ST. MARK 6
6
1Ewede dush keoonjemahjah, keëzhah dush tebenuhwa ooduhkeeming, oogenoopenuhnegoon dush enewh ookekenooähmahgunun.
2Uhpe dush aunwabe‐kezhegudenig, kemahje‐kekenooähmahga emuh ahnuhmeä‐weguhmigoong: nebewah dush egewh kahnoondahwahjig kemahmahkahdanduhmoog, oo‐oo dush keëkedoowaud, Ahneende wandenung mahbuh enene oonoo uhyeëen? wagoonan dush oo‐oo nebwahkahwin azhemeenind, kuhya enewh keche‐mahmaundahwejegunun azhechegad?
3Kah nuh ween wah‐owh mookoodahzoo‐wenenewese, oogwissun owh Mary, kuhya wejekewaün owh James, kuhya Jose, kuhya Judas, kuhya Simon? kah nuh dush oomuh ahyahsewun oodahwamaun? Oogewuhsittahwane-mahwaun dush.
4Owh dush Jesus oogeënaun, Kahween ahgahsanemahse aunwahjega‐wenene, me atuh emuh tebenuhwa oodinduhnuhkewining, kuhya anduhzhe‐ahyahnid oodenuhwamahgunun, kuhya emuh tebenuhwa oowegewauming.
5Kah dush kekushkeoose kuhnuhga chemahmaundah-ahnookeed, me atuh ketaungenaud punge ayahkoosenejin, kenoojemooaud edush.
6Oogemahmahkahdandaun dush ween azhedabwayanduhsenig. Kewetuhyeëe dush emuh oodanaunsing kepuhbah‐kuhgequa.
7Oogenundoomaun dush enewh metahswe‐ahshe‐neezh kekenooähmahgunun, kuhya kemahjetah chemahjenahzhahwaud naneezh; oogemeenaun dush chekushkeähnid enewh wahnezenejin muhnedoon;
8Oogeënaun dush kuhnuhga gagoo chemahjetoosigwah webahbahmahdezewaud, me atuh suhkuhoon; kahween nuhwuhpoowine‐mushkemood, kahween buhquazhegun, kah dush ween shooneyaun emuh oomushkemoodansewaung:
9Cheoomukkeesinewaud atuh; kuhya kagoo neezh pesekahwahgunun pesekunkagoon.
10Oo‐oo dush oogeënaun, Tebe kapeendegawagwan emuh wegewauming, me moonzhug emuh cheähbeyag nahnauzh ewede oonje mahjahyag.
11Ahwagwan kaoodahpenesenoowagwan, kuhya kabezindoosenoowagwan, uhpe ewede oonje‐mahjahyag, puhpuhwesittaneyook ewh weyuggussa chedebahjemindwah ewh azhewabezewaud. Kagate kedenenim, puhbanug tahdoodahjegahda Sodom gamuh Gomorrah uhpe tabahkoonega‐kezheguk, dush ween ewh oodanah.
12Keühnesahgahahmoog, kuhya kebahbahkuhgequawug cheäunwanindezoowaud egewh enenewug.
13Oogesahgeche‐wabenahwaun dush nebewah mujje‐muhnedoon, kuhya oogesegenuhmahwahwaun nebewah ayahkoozenejin ewh pemeda, medush kenoojemooahwaud.
14Herod dush owh keche‐oogemah kenoondahga azhewabezid owh Jesus: (kekekandahgwud muh oodezhenekahzoowin;) oo‐oo dush keëkedood, Owh John Baptizoowa‐wenene neboowining keoonjeoonishkah, mesuh wanje‐keche‐mahmaunduh‐uhnookeed.
15Ahnind dush keëkedoowug, Elias suh ahwe; menuhwah dush ahnind keëkedoowug, Aunwahjega‐wenene suh ahwe gamuh nahsaub pazhik egewh aunwahjega‐wenewug.
16Uhpe dush owh Herod kahnoondahgad, oo‐oo keëkedood, Mesuh wah‐owh John, kahkeeshkequazhewug: mesuh neboowining keöonjeöonishkaud.
17Ween muh goo Herod keähnookebun chetuhkoonemind enewh Johnun, kuhya cheminjemahpenemind emuh kebahquahoode‐weguhmigoong, enewh Herodiasun oonje wejekewaün Philip oowedegamahgunene: ween muh kewedegamahgoobun.
18John muh keënahgoobun enewh Herodun, Kahween oonesheshinsenoon cheähyahwud oowedegamahgunun owh kejekewa.
19Medush owh Herodias kesheenganemaud enewh Johnun, keënandum dush wenesaud; kah dush oogekushketooseen:
20Owh muh Herod koosahgoobun enewh Johnun, kekanemaud quuhyuk‐ezhewabezenid kuhya menoo‐ahnuhmeähnid, oogeguhnuhwanemaun dush; uhpe dush kahnoonduhwaud, nebewah gagoo keëzhechega, oogemenootahwaun dush.
21Uhpe dush keoojechesanig Herod oonegewine‐kezhegud, oogeoozhetoowaun ewh keche‐wekoongawin enewh oodoogemahmun, kuhya menesenoo‐oogemaun, kuhya kuhkenuh kache‐negaunandahgoozenejin emuh Galileeïng.
22Uhpe dush oodahnissun owh Herodias kahpeendegad, kahnemid dush, kuhya kemenwanduhmeäud enewh Herodun kuhya enewh wahduhbemegoojin, owh keche‐oogemah oo‐oo ogeënaun enewh equazansun, Nundooduhmooweshin wagoodoogwan wahahyahmoowunan, kegahmeenin dush.
23Oogemushkahwe‐wahweenduhmahwaun dush, Wagoodoogwan nandooduhmoowewunan, kegahmeenin, pooch ahbetah nindoogemahwewin.
24Kesahgahum dush equazanse, oo‐oo dush oogeënaun enewh oogeen, Wagoonan kanundooduhmaun? Oo‐oo dush oogeëgoon, Ooshtequaun owh John Baptizoowa‐wenene.
25Kazhetena dush keche‐waweeb kepeendega emuh ahyahnid enewh keche‐oogemaun, oogenundoodahmoowaun, oo‐oo keënaud, Nenunduhwandum bahbega chemeezheyun ooshtequaun owh John Baptizooewa‐wenene emuh keche-oonahguning.
26Kekeche‐kushkandum dush owh keche‐oogemah; oomushkahwahweenduhmahgawin oonje, kuhya enewh kahweeduhbemegoojin, kahween keënanduhse cheähgoonwatahwaud.
27Kazhetena dush owh keche‐oogemah oogeähnoonaun enewh shemahguneshun, keënahkoonega dush chepeetuhwind ooshtequaunene; medush kemahjaud owh kahahnoonind, oogekeeshkegwazhemaun dush enewh emuh kebahquahoode‐weguhmigoong.
28Oogepeetoon dush ooshtequaunene emuh keche‐oonahguning, oogemeenaun dush enewh equazansun; kuhya owh equazanse oogemeenaun enewh oogeen.
29Kuhya dush ookekenooahmahgunun uhpe nwaunduhmenid kepeëzhahwun, kemahmoowaud ewh ooweyowene, keähtoowaud dush emuh chebaguhmigoong.
30Kepemahwunjeëdewug egewh apostleüg emuh ahyahnid enewh Jesusun, oogedebahjemootahwahwaun dush kuhkenuh kahezhechegawahgoobunan, kuhya kahezhekekenooahmahgawahgoobunan.
31Oo‐oo dush oogeënaun, Umba ezhahdah emuh buhgwuhduhkuhmig chenezhekawezeyung, nahkoowa dush aunwabeyook: kebahtuheënewug muh egewh pahezhahjig kuhya egewh mahyahjahjig, kah dush kekushkeoosewug kuhnuhga chewesenewaud.
32Keëzhahwug dush emuh akoo‐buhgwuhduhkumegaug, nahbequaun kahahyoowaud, kenezhekawezewug dush.
33Ahnishenahbag dush oogewahbuhmahwaun chemahjahnid, nebewah dush oogenesittahwenahgoon, kekewetah‐zhegahmawaud kuhkenuh emuh ooyoodanahwung kahoonjeejig, kemahwunje‐ahputtoowug dush ewede, netum dush ketuhgwishenoog, kuhya oogepenaunzekahwahwaun enewh Jesusun.
34Jesus dush uhpe kahkuhbaud, kahwahbuhmaud dush keche‐nebewah ahnishenahban, oogeketemahganemaun, debishkoo muh mahnishtahnishug wamahnishtahnishe‐wenenemesegoog keëzheähyahwug: oogemahje‐kekenooahmoowaun dush nebewah gagoo.
35Uhpe dush weöonahgooshig oogepenaunzekahgoon enewh ookekenooahmahgunun, oo‐oo dush keëkedoonid, Buhgwuhduhkummegah suh oomuh, ahzhe dush oonahgooshemahgud.
36Mahjenauzhahwe cheëzhahwaud emuh uhkeeng kuhya emuh oodanaunsing kewetuhyeëe, chekishpenuhtuh-mahdezoowaud bahquazhegun, kah muh gagoo oodahyaunsenahwah kameejewaud.
37Oogenuhquatuhwaun dush, oo‐oo keënaud, Kenuhwah ahshummik. Oo‐oo dush oogeënahwaun, Ningahmahjahmin nuh cheähwekeshpenuhtooyaung neswauk shooneaunsun apeetandahgwuk buhquazhegun, cheähshummungidwah?
38Oo‐oo oogeënaun, Ahneen menik buhquazhegunug ayahwagwah? mahjaug ahwe‐nunduhkekanduhmook: uhpe dush kahkekanduhmoowaud, oo‐oo ekedoowug, Nahnun, kuhya neezh gegooyug.
39Oogeënaun dush chenuhmuhduhbeähnid emuh mezhushkookahnig
40Medush kenahnebedabewaud kenaningoodwauk duhsoobewaud, kuhya kenanahnemeduhnahwawaud.
41Oogeoodahpenaun dush enewh nahnun buhquazhegunun, kuhya enewh neezh gegooyun, kezhegoong dush keënahbid kemahmooyahwad, kuhya dush kebuhquabenaud enewh buhquazhegunun, keënenuhmoowaud enewh ookekenooähmahgunun, chemeenahnid enewh ahnishenahban; kuhya dush enewh neezh gegooyun, kuhkenuh oogemahdahoonaun.
42Kuhkenuh dush kewesenewug, kuhya ketabeseneähwug.
43Oogeoodahpenahnahwah dush enewh eshquunjegunun metahswe‐ahshe neezhoo‐kookoobenahgunun mooshkin, kuhya enewh gegooyun.
44Koonemah nahnun metauswauk keduhchegwahpun egewh enenewug kahaumwahjig enewh buhquazhegunun.
45Bahbega oogekahgaunzoomaun enewh ookekenooähmahgunun ketwa chepoozenid emuh nahbequauning, kuhya negaun cheähzhahwaoöwaud ewede ahgahming Bethsaida, apeech mahjenahzhahwaud enewh ahnishenahban.
46Uhpe dush kahmahjenahzhahwaud enewh, keëzhah emuh wahjewing weähnuhmeäud.
47Uhpe dush kahoonahgooshig, nahwuhgaum keähgwinda ewh nahbequaun, ween dush emuh uhkeeng keduhzhe‐nezhekaweze.
48Oogewahbuhmaun dush keche‐anegook ahshab-ooyanid; (keöonjishkahwahnemudene gooshah:) ahyahbetah‐tebekuk oopenaunzekahwaun, oogedebeeg bemoosad, oodahgepemekuhbekahwaun dush.
49Uhpe dush wuhyahbuhmahwaud bemoosanid emuh oogedebeeg, cheby oogeühyenanemahwaun, keähyahshequawug dush:
50Kuhkenuh muh oogewahbuhmahwaun, kemegooshkahje‐ahyahwug dush. Bahbega oogeguhnoonaun, oo‐oo dush oodenaun, Soongedaäyook: neen suh nindow; kagoo sagezekagoon.
51Oogepenaunzekahwaun dush emuh nahbequauning; kepoonahnemud edush: ahpeche dush kekeche‐mahmahkahdanduhmoon.
52Kah muh oogenahnahgahdahwanemahsewaun enewh buhquazhegunun; kemushkahwedaäähwug gooshah.
53Uhpe dush kahahzhahwuhoowaud, ketuhgwishenoog emuh Genezareth aduhming uhkee, keähgwahyahshewug dush.
54Uhpe dush kahkuhbahwaud, kazhetena oogenesittahwenegoon enewh ahnishenahban,
55Keähputtoowug dush emuh anegookookummegaug ewh uhkee, kemahje‐pemewenahwaud enewh ayahkoosenejin emuh nebahgunening, oogeëzheweduhmahwahwaun, kenoonduhmoowaud emuh ayahnegwan.
56Tebe dush anepeendegagwan, emuh oodanaunsing, gamuh keche‐oodanaung, gamuh duhnuhkeewining, oogeähsahwaun enewh ayahkoosenejin emuh mahyahwekunah, kepahgoosanemahwaud dush kuhnuhga chetaungenahmahgood ewh eshquayegudenig oopuhpensekoowahgun: kuhkenuh dush kahtaungenahjig kenoojemooähwug.
Currently Selected:
ST. MARK 6: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
