St Matthew 5
5
1Kuhya wuhyahbuhmaud enewh mahyahmahwenoonejin, keöogedahkewa: uhpe dush kahnuhmuhduhbid, oogepenahzekahgoon enewh ookekenooahmahgunun.
2Kemahje‐kekedoo, kekuhgekemaud, keëkedoo.
3Shahwandahgoozewug egewh katemahganemoojig, me muh egewh waduhyeemejig ewh keche‐kezhegoong duhzhe oogemahwewin.
4Shahwandahgoozewug suh egewh naneenuhwanemoojig, tahmenoodaähwug muh.
5Shahwandahgoozewug egewh nwahkahdezejig, oogahtebandahnahwah muh ewh uhkee.
6Shahwandahgoozewug egewh nwaundaskahdanoondungig, kuhya kauskahbahgwanoondungig ewh quuhyuk ezhewabezewin, me muh egewh katabeseneïndjig.
7Shahwandahgoozewug egewh shawanjegajig, tahshahwanemahwug muh.
8Shahwandahgoozewug egewh pahnedaäjig, oogahwahbuhmahwaun muh enewh Kesha Muhnedoon.
9Shahwandahgoozewug egewh wazhetoojig ewh poonanindewin, oonejahnesun muh owh Kesha Muhnedoo tahezhenekahnahwug.
10Shahwandahgoozewug egewh menooëzhewabezewin wanjekootuggeïnjig; Me muh egewh dabandungig kechekezhegoong duhzhe oogemahwewin.
11Keshahwandahgoozeem suh uhpe nashwahnahzoomenagwah kuhya quaduggeënagwah egewh enenewug, kuhya ahnooj majeduhzhemenagwah kuhkenuhwishkewaud, neen oonje.
12Oonahnegoozeyook kuhya keche‐moojeganduhmooyook, keche‐enandahgwud muh ewh ketebahuhmahgoowinewah ewede keche‐kezhegoong; Me muh ewh kahezhekooduggeähwaud enewh aunwahjega‐wenenewun kahbemahdezenejin chepwah kenuhwah bemahdezeyag.
13Kenuhwah kedooshewetahgunemegoonahwah ewh uhkee: kishpin dush ween ishquah‐shewung ewh shewetahgun wagoonan kaöonjeshewungebun? Kah kayahbe ningood enahbuttuhsenoon, ewh atuh chesahgejewabenegahdag, kuhya chetuhkuhkahduhmoowaud egewh enenewug.
14Kenuhwah suh kedahwem uhkeeng duhzhe wahsayahzewin: oodanah oogedahjewh ahchegahdag kahween tahkahjegahdasenoon.
15Kah suh ween kuhya egewh enenewug oodoonjesuhkuhunsenahwah ewh wahsuhkoonanjegun emuh ahnaum tebahegun cheähtoowaud, emuh suh wahsuhkoonanjegun-ahtekoong, oowahsuhkoonaöogoonahwah dush kuhkenuh emuh wegewauming ayahjig.
16Mahnoo suh ewh kewahsayahzewenewah tahezhewahsayahmahgud enahsuhme‐ahyahwaud egewh enenewug, chewahbunduhmoowaud enewh kemenoo‐ezhechegawenewaun, chepeshegandahgooähwaud dush Koosewah kechekezhegoong ayaud.
17Kagoo enanemeshekagoon chebahnahjetooyaun ewh tebahkoonegawin gamuh enewh aunwahjegawenun chepeöonjeëzhahyaun; kahween chebahnahjetooyaun nepeöonjeëzhahse, chetebishkoosetooyaun suh atuh.
18Kagate suh kedenenim, peenish egoo kemahjahmahguk ewh kezhik kuhya ewh uhkee, kahween kuhnuhga pazhik I gamuh pazhik chuhgebeëgunans tahmahjahmahgussenoon tebahkoonegawining oonje chepwah kuhkenuh ketebishkoosag.
19Ahwagwan dush kabahnahjetoogwan oonoo agahsingin enahkoonegawinun, ewh dush ezhekekenooähmahwaud enewh enenewun, ahpeche noondaush apeetandahgoozid tahezhenekahzoo emuh keche‐kezhegoong oogemahwewening: ahwagwan dush kadezhechegagwan kuhya kadezhekekenooähmahgagwan, kache ahpeetandahgoozid tahezhenekahzoo emuh keche‐kezhegoong oogemahwewening.
20Neen suh kedenenim, kishpin ahwahshema enandahgoosenook ewh quuhyuk kedezhewabezewenewah anandahgwudenig ween quuhyuk oodezhewabezewenewaun egewh oozhebeëga‐wenenewug kuhya egewh Phariseeg, kah bahbahbesh kegahpeendegaseem emuh keche‐kezhegoong oogemahwewening.
21Kegenoondaum suh kahezhekuhgaunzoomindwah egewh kuhyet kahbemahdezejig, Kahween kegahneeshewase, ahwagwan dush kaneshewagwan tahenenandahgooze chetebahkoonind.
22Neen dush ween kedenenim, Ahwagwan penesekah nashkanemahgwan enewh wejekewaün tahenandahgooze chetebahkoonind: ahwagwan dush kaënahgwan enewh wekahnesun, Raca, tahenandahgooze cheëzhewenind emuh anduhzhe‐kekedoong: ahwagwan dush kaëkedoogwan, Kekuhkebahdiz, tahenanduhgooze cheähpuggenind emuh mujje‐iskootang.
23Kishpin dush peëzhewetooyun ewh kemeegewawin emuh sahsahgewejegun‐ahbikoong, mequanduhmun dush emuh, ningoodenoo enanemik owh kejekewa.
24Nuhguhdun ewh kemeegewawin emuh enuhsuhme sahsahgewejegun‐ahbekoong, mahjaun dush, netum wekoojetoon chepoonanemik kejekewa, me dush ewh uhpe chepemeegewayun ewh kemeegewawin.
25Kazhetena kahgeezoom owh ezhewenik emuh tebahkoonegawining magwah emuh meekunaung pemewejewud, koonemah gooshah owh azhewenik oogahpuggedenuhmahwaun ewh keyowh enewh tebahkoonega‐wenenewun, kuhya dush owh tebahkoonega‐wenene oogahpuggedenahmahwaun ewh keyow enewh tuhkoonewa‐wenenewun, kegahahpuggenegoodush emuh kebahquahoode‐weguhmegoong.
26Kagate suh kedenin, Kah kuhnuhga ewede kegahpeöonje‐sahgahunse, bahmah atuh kekezhekuhmun kuhkenah menik mazenuhegayun.
27Kegenoondaum kahezhekahgaunzoomindwah egewh kuhyet kahbemahdezejig, Kahween kegahpezhigwahdezese.
28Neen dush ween kedenenim, Ahwagwan kaguhnuhwahbuhmahgwan enewh equawun wewepamaud, ahzhe kepezhigwahdeze emuh oodaïng.
29Kishpin ewh kekecheshkinzhek mujje‐doodahgooyun, kejepetoon ningooje dush ahpuggedun, nahwuj muh kegahtabez pazhik ewh keshkinzhek bahnahduk; kah dush ween anegookwaug ewh keyowh cheahpuhgejegahdasenook emuh mujje‐ishkootang.
30Kishpin dush ewh kekecheneenj mujje‐doodahgooyun keshkezhun ningooje dush ahpuggedun, nahwuj muh kegahtabez, pazhik bahnahduk kepuhkawezewin, kah dush anegookwaug ewh keyowh chemahjahmahgussenook emuh mujje‐ishkootang.
31Oo‐oo suh keëkedoom, Ahwagwan kawabenahgwan enewh wewun, oogahmeenaun ewh wabenedewene‐muzzeneëgun.
32Neen dush ween kedenenim, Ahwagwan kawabenahgwan enewh wewun pwah‐pezhigwahdezenid, oodezheäun chepezhegwahdezenid: Ahwagwan dush kawedegamahgwan enewh kahwabenemenjin, pezhigwahdeze.
33Menuhwah, kegenoondaum kahezhekuhgaunzoomindwah egewh kuhyet kahbemahdezejig, Kagoo kuhkenewishkekan uhpe kemushkahwe‐kekedooyunin; kegahdoodahwah suh owh Kesha‐Muhnedoo ewh kahwahweendahmahgayun.
34Neen dush ween kedenenim, Kagoo kuhnuhga mushkahwe‐kekedookan chetuhgoo‐weenduhmun ewh keezhik, me suh ewh oodoogemah‐wuhbewin owh Kesha‐Muhnedoo.
35Kah kuhya ewh uhkee, me muh ween ewh ootuhkookahjegun; Kah kuhya ewh Jerusalem, me muh ween oodoodanowh owh Keche‐oogemah.
36Kah kuhya kegahtuhgoo‐wahweenduhseen ewh keshtequaun, kah muh kekushketooseen pazhik menesis chewahbishkahbegetooyun, gamuh chemuhkuhda‐wahbegetooyun.
37Ooöo suh tahenandahgwud keguhnoonindewenewah, Aahe, Aahe, Kah, Kah; Keshpin nahwuj mushkahwe-kekedooyag oonoo ween, Mujje‐muhnedoong oonjeemahgud.
38Kegenoondaum oo‐oo keëkedoong, Ooshkenzhegoomah mashquaud ooshkenzhegoomah kuhya webitemah mashquaud webitemah.
39Neen dush ween kedenenim, Kagoo nahnahkoonunkagoon ewh mujje‐uhyeëewesh, ahwagwan suh kapuhkedaoonoogwan emuh kekechenoowaung, quakenuhmowh ewh ahzhahwuhyeëe.
40Keshpin dush ahweyah weëzhewenik emuh tebahkoonegawining chemuhkuhmik ewh kebuhpesekahwahgun, meezh suh kuhya kekechepesekahwahgun.
41Ahwagwan kawekoojeweenenoowagwan ningootebahbaun cheweejewud, mahnoo neezhoo‐tebahbaun ezheweejewh.
42Meezh suh owh nandoodahmook; owh dush wahahtahwahmik shooneyah, gagoo agoonwatahwahkan.
43Kegenoondaum ewh kahekedoong, Kegahsahgeäh owh keweejduhnuhkeewamahgun, kegahsheenganemah dush owh shaunganemik.
44Neen dush ween kedenenim, Sahgeïk egewh shaunganemenagoog kuhya menoo‐guhnoonik egewh maje‐guhnoonagoog; menoo‐doodahwik egewh shaunganemenagoog kuhya ahnuhmeätuhmahwik egewh majeduhzhemenagoog kuhya egewh quatuhgeënagoog.
45Me dush nuh cheöogwissemenag owh Koosewah keche‐kezhegoong ayaud; oodezheäun muh enewh ookezisoomun chemookesanid emuh ahyahnid enewh maje‐ezhewabezenejin kuhya enewh manoo‐ezhewabezenejin, kuhya ookemeewunetuhmahwaun enewh quuhyuk‐azhewabezenejin kuhya quuhyuk‐azhewabezesenegoon.
46Keshpin muh sahgeägwah egewh suhyahgeënenagoog, wagoonan kaöondezeyag; kahnuh‐ween nahsaub ezhechegasewug egewh mahwunjechega‐wenenewug?
47Keshpin dush kuhya atuh ahnahmekahwagwah egewh kejekewaëwaug, wagoonan kenuhwah ahwahshema azhechegayag? kahnuh ween nahsaub ezhechegasewug egewh mahwunjechega‐wenenewug?
48Wahweengazeyook azhewahweengazid owh Koosewah keche‐kezhegoong ayaud.
Currently Selected:
St Matthew 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
