HEBREWUN 1
1
1Kesha‐muhnedoo, nuhningim kuhya papuhkaun kuhyet kahezheguhnoonahgoobun enewh wayoosemindjin, keähwaud enewh aunwahjega‐wenenewun.
2Noomuhyah kegeguhnoonegoonaun, keähwaud enewh Oogwissun; enewh kahenahkoonahjin chedebanduhmenid kuhkenuh uhyeëen, enewh kuhya kahahnoonahjin cheöozhetoonid enewh uhkeen;
3Mesuh owh ayahwid ewh oopezhegandahgoozewinewahsayahzewin, kuhya wanje‐kekandahgwudenig oodezhenahgoozewin, kuhya ganuhwandung kuhkenuh uhyeëen oonje mushkahwezemahgudenig oodëkedoowin, uhpe ween tebenuhwa kahkuhseebeähmoonung kemujje‐ezhewabezewinenahnin, kenuhmuhduhbe emuh ookechenekahning enewh Kachetwahwandahgoozenejin ewede ishpeming.
4Ahwahshema mahween keähpeetandahgooze dush ween enewh angenun, oodenandahgoozewining muh oogeoondenuhmahzoon nahwuj kachetwahwandahgwuk ezhenekahzoowin dush ween enewh.
5Ahwananun dush enewh angenun wekah oo‐oo kahenaud Kesha‐Muhnedoo, Ningwis suh kedow, noongoom kezheguk kegeöogwissemin Menuhwah dush, Ningahooyoosemik neen dush ween ningahoogwissemah?
6Menuhwah dush, uhpe paundeguhnaud enewh oonetumoozhahnun oogwissun oomah uhkeeng, oo‐oo ekedoo, Mahnoo kuhkenuh enewh Kesha‐Muhnedoo oodangenemun oogahoojecheengwuhnetahgoon.
7Enewh dush angenun oo‐oo oodenahjemaun, Oodahbujjeäun enewh angenun debishkoo anahbujjetood ewh noodin, kuhya enewh ommezhenahwamun dbishkoo mashkookunag ishkoota.
8Enewh dush Wagwissemindjin oo‐oo oodenaun, Kedoogemah‐wuhbewin O Kesha Muhnedoo, kahgenig uhpena kahgenig ahyahmahgud: ewh menoo‐ezhewabezewine suhkuhoowin me ewh keen kedoogemahwewine‐suhkuhoowin.
9Kegeminwandaun quuhyuk‐ezhewabezewin, kuhya dush kegesheengandaun mujje‐ezhewabezewin, mesuh dush Kesha‐Muhnedoo keKesha‐Muhnedoom kahoonje‐noomenik nahwuj nebewah moojegezewine‐noomenegun dush ween egewh keejekewaüg.
10Menuhwah, Keen, Tabaningayun, wuhyashkud kahmahje‐minjemoosittooyun ewh uhkee; kuhya keneenjeen ahwunoon wanje‐oozhechegahdag kezhik:
11Tahbuhnahdudoon oonoo, keen dush ween uhpena kedahyah; debishkoo suh ahgwewining tahezhekata‐uhyeëewunoon kuhkenuh.
12Kuhya debishkoo ookoonausemaung kegaliezhetetebegenaun kuhya tahquakesechegahdawun; keen dush ween pazhigwun kedezhewabezewin, kuhya kekekenoonoowinun kah wekah tahishquahsasenoon:
13Ahwananun dush enewh angenun wekah oo‐oo keenaud, Nuhmuhduhbin emuh nekechenekaung, peenish egoo cheëzheügwah egewh mahgahnikig chetuhkookahnudwah?
14Kah nah ween kuhkenuh oogoo bameetahgajig oojechaugoomaug ahwesewug, ezhenahzhahoondwah chebuhmeetahwahwaud enewh kadebanduhmenejin kahgega‐bemajjeëwawin?
Currently Selected:
HEBREWUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
