HEBREWUN 5
5
1Anduhshid mahween keche‐sahsahgewejega‐wenene anenewid enewh enenewun cheoöndezenid oonjeahnoonah chemeekindung enewh ooduhyeemun Kesha‐Muhnedoo, chesahsahgewetood enewh meegewawinun kuhya sahsahgewejegunun oonje enewh mujje‐ezhewabezewinun;
2Mesuh owh kaketemahganemahpun enewh kakanje‐gasenegoon kuhya enewh wanishenenejin, ween muh ookekishkaun shagwewewin.
3Mesuh wanje‐nundahwandahgoozid chesahsahgewejegad oonje tebenuhwa oomujje‐ezhewabezewinun, kuhya oonje enewh ahnishenahban oomujje‐ezhewabezewinene.
4Kah dush ahweyah oodoodahpenuhmahzooseen oo‐oo ahpeetandahgoozewin, owh atuh nandoomegood enewh Kesha‐Muhnedoon, debishkoo kahezhenundoomind Aaron.
5Kah suh dush kuhya ween Christ kepezhegandahgooëdezoose chekeche‐sahsahgewejega‐weneneweïnd; owh atuh oo‐oo kahenaud, Ningwis kedow, noongoom kezheguk kegeöogwissemin.
6Debishkoo pukkaun ningooche akedood, Kesahsahgewejega‐wenenewh kahgenig debishkoo owh Melchizedec kahezhesahsahgewejega‐wenenewid.
7Me suh wah‐owh magwah keweyausewid, kahkecheahnuhmeäud kuhya kahpahgoosanjegad bakish kekechenoondahgoozid muhwid keähnuhmeätuhwaud enewh kakushkeäwezenepun chebemahjeëgood cheneboosig, kebezindahwah dush ewh kekootung:
8Ahnuhween goo keöogwissemind oogekekandaun ewh chenuhittung oonje enewh kooduggetoowinun kahkooduggetood;
9Ewh dush kahkeche‐pezhegandahgoozid, keähwe owh wanje‐bemahjememind kuhkenuh enewh duhyabwatahgoojin chekahgega‐bemahdezenid.
10Keëgood enewh Kesha‐Muhnedoon chekeche‐sahsahgewejega‐wenenewid debishkoo owh Melehizedec kahezhekeche‐sahsahgewejega‐wenenewid.
11Nebewah uhyeëen nindahyahmin cheëkedooyaung duhzhemungid wah‐owh, sanuhgukkin chenesittootummingebun, oonje kenuhwah zebiskahje‐bezinduhmag.
12Uhpe muh nanduhwandahgwuk zhuhyegwah chetakekenooähmahgayagoobun oonje kinooäzh kekenooähmahgoozeyag, kayahbe kenundahwandahgoozeem ahweyah chekekenooähmoonag enewh ooshke‐kekenooähmahgoowinun emuh oodekedoowining owh Kesha‐Muhnedoo; kuhya nahsaub kedenandahgoozeem anandahgoozewaud egewh kaähshummindebuneeg ewh doodoosh‐ahboo, kahween ewh mashkahwaug meejim.
13Kuhkenuh suh egewh ahyahbujjetoojig doodoosh‐ahboo kahween oonetuh‐kekandunsenahwah ewh menoo‐ezhewabezewine ekedoowin: ahbenoojeëwewug muh.
14Ewh dush ween mashkahwaug meejim debandahgwud chemeejewahpun egewh natahwugejig, egewh oonje netuh‐nahnahgahdahwanduhmoowaud gagoo nebwahkahwin kashketoojig chekekanduhmoowaud ewh wanesheshing kuhya ewh muhyahnahduk.
Currently Selected:
HEBREWUN 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
