkenegequa, kuhya dush enewh wahjewegoojin, kepeendega dush kahduhzhe‐shingeshing owh equazans.
41Kesuhgeneenjenaud dush enewh ooshkenegequan, oo‐oo keënaud, Talitha cumi; anekenootuhming, oo‐oo ezhenesittootahgwuk, Ooshkenegequa, kedenin, puhsegween.
42Bahbega dush kepuhsegwe owh ooskenegequa, kuhya kepahbahmoosa: metahswe‐ahshe‐neezhoo‐pepoon‐uhgewenayagoobun muh. Kuhya dush keche‐maminduhga kemahmahkahdanduhmoog.
43Oogekeche‐aungwahmemaun dush kuhnuhga ahwe yah chekekanduhsig; keëkedoo dush cheähshummemind.
Currently Selected:
ST. MARK 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
