St Matthew 23
23
1Medush ewh uhpe Jesus keguhnoonaud enewh waqueenoonejin, kuhya enewh ookekenooähmahgunun,
2Oo‐oo keëkedood, Egewh oozhebeëga‐wenenewug kuhya egewh Phariseeg nuhmuhduhbewug emuh Moses oopuhbewining:
3Kuhkenuh dush anenagwah cheguhnuhwanduhmag guhnuhwanduhmook kuhya ezhechegayook; oodezhechegawinewaun suh atuh kagoo ezhechegakagoon: kekedoowug muh, kahween ezhechegasewug.
4Ootahkoobetoonahwah muh mewunekaunun kache-koosegwungin kuhya sanuggukkin chepemoonduhming, pemewunaähwaud dush enewh enenewun, wenuhwah dush ween kah kuhnuhga ooneenjewaung enanduhsewug cheoombenuhmoowaud.
5Chewahbuhmegoowaud enewh enenewun wanje-enuhnookeewaud kuhkenuh oodahnookewinewaun; oomechewessetoonahwah oophylacterymewaun, kuhya oomechahwesetoonahwah ewh azhetuhtebegwahdanig enewh oopuhpensekahwahgunewaun,
6Oosahgetoonahwah enewh negaunuhbewinun uhpe wahkoondingin, kuhya enewh kechetwahwuhbewinun emuh ahnuhmeä‐weguhmigoong,
7Kuhya uhnuhmekahgoowinun emuh ahtaundewining, kuhya Rabbi, Rabbi, cheëzhewenegoowaud enewh enenewun.
8Kahween kenuhwah Rabbi, kegahezhewenegooseem: Pazhigoo muh kekekenooahmahga‐wenenemewah, medush owh Christ; kuhkenuh dush kenuhwah kedoowejekewaïndeem.
9Kagoo kuhya Noosa ezheweenahkagoon ahweyah oomah uhkeeng: pazhigoo muh koosewah, mesuh owh keche‐kezhegoong ayaud,
10Kah dush kegahezhewenegooseem, suhyahbegenega-weneneweyun: Pazhigoo muh kesahbegenega‐wenenemewah, mesuh owh Christ.
11Ahwagwan dush kenuhwah anduhcheyag kache-ahpetandahgoozegwan, mesuh owh kaoobuhmeetahguneyag.
12Ahwagwan dush kakechetwahwanindezoogwan tahdahbussandahgoozeäh; ahwagwan dush kadahbussanindezoogwan tahkechetwahwandahgooäh.
13Kekuhgwahnesuggezeem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kekebahquahahmahwahwaug muh egewh enenewug ewh keche‐kezhegoong duhzhe oogemahwewin; kah muh kepeendegaseem kenuhwah, kah dush kepuggedenuhmah-wahsewaug egewh wahpeendegajig chepeendegawaud.
14Kekuhgwahnesuggandahgooseem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kekedaumahwahwaug muh enewh oowegewahmewaun egewh shagahwejig, ahneshah dush kenooazh keduhnemetahgoozeem uhpe anuhmeähyagoon: mesuh ahwahshema kaöonjekuhgwahnesugge‐nahneboomegooyag.
15Kekuhgwahnesuggandahgoozeem kenuhwah, oozhebeëga‐wenenewedoog kuhya Pharisewedoog, anuhmeäkahzooyag! kekewetaushkahnahwah muh ewh kechegumme kuhya ewh puhyangwuhkummegaug uhkee chewekoojeäg pazhig kawedookoonag azheahmeähyag, uhpe dush kahkushkeïnd, neezhing ahwahshema kedoozheähwah emuh mujje‐muhnedoonaung chedebandahgoozid ewh dush ween kenuhwah azheähyahyag.
16Kekuhgwahnesuggandahgoozeem kenuhwah, kakepeengwa‐suhgahbegenegayag, oo‐oo ekedooyag, Ahwagwan kamushkahwe‐wahweendahmahgagwan tuhgoo‐weendung ewh ahnuhmeä‐weguhmig, kahween ningood enanduhgussenoon; ahwagwan dush kamushkahwe‐wahweendahmahgagwan tuhgoo‐weendung ewh oozahwah‐shooneyah emuh ahnuhmeä‐weguhmigoong atag, muhzeneëga suh wah‐owh!
17Kakebahdezeyag kuhya kakepeengwayag: wagoonan muh ewh nahwujkache‐ahpeetandahgwuk, ewh oozahwah‐shooneyah, gamuh ewh ahnuhmeä‐weguhmig wanje‐kechetwahwandahgwuk ewh oozahwah‐shooneyah?
18Kuhya, ahwagwan kamushkahwe‐wahweenduhmahgagwan ewh tuhgoo‐weendung ewh sahsahgewejegun‐ahbik, kahween ningood enandahgwussenoon; ahwagwan dush katuhgoo‐weenduhmoogwan ewh meegewawin emuh sahsahgewejegun‐ahbikoong atag, muhzeneëga suh wah‐owh.
19Kakebahdezeyag kuhya kakepeengwayag: wagoonan muh ewh nahwuj kache‐ahpeetandahgwuk, ewh meegewawin, gamuh ewh sahsahgewejegun‐ahbik wanje‐kechetwahwandahgwuk ewh meegewawin?
20Owh dush katuhgoo‐weendung ewh sahsahgewejegun‐ahbik, ootuhgoo‐weendaun suh ewh sahsahgewejegun‐ahbik kuhya kuhkenuh oogejuhyeëeng atagin:
21Kuhya dush owh katuhgoo‐weendung ewh ahnuhmeä‐weguhmig, ootuhgoo‐weendaun suh, kuhya ootuhgoo-weenaun enewh andahnejin emuh.
22Kuhya dush owh katuhgoo‐weendung ewh keche‐kezhig, ootuhgoo‐weendaun suh kuhya oodoogemah‐wuhbewin owh Kesha‐Muhnedoo, kuhya dush enewh namuhduhbenejin emuh.
23Kekuhgwahnesuggandahgoozeem kenuhwah, oozhebeëga‐wenenewedoog kuhya Phariseewedoog anuhmeäkahzooyag! ketebahegam muh ewh mint kuhya anise kuhya cummin, uhpe tabahahmahgayagoon enewh makuhdawekoonahya‐tebahahmahgoowin, kah kuhya kedezhechegaseem enewh kachetwahwandahgwukin emuh tebahkoonegawining atagin, ewh quuhyuk tebahkoonewawin, kuhya shahwanjegawin, kuhya ewh dabwayanduhmoowin: oonoo suh kedahgeëzhechegam, kah dush kedahgeäunwakunsenahwah enewh ewede ahnind.
24Kakepeengwa‐sahgahbegenewayag, keshahboobegenahwah owh pingooshans, kegoonahwah dush ween owh pagwahwegung.
25Kekuhgwahnesuhgandahgoozeem, oozhebeëga‐wenenewedoog kuhya Phariseewedoog, anuhneäkahzooyag! kepeenetoonahwah muh ahgwahjuhyeëe ewh menequahjegun kuhya ewh oonahgun, peenjuhyeëe dush ween oomooshkenashkahgoonahwah ewh muhkundwashkewin kuhya mujje‐ezhewabezewin.
26Kakepeengwayun Phariseeweyun, netum peenetoon, emuh peenjuhyeëe ewh menequahjegun kuhya ewh conahgun, me dush kaoonjepeenuk emuh ahgwahjuhyeëeng.
27Kekuhgwahnesuhgandahgoozeem, oozhebeëga‐wenenewedoog kuhya Phariseewedoog, anuhmeäkahzooyag! debishkoo mahween wuhyahbishkahegahdagin chebaguhmigoon kedezhenahgoozeem, manwahbuhmenahgwuk ahgwahjeeng, peendig dush ween oomooshkenashkahgoonahwah cheby ookunun, kuhya kuhkenuh weenezewinun.
28Mesuh kuhya kenuhwah ewh nahsaub ahgwahjuheeng quuhyuk‐ezhewabezingin uhyenanemenagwah egewh enenewug, peenjenah dush ween kemooshkenashkahgoonahwah ewh ahnuhmeäkahzoowin kuhya mujje‐doodahgawin.
29Kekuhgwahnesuhgandahgoozeem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kedoozhetoonahwah muh enewh oochebaguhmegoowaun egewh aunwahjega‐wenenewug, kuhya kesuhsagahwetoonahwah oochebaguhmegoowaun egewh manoo‐ezhewabezejig.
30Oo‐oo dush kedekedoom, Keshpin ahyahyaungoobun ewh uhpe kebemahdezewaud egewh noosenahbuneeg, kahween nindahgeweedookahwahsenahnig ewh keoonjegah tuhmoowahwaud ewh oomesqueemene enewh aunwahjega‐wenenewun.
31Mesuh debahjindezooyag, ewh oonejahnesemenagwah egewh kahnesahjig enewh aunwahjega‐wenenewun.
32Kuhya kenuhwah kekezhetoonahwah menik kahezhechegawaud egewh koosewahbuneeg.
33Kanabegooweyag, mujje‐kenabegoong pahoondahdezeyag, ahneen kaëzheöozhinduhmag ewh mujje‐ishkootawine‐nahneboomegoowin?
34Benuh suh dush, kedezhenahzhahahmoonenim egewh aunwahjega‐wenenewug, kuhya nebwahkah‐wenenewug, kuhya oozhebeëga‐wenenewug: ahnind dush kegahnesahwaug kuhya kegahahgwahquahwahwaug; kuhya ahnind kegahpuhzhunzhawahwaug emuh anduhzhe‐mahoonjeëdeyag, kuhya kegahnoosoonawahwaug emuh oodoodanahwewaung;
35Kenuhwah cheoodissegooyag kuhkenuh menoo-ezhewabezewine‐mesqueem kahseegwabenegahdag oomah uhkeeng, oomesqueem owh manoo‐ezhewabezid Abel nahnauzh egoo oomesqueem owh Zacharias oogwissun owh Barachias, kahnesag emuh nesuhwuhyuheewung ewh keche‐ahnuhmeä‐weguhmig kuhya ewh sahsahgewejegun‐ahbik.
36Kagate suh kedenenim, Kuhkenuh oonoo uhyeëen oogahoodissegoonahwah oogoo noongoom bamahdezejig.
37Jerusalem! Jerusalem! keen nasudwah egewh aunwahjega‐wenenewug, kuhya pamoosenuhudwah egewh kahezhenahzhahahmahgooyunin, ahneen duching kahenanduhmaun chemahoonjeügwah kenejahnesug, nahsaub azhemahoonjeäud owh noozha‐pahkahahqua enewh oopahkahah-quansemun emuh ahnaume‐ningwegunaung, kah dush kegeënanduhseem!
38Benuh, kewegewaumewah pezheshigwuhtag kenuhguhduhmahgoom.
39Oo‐oo muh kedenenim, Kahween menuhwah kegahwahbuhmeseem, bahmah suh atuh cheëkedooyag, Shahwandahgooze owh pahezhaud emuh oodezhenekahzoowining owh Jehovah.
Currently Selected:
St Matthew 23: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
