HEBREWUN 4
4
1Umba dush sagezedah, koonemah ahnuhween goo kemeenegooyung ewh wahweendahmahgawin chepeendegayung emuh oodaunwabewining, ahweyah menik anduhsheyag oodahnoondashkaun.
2Kenuhwind suh kegedebahjemootahgoonaun ewh minwahjemoowin debishkoo egewh; kahween keöondezesewug ahnuhween goo kedebahjemootuhwindwah ewh ekedoowin, oonje kedabwayanduhsigwah egewh kahnoondungig.
3Kenuhwind suh duhyabwayanduhmung kepeendegamin emuh aunwabewining, debishkoo kahekedood, Ewh kahezhemushkahwe‐kezhwayaun emuh nenishkahdezewining, Kahween tahpeendegasewug emuh nindaunwabewining: ahnuhween goo enewh ahnookeewinun kekezhechegahdag pahahkoo‐oozhechegahdag ewh uhkee.
4Ningooche dush keëkedoo duhzhindung ewh neezhwahsuhgoon, oo‐oo keëkedood, Kesha‐Muhnedoo dush keaunwabe nauzhwahsuhgoonuhguk oonje kuhkenuh oodahnookewinun.
5Menuhwah dush oomah ekedoo, Kahween tahpeendegasewug emuh nindaunwabewining.
6Benuh dush enandahgwud ahnind chepeendegawaud emuh, egewh dush netum kahwahweenduhmahwindjig kahween ketapeendegasewug oonje kedabwayanduhsigwah;
7Menuhwah oowahweendaun pazhik kezhegud oo‐oo keëkedood emuh oonuhguhmoowining owh David, Noongoom kezheguk, wekah egoo; debishkoo akekoong, Noongoom kezheguk kishpin noonduhmag oodinwawin, kagoo mushkahwetookagoon enewh kedaëwaun.
8Kishpin mahween Joshuah kemeenahpun ewh aunwabewin, kahween nahguj oodahgewahweenduhseen pakaunuk kezhegud.
9Benuh dush, kayahbe duhgoomahgudene oodaunwabewinene Kesha‐Muhnedoo oodahnishenahbamun.
10Owh suh kahpeendegad emuh oodaunwabewining, ween oogeïshquah‐ahnookeetaunun enewh tebenuhwa oodahnookeewinun, debishkoo Kesha‐Muhnedoo kahezheishquah‐anookeetung ween oodahnookeewinun.
11Umba anookeedah chepeendegayung emuh e‐ewh aunwabewining, Koonemah ahweyah tahezhepungeshin debishkoo oogoo kahezhepungeshinoowaud oonje kedabwayanduhsigwah.
12Oodekedoowin muh Kesha‐Muhnedoo bemahdudene kuhya mushkahwezemahgudene, kuhya ahwahshema kenahmahgudene dush ween ewh uhyeduhwuhyeëe kahnaug ahzhahwashk, puhzhebooëwamahgud dush chenahnahwenaud enewh oojechaugoomaun kuhya enewh oochebaumaun kuhya enewh ahyahnekahwegunun kuhya ewh weembegun, ween dush ookekandaunun enewh nahnahgahdahwanduhmoowinun kuhya enewh enanduhmoowinun emuh oodaëmaung atanegin.
13Kuhkenuh menik kahoozhetoojin oowahbundaunun: kuhkenuh dush uhyeëen puhgukkandahgwudoon kuhya mezheshuh‐wahbuhmenahgwudoon emuh ooshkeenzhegoong owh kadebahjemootuhwung kedezhewabezewinenahnin.
14Kekanduhmung dush ween ahyahwung nahgahnezid keche‐sahsahgewechega‐wenene, owh kahezhaud ewede keche‐kezhegoong, mesuh Jesus Kesha‐Muhnedoo oogwissun, minjemandundah kedezhetwahwinenaun.
15Kah muh kedahyahwahsenaun keche‐sahsahgewejega‐wenene kaketemahganduhsig keshahgwewewinenahnin; ween nahsaub keëzhekuhgwatebanemah kuhkenuh kuhgwatebanemegoowinun debishkoo kenuhwind azhekuhgwatebanemegooyung, mujje‐ezhewabezewin atuh kahween keähtasenene.
16Umba suh emuh soongedaäwining penaunzekundah shahwanjegawine oogemah‐wuhbewin, cheöondenuhmung ewh shahwanjegawin, kuhya chemikkummung ewh shahwanjegawine‐wedookahgoowin uhpe manazeyungoon gagoo.
Currently Selected:
HEBREWUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
