St Matthew 6
6
1Aungwahmezeyook chezhechegasewag enewh kemenoo‐ezhechegawinewah enahsuhmeähyahwaud enenewug, ewh chewahbuhmenagwah, keshpin oo‐oo azhechegayag kahween kegahshahwanemegoosewah owh Koosewah keche‐kezhegoong ayaud.
2Uhpe dush keen mahgewayunin, kagoo ween ahnookeekan chenegaune‐muhtwawatoong ewh pootahjegun, azhechegawaud ween goo egewh anuhmeäkahzoojig, emuh oodahnuhmeä‐weguhmegoowaung kuhya emuh oomeekunahwaung, cheöonjekechetwahwanemegoowaud enewh enenewun: Kagate kedenenim ahzhe ketakezhekuhwahwug.
3Uhpe dush keen mahgewayunin keshahwanjega-meegewawenun, kahween ewh kenuhmunjenik oogahkekanduhseen ewh azhechegamahguk kekechenik.
4Chekemooduk enewh kemeegewawenun, owh dush Koos kemoodezewin wuhyahbundung, ween suh kegahtebahahmauk.
5Uhpe dush anuhmeähyunin, kagoo ween ezheähyahkan ewh azheähyahwaud egewh anuhmeäkahzoojig, oomenwandahnahwah muh nebahwewaud emuh ahnuhmeä-weguhmegoong kuhya emuh nuhneengeduhwuhmook enewh meekunun cheduhzhe‐ahnuhmeähwaud, chewahbuhmegoowaud enewh enenewun; Kagate kedenenim, ahzhe ketakezhekahwahwug.
6Keen dush uhpe anuhmeähyunin, peendegan emuh kedahbenahsoowening, uhpe dush kekebahahmun kedesh-quaundam, ahnuhmeatow owh Koos emuh kemoodezewening; owh dush Koos kemoodezewin wuhyahbundung kegahshahwanemik.
7Uhpe anuhmeähyagoon, kagoo ahneshah bahbahpenwakagoon, azhechegawaud ween egewh mayuggezejig; enanduhmoog muh nebewah kekedoowaud ween cheöonjebezindahwindwah.
8Kagoo kenuhwah ezhewabezekagoon ewh azhewabezewaud: ookekandahnun muh owh Koosewah enewh manazeyagoon chepwah nundoodahmahwag.
9Oo‐oo suh goo ezheähnuhmeähyook kenuhwah; Wayoosemegooyun keche‐kezhegoong ayahyun; Tahkecheähpeetandahgwud kedezhenekahzoowin.
10Kedoogemahwewin tahtuhgweshenoomahgud; azhenunduhwanduhmun tahdoodaum oomah uhkeeng, debeshkoo ewede keche‐kezhegoong.
11Meezheshenaum noongoom kezheguk buhquazhegun kaöonjebemahdezeyaung.
12Kuhya wabenuhmahweshenaum kahmuhzenuhah-mahgooyunin, azhewabenuhmoowungedwah egewh mazenuhahmahweyungejig.
13Kagoo ezhewesheshekaunkan emuh kuhgwatebanedewining; Ekooneshenaum atuh emuh mujje‐uhyeëeweshing; Keen mahween kedebandaun oogemahwewin, kuhya mushkahwezewin, kuhya dush ewh wahwezhanduhmoowin, Kahgenig. Amen.
14Keshpin muh wabenuhmuhwagwah egewh enenewug kahezhemujje‐doodoonagwah, kuhya ween dush owh keche‐kezhegoong Koosewah kegahwabenahmahgoowah ewh kahezhemujjedoodahwag.
15Keshpin dush ween wabenuhmahwahsewagwah egewh enenewug kahezhemujje‐doodoonagwah, kah dush ween kegahwabenemahgoosewah Koosewah ewh kahezhemujje‐doodahwag.
16Uhpe dush pakuddaëdezooyagoon, kagoo ween nuhneenuhweengwaëdezookagoon, azhechegawaud egewh anuhmeäkahzoojig: mahnahjengwaëdezoowug muh, pukkuhdaëdezoongin cheëzhenahgoozewaud emuh anahsuhmuhbenid enenewun: Kagate kedenenim, Ahzhe ketakezhekahwahwug.
17Keen dush uhpe pakuddaëdezooyunin, nuhmuhkween kuhya kesebegenquan;
18Kah dush puhkuhdaëdezoongin cheëzhenahgoozesewun anahsuhmewaud egewh enenewug, owh suh atuh Koos keemooj ayaud; Koos edush keemoodezewin wuhyahbundung kegahmenoo‐doodaug.
19Kagoo ahtahmahdezookagoon enewh ahsunjegoowinun oomah uhkeeng, anduhzhe‐ooguhwasewung kuhya ahduhzhe‐ahgwahgwahbekesing, kuhya anduhzhe‐puhgoonabejegawaud egewh kamoodeshkejig kuhya kemoodewaud.
20Keche‐kezhegoong suh ahtahmahdezookagoon enewh ahsunjegoowinun, anduhzhe‐ooguhwasewunsenook kuhya ahduhzhe‐ahgwahgwahbekesing kuhya anduhzhe‐pahgoonabejegasegwah egewh kamoodeshkejig, kemoodesegwah dush:
21Tebe muh atagwan kedahsunjegoowinewah, mesuh emuh kuhya kaähtag kedaëwah.
22Mesuh ewh ooshkenzhegoomah wanjewahsayaug ewh weyowemah: Keshpin suh keshkenzhik kuyundahwezemahguk, kuhkenuh anegookwaug keyow tahwahsayahmahgud.
23Keshpin dush mahkezemahguk ewh keshkenzhik, kuhkenuh anegookwaug keyow tahpuhsugeshkahmahgud. Keshpin dush ewh wahsayahzewin peenjenah keyowing atag puhsuhgeshkaug, kagate keche‐puhsuhgesh‐tebekud!
24Kahween ahweyah ookushketooseen chebuhmeetahwaud neezh tabaninganejin: koonemah suh oogahsheenganemaun pazhik kuhya oogahsahgeäun enewh bakahnezenejin: gamuh suh kuhya oogahmenwanemaun pazhik, kuhya oogahmaunanemaun menuhwah pazhik. Kahween kekushketoosenahwah chebuhmeetuhwag owh Kesha Muhnedoo kuhya owh Mammon.
25Oo‐oo suh dush kedenenim, Gagoo oondummandunkagoon ewh kebemahdezewinewah, wagoodoogwan kameejewagwan, gamuh kamenequawagwan; kuhya keyowewah kaëzhekoonuhyamahgudoogwan; kah nuh ween ewh bemahdezewin ahwahshema enandahgussenoon ewh dush ween mejim, kuhya ewh weyowemah ewh dush ween ahgwewin?
26Guhnuhwahbuhmik egewh kezhegoong duhzhe penasewug: kahween ketegasewug kah kuhya keeshkuzhkezhegasewug, kah kuhya mahwunjechegasewug emuh puhwuhega‐weguhmegoong; owh dush Koosewah keche‐kezhegoong ayaud oodahshummaun enewh; kah nuh kenuhwah ahwahshema kedahpeetandahgoozeseem wenuhwah dush ween?
27Ahwanan owh kenuhwah menik anduhcheyag ahnoo goo oondummandung kakushketood ningoo‐tebahegun ahwahshema cheähpeetezid?
28Wagoonan dush wanjeoondummanduhmag ewh ahgwewin? nahnahgahdahwahbunduhmook enewh mushkootabenebuggoon azhemahjeging; kahween ahnookesewug, kah kuhya pemuhtaëgasewug:
29Neen suh kedenenim, Owh Solomon, ahnoo kekeche‐twahwezid, kahween keëzheöose azhekoonuhyamahguk pazhik oonoo.
30Keshpin dush owh Kesha Muhnedoo oo‐oo azhekoon-uhyawetood enewh mezhushkoon emuh ketegauning noongoom kezheguk ayaungin, kuhya wahbung kaähpuggejegahdagin emuh buhquazkegunekauning, kah nuh ween ahwahshema kegahahgweëgoosewah, Oh kenuhwah ahgahwah tuhyabwayanduhmag?
31Kagoo dush oondummandunkagoon, oo‐oo cheëkedooyag, Wagoonan kameejeyung? gamuh, Wagoonan kamenequayung? gamuh wagoonan kaähgweyung?
32Me mah kuhkenuh oonoo azhenunduhwanduhmoowaud egewh mayuggezejig: kekekanemegoowah suh ween owh keche‐kezhegoong kedenduhzhe‐Koosewah muhnazeyag kuhkenuh oonoo.
33Netum suh nundoonaühmook ewh oodoogemahwewin owh Kesha Muhnedoo, kuhya ewh quuhyuk oodezhewabezewin; kuhkenuh dush oonoo kegahduhgoo‐menegoom.
34Kagoo suh dush oondummandunkagoon ewh wahbung: tahnahnahgahdahwanduhmahdezoomahgud gooshah ewh wahbung wahtabezemahguk; tabesamahgud anduhsoo‐kezheguk maje‐uhyeëeweshewung.
Currently Selected:
St Matthew 6: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
