PHILEMONUN 1
1
1Neen Paul, kabahquahegahzooyaun oonje Jesus Christ, kuhya Timotheus kejekewaënaun nemahjebeühmahwahnaun owh Philemon kache‐sahgeüngid enene kuhya wauj‐ahnookeemungid.
2Kuhya kache‐sahgeüngid nindahwamahnaun Apphia, kuhya Archippus wauje‐shemahgunishemungid, kuhya egewh anuhmeähjig ayahjig emuh kewegewauming:
3Shahwanjegawin, kuhya pezaunezewin kegahahyahnahwah, oonje Kesha‐Muhnedoo Koosenaun kuhya owh Tabaningad Jesus Christ.
4Moonzhug nemahmooyahwahmah neKesha‐Muhnedoom, wahweenduhmaun kedoonozoowin uhpe anuhmeähyaunin.
5Noonduhmaun ewh kesahgeëwawin kuhya ewh kedabwayanduhmoowin, azhesahgeüd kuhya azhedabwayanemud owh Tabaningad Jesus, kuhya azhesahgeüdwah egewh anuhmeähjig.
6Oo‐oo ezheähnuhmeätuhmoonaun, keweedookahzoowin emuh dabwayanduhmoowining chekekandahgwuk mushkahwezemahguk, cheöondenuhmag emuh Christ Jesusing kuhkenuh wanesheshingin kakishkahmagoon.
7Nekeche‐moojegezemin kuhya nemenoodaämin oonje ewh kesahgeëwawin, oonje keche‐shahwanemudwah egewh anuhmeähjig, keen, wawejekewaëmegooyun.
8Benuh dush, ahnahween goo enandahgoozeyaun cheneejewezeyaun oonje owh Christ chekuhgaunzoomenaunbaun ewh manwandahgwuk.
9Ahwahshema neminwandum chepahgoosanemenaun oonje ewh sahgeëdeyung, neen Paul oonje uhkewanzeëweyaun, kuhya noongoom kabahquahegahzooyaun oonje Jesus Christ.
10Kepahgoosanemin oonje Oonesimus ningwis, kahoogwissemug magwah kebahquahegahzooyaun.
11Owh kuhyet ningood anahbuttezesigoobun, buhmeetookebun, noongoom dush enahbutteze, buhmeetoonung keen kuhya neen.
12Mesuh owh kahkewa‐nahzhahwug; mahnoo oodahpin wah‐owh kache‐sahgeüg debishkoo tebenuhwa nenejahnis.
13Ahnahwe ningeënandum neen cheähyahwugebun oomah anduhzhe ahyahyaun, cheöonje‐buhmeetahwid oonje ahbesewun keen chegebuhmeetuhweyunbun kebahquahegahzooyaun oonje ewh minwahjemoowin.
14Kah suh ningeënanduhse ningood cheëzhechegayaun pwah‐kekanemenaun uhyenanduhmun; ketwa cheëzheshahwanemesewun, emuh atuh minwanduhmoowining.
15Koonemah oo‐oo keöonje‐mahjah wanebik, kahgenig chekushkeüd.
16Kahween kayahbe buhmeetahguning cheëzheähyahwud, ahwahshema suh ahpeetandahgooze dush ween buhmeetahgun debishkoo suhyahgeïnd wejekewaëmah, mamwach neen suhyahgeüg nejekewa, ahwahshema keen emuh weyausemaung, kuhya oonje owh Tabaningad?
17Kishpin dush weedookahzoongin enanemeyun, ezheoodahpin debishkoo neen tebenuhwa neyow.
18Kishpin dush kahmujje‐doodooninoogwan, gamuh gagoo mazenuhmooninoogwan enanemeshin neen chemuzzenuhahmoonaun ewh;
19Neen Paul ningeöozhebeäun tebenuhwa neneenj ahyooyaun, kagate kuhkenuh kegahtebahahmoon; kahween keweweenduhmoosenoon ewh muhzenuhahmahweyun tebenuhwa keyow.
20Aahe, nejekewa, puhgedenuhmahweshin chemoojegezetuhwug owh Tabaningad keen oonje; menoodaäëshin oonje owh Tabaningad.
21Ahpanemooyaun chewebezindahweyun kegeöonje‐mahjebeühmoon, kekanemenaun nahwuj nebewah cheweëzhechegayun menik edush ween akedooyaun
22Bakish dush wuhwazhetuhmahweshin kaähbeyaun; nindahpanim suh oonje ahnuhmeätuhmahweyun chepuggedenuhmahgooyag chepenaunzekoonenuhgoog.
23Keduhnuhmekaug Epaphras, wauje‐kebahquahoogooyaun oonje Christ Jesus!
24Kuhya Marcus, Aristarchus, Demas, Lucas, egewh nahyahdahmahwejig ewh anuhnookeyaun.
25Ooshahwanjegawin owh Tabanemenung Jesus Christ kegahweejewegoonahwah emuh kejechaugoowaung Amen.
Currently Selected:
PHILEMONUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
