St Matthew 24
24
1Jesus dush kesahgahum, kenuhguhdung dush ewh keche‐ahnuhmeä‐weguhmig: oogepewahbundahegoon dush enewh ookekenooahmahgunun enewh keche‐ahnuhmeä‐weguhmigoong duhzhe wahkahegunun.
2Jesus dush oogenuhquatuhwaun, oo‐oo keënaud, Kah nuh ween kewahbunduhsenahwah kuhkenuh oonoo? kagate kedenenim, Kahween kuhnuhga pazhik ahsin tahoogedahbikesinsenoon, kuhkenuh suh goo tahneswabenegahdawun.
3Magwah nuhmuhduhbid emuh wahjewing ewh Olives, oogepenaunzekahgoon enewh ookekenooahmahgunun anduhzhe‐nezhekawezid, oo‐oo keëkedoonid, Weenduhmooweshenaum, ahneen uhpe oonoo kaëzhewabuk? ahneen dush kaëzhekekenoowahjechegunewung uhpe wepetuhgwishenun, kuhya weëshquah‐uhkeewung?
4Jesus dush oogenuhquatuhwaun, oo‐oo, keënaud, Aungwahmezeyook suh ahweyah chewuhyazhemegoosenoowag.
5Nebewah muh tahpeëzhahwug emuh nindezhenekahzoowining, oo‐oo cheëkedoowaud, Neen nindowh owh Christ; oogahwuhyazhemahwaun dush nebewah.
6Kegahnoondaum suh ewh megahding kuhya muhtwamegahding; aungwahmezeyook, kagoo megooshkahdandunkagoon: nundahwandahgwud muh kuhkenuh chetebishkoosag, kah dush muhshe wuhyaquahsasenoon.
7Tahnundoobunekundahdewug muh egewh papuhkaun azheweenzoojig kuhya papuhkaun oogemahwewinun; tahpuhkuddakummegah, kuhya tamahnahdahpenakummegah, kuhya menze tahchahcheengwakummegah.
8Mesuh kuhkenuh oonoo kaëzhemahje‐kootuggandahgwuk.
9Me dush uhpe kapuggedenenagwah chekooduggeëgooyag, kuhya kegahnesegoowaug: kegahsheenganemegoowaug dush kuhkenuh ahnooj azheweenzoojig ahneshenahbag nindezhenekahzoowin oonje.
10Medush uhpe nebewah kaöosittahwanduhmoowaud, kuhya kabahtahedewaud, kuhya kasheenganindewaud.
11Nebewah dush wuhyazhenga‐aunwahjega‐wenenewug tahpenahgoozewug, oogahwuhyazhemahwaun dush nebewah bamahdezenejin.
12Bahteënuk dush ewh mujje‐uhyeëwesh, tahoonjetuhkesenene oosahgeëwawinewah nebewah.
13Owh dush kaäungwahmezid peenish eshquah‐ahyaug oonoo uhyeëen, mesuh owh kabemahjeïnd.
14Kuhya dush maunduh oogemahwewine‐minwahjemoowin tahwahweenjegahda anegookookummegaug uhkee chedebahjemootahwindwah kuhkenuh ahnooj azheweenzoojig ahneshenahbag; medush ewh uhpe chewuhyaquahkummeguk.
15Uhpe dush kewahbunduhmag ewh kagwahnesuggandahgwuk nishwahnahdezewin, kahedung owh Daniel aunwahjega‐wenene, nebahwemahguk emuh kachetwahwandahgwuk, (ahwagwan aginduhmoogwan mahnoo oogahnesittootaun):
16Me ewh uhpe egewh emuh Judeäïng kaähyahjig emuh wahjewing tahezhenezhemoowug.
17Ahwagwan dush oogedeguhmig ayahgwan kahween tahnesaunduhwase chenahteed enewh ooduhyeemun emuh wegewauming atanegin:
18Kuhya dush owh emuh ketegauning ayaud kahween tahpeskahbese chemahmood oopuhpesekoowahgun.
19Tahketemahgezewug egewh ayahwahjig enewh ahbenoojeün, kuhya egewh kanoonahwuhsoojig, uhpe ewh kekezheguk!
20Ahnnhmeähyook, cheöozhemoosewag magwah pepoong, gamuh magwah aunwabe‐kezheguk:
21Me suh ewh uhpe kakeche‐oojahnemandahgwuk, kah wekah nahsaub keëzhewabussenoon pahahkoomahje‐uhkeewung nahnauzh egoo noongoom, kah kuhya wekah tahezhewabussenoon.
22Kishpin suh tahkwahchegahdasenoog oonoo kezhegudoon, kah kuhnuhga ahweyah bamahdezid tahgebemahjeähse; egewh dush kagegenindjig tahoonjetahkwahchegahdanoon.
23Ewh uhpe kishpin ahweyah oo‐oo enenag, Benuh, oomah ahyah owh Christ, gamuh ewede; kagoo dabwatunkagoon.
24Tahpenahgoozewug wuhyahzhinga‐Christug, kuhya wuhyazhinga‐aunwahjega‐wenenewug, chewahbundahewawaud enewh keche‐kekenoowahjechegunun, kuhya enewh mahmaundahwejegunun; kagah suh chetawuhyazhemahwaud enewh kagegenindjin, kishpin suh enandahgoozenid chewuhyazhememind.
25Benuh, kezhah kegeweenduhmoonim.
26Kishpin dush oo‐oo enenagwah, Benuh, ewede buhgwuhduhkummig ahyah; kagoo suh sahgahunkagoon; benuh, emuh keemoodezewining ahyah; kagoo ween tabwatunkagoon.
27Debishkoo muh ewh ahnemekee‐wahwahsuhmoowin wahbunoong peoonjebahmahguk, uhneëzhesuhgahtag nahnauzh ewede ninguhpaünnoong; mesuh nahsaub kaëzhewabuk uhpe tagwishing owh Enene oogwissun.
28Tebe muh atagwan ewh weyow, mesuh emuh kamahoonjeëdewaud egewh megezewug.
29Bahbega dush keëshquah‐oojahnemekummeguk uhpe oonoo kezhegudoon, tahtebekahbuhmenahgooze owh kezheke‐kezis, owh dush tebike‐kezis kahween tahwahsayahzese, egewh ahnungoog kezhegoong tahoonjepungeshenoog, kuhya enewh kezhegoong duhzhe‐mushkahwezewinun tahnuhningishkahmahgudoon.
30Medush ewh uhpe chewahbunduhmoowaud ookekenoowahjechegun Enene oogwissun ewede kezhegoong; chenuhneenahwanduhmoowaud kuhkenuh egewh ahnooj azheweenzoojig oomah uhkeeng, oogahwahbuhmahwaun dush enewh Enene oogwissun peëzhahnid emuh kezhegoong duhzhe‐ahnuhquuhdoong pegegezenid dush kushkeäwezewin kuhya keche‐peshegandahgoozewin.
31Oogahahnoonaun dush enewh oodangenemun, chekezhewawatoonid ewh pootahjegun, kuhya emuh newing enuhkuhkayah wandahnemuk oogahoonjemahwundoonahwaun enewh gagegeninjin anegookwaug ewh kezhik.
32Emuh ewh figoomenahgahwunzheeng oonjekekanduhmook ewh ahwajegun; uhpe ahzhe kenookahmahgukin ewh ootikwaunun, kuhya suhyahgebuggezejin, kekekandahnahwah ewh gagah zhuhyegwah wemenookummig:
33Mesuh dush kuhya kenuhwah, uhpe kewahbunduhmag oonoo kuhkenuh, kekanduhmook suh ewh chepashoowuk, ahzhe suh goo emuh chegeshquaund peähyahmahguk.
34Kagate kedenenim, kahween tahtachahgenasewug oogoo noongoom bamahdezejig, nahnauzh egoo kuhkenuh oonoo ketebishkoosag.
35Taheshquahsamahgud ewh kezhik kuhya ewh uhkee, neen atuh nindekedoowinun kahween taheshquahsasenoon.
36Uhpe dush ween goo ewh chekezheguk kuhya kaähpeeche‐kezheguk kahween ahweyah ookekanduhseen, kah kuhnuhga egewh keche‐kezhegoong duhzhe‐angenug, owh atuh Noos.
37Kahezhewabuk enewh ookezhegudoomun owh Noah, me nahsaub kaëzhewabuk uhpe petuhgwishing owh Enene oogwissun.
38Kahezhewabezewaud muh chepwah mooshkuhung uhkee, kewesenewaud kuhya kemenequawaud, kewewewaud kuhya kewewemindwah, peenish egoo ewh kezheguk uhpe kepeendegad owh Noah emuh nahbequauning,
39Kahween dush oogekekanduhsenahwah nahnauzh egoo puhgummeshkahgoowaud ewh mooshkuhummoowin kemahjewenegoowaud edush kuhkenuh; mesuh nahsaub kaëzhewabuk uhpe petuhgwishing owh Enene oogwissun.
40Ewh dush uhpe neezh emuh ketegauning tahahyahwug; pazhik tahmahjewejegahzoo, menuhwah dush pazhik tahishkoonah.
41Neezh equawug tahduhzhe‐peseboojegawug emuh peseboojeguning; pazhik tahmahjewenah, menuhwah dush pazhik tahishkoonah.
42Ahkahwahbeyook suh dush: kah muh kekekanduhsenahwah ewh apeeche‐kezheguk petuhgwishing owh Tabanemenag.
43Oo‐oo kekandahmook, keshpin owh wawegewaumid kekekandungebun apeech‐tebekuk wetuhgweshingebun owh kamoodishkid, tahgeähkahwahbe, kah dush oodahgepuggedenunseen ewh oowegewaumun chegepegoobejegahdanig.
44Ahneesh kuhya kenuhwah moonzhug kezhetahyook: uhpe muh nanduhwanduhsewag chetuhgwishing tahtuhgwishin Enene oogwissun.
45Ahwanan owh ayaungwahmezid kuhya nabwahkaud buhmeetahgun, kahmeenegood enewh oodoogemahmun cheoogemahkundahwaud enewh oobuhmeetahgunene, cheähshummaud uhpe tebishkoosanegin?
46Shahwandahgooze suh owh buhmeetahgun, uhpe petuhgwishing oodoogemahmun kamekahgood ewh cheëzhechegad.
47Kagate kedenenim, Oogahmeenegoon enewh cheoogemahkundung kuhkenuh ooduhyeemene.
48Keshpin dush owh majeëzhewabezid buhmeetahgun oo‐oo ekedood emuh oodaïng, Keche‐wekah tahtuhgwishin owh nindoogemaum;
49Mahje‐pukketawaud dush enewh weejbuhmeetahgunun, kuhya wedoopuhmaud kuhya weej‐menequamaud enewh ashquabeshkenejin;
50Tahpetuhgwishinoon enewh oodoogemahmun owh buhmeetahgun ewh uhpe kezheguk nanduhwanemahsig kuhya apeeche‐kezheguk kakanduhsig.
51Chetaushkekahegood dush, kuhya cheähpuggenegood emuh ahyahnid enewh anuhmeäkahzoonejin: medush emuh kaduhzhe‐mahwing kuhya kaduhzhe‐muhmahtwayahbetasang.
Currently Selected:
St Matthew 24: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
