HEBREWUN 2
2
1Benuh dush, kenundahwandahgoozemin ahwahshema chekeche‐bezinduhmung enewh uhyeëen kahnoonduhmungin; koonemah ningooding kedahgewuhnandahnaunin.
2Kishpin mahween ewh ekedoowin kahduhzhinduhmoowahgoobunan egewh angenug kesoongesing, dushing dush kepegoobetoong kuhya kedabwatunsing, keöonje‐tebahahmahgoozeem ewh quuhyuk tebahahmahgoowin;
3Ahneen dush kenuhwind kaëzhekushketooyungoobun chetaöozhemooyung, kishpin bahbahmanduhsewung ewh kachetwahwandahgwuk bemahjeëwawin; ewh netum kahmahje‐debahdoodung owh Tabaningad, egewh dush kahnoondahwahjig kegewahweenga‐wahweenduhmahgoonahnig.
4Kesha‐Muhnedoo keweedookahzood kewahbundahewad enewh kekenoowahjechegunun, kuhya papukkaunukkin mahmaundahwechegunun, kuhya oomeegewawinun owh Keche Oojechaug debishkoo ween kahenandung?
5Kah muhoogepuggedenuhmoowahseen enewh angenun chedebanduhmenid ewh kapetuhgwishenoomahguk uhkee ewh dabahdooduhmaung.
6Ningooche dush pazhik kedebahjemoo, oo‐oo keëkedood, Ahneen anandahgoozid enene, chemequanemud? gamuh enene oogwissun, chepemoowuddissud?
7Kegeëzheäh wanebik nahwuj cheduhbussandahgoozid dush ween egewh angenug; kegepesekuhmooäh ewh pezhegandahgoozewin, kuhya kegechetwahwandahgoozewin, kuhya kegepuggedenuhmahwah cheöogemahkundung enewh ahnookewinun kahenuhnookemahguk enewh keneenjeen:
8Kegedahbussittuhmahwah kuhkenuh uhyeëen emuhah-nahmuhyeëe oosittaung. Ewh dush kedahbussittuhmahwaud kuhkenuh uhyeëen, kah suh gagoo oogenuhguhdunseen kahdahbussittuhmahwahsewind. Noongoom dush kahween muhshe kewahbunduhsemin kuhkenuh uhyeëen chetadahbussittuhmahwind.
9Kewahbuhmahnaun dush ween Jesus, owh wanebik nahwuj kahdahbussandahgweïnd dush ween enewh angenun, oonje ewh kekooduggetood emuh neboowining, kepesekuhmoowind ewh pezhegandahgoozewin kuhya kechetwahwandahgoozewin; ween dush oonje ooshahwanjegawin Kesha‐Muhnedoo chetaungundung neboowin oonje kuhkenuh enenewun.
10Keënandahgooze suh owh, kahoonje‐oozhechegahdag kuhkenuh uhyeëen, kuhya kahoozhetood kuhkenuh uhyeëen, uhpe wahpeëzheweenaud nebewah enewh wagwissejin emuh pezhegandahgoozewining, chekechetwahweäud enewh bahmahjeëwanejin oomenissenoo‐oogemahmewaun oonje enewh kooduggetoowinun.
11Owh muh manoo‐ezhewabezeëwad kuhya egewh manoo‐ezhewabezeïndjig pazhigwunoong oondahdezewug: mesuh wanje‐ahgujjesig nejekewaüg cheënaud.
12Oo‐oo keëkedood, Ningahwahweenduhmoowaug ewh kedezhenekahzoowin egewh nejekewaüg, emuh nahwuhyeëe ahnuhmeä‐weguhmigoong kegahnuhguhmootoon.
13Menuhwah dush, Ningahahpanemoonun suh owh. Menuhwah dush, Benuh, neen kuhya egewh wanejahnesemindjig Kesha‐Muhnedoo kahmeezhejin.
14Debishkoo dush egewh wanejahnesemindjig kahezheöoweyausewewaud kuhya kahezheöomisqueemewaud, mesuh kuhya ween kahëzheähyaud, oonje suh neboowining chebahnahjeäud enewh kahoogemahkunduhmenejin ewh neboowin, mesuh enewh mujje‐muhnedoon?
15Cheähbahaud dush enewh kahminjemahpechegahzoonejin pahahkoo‐bemahdezenid oonje kekootummenid ewh neboowin.
16Kagate dush ween kahween oogepeweedookahwahseen enewh angenun; oogepeweedookahwaun atuh enewh kahoondahdezenejin emuh oomenekauning Abraham.
17Mesuh kahoonje‐nundahwandahgoozid emuh kuhkenuh uhyeëeng cheëzhenahgoozid nahsaub azhenahgoozenid enewh wejekewaün, shawanjegad kuhya ayaungwahmezid sahsahgewejega‐wenene cheähwid oonje enewh uhyeëen dabandungin Kesha‐Muhnedoo, chekuhseebeühmahwaud enewh ahneshenahban oomujje‐ezhewabezewinene
18Ewh dush ween tebenuhwa kekooduggandung kekuhgwatebanemind, ookushketoon cheweedookahwaud enewh kagwatebanjegahzoonejin.
Currently Selected:
HEBREWUN 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
