GENESIS 43
43
1Kekeche‐pukkuddakummegud dush emuh uhkeeng.
2Uhpe dush kahkedahmoowaud kuhkenuh ewh buhquazhegun kahoondenuhmoowaud emuh Egypting, oo‐oo oogeëgoowaun enewh oosewaun, Mahjaug menuhwah ahwekishpenuhtooyook punge meejim kameejeyung.
3Judah dush oogeguhnoonaun oo‐oo keënaud. Keche wawane ningeguhnoonegoonaun owh enene oo‐oo keëzheyungid, Kahween kegahwahbunduhsenahwah nindangwuhy kishpin peenahsewag keshemaëwah.
4Kishpin enanduhmun cheweejeweyummingid neshemaënaun, ningahezhahmin cheähwekishpenuhtooyaung buhquazhegun:
5Kishpin dush ween enanduhsewun cheweejeweyummingid, kahween niugahezhahsemin: oo‐oo mah ningeëgoonaun owh enene, Kahween kegahwahbunduhsenahwah nindangwuhy, kishpin peenahsewag keshemaëwah.
6Israel dush oo‐oo keëkedoo, ahnishwin kemujjedoodahweyag keweenduhmahwag owh enene ewh kayahbe ahynd pazhig keshemaëwah?
7Oo‐oo dush oogeënahwaun, Wawane ningekuhgwajemegoonaun, owh enene azhewabezeyaung, kuhya azhewabezewaud nindenuhwamahgunenahnig, oo‐oo keëkedood, Kayahbe nuh bemahdeze koosewah? keduhyahwahwah nuh menuhwah pazhig kekahnesewah? ningeweenduhmahwahnaun dush ewh kahezhekuhgwajemeyummingid: ningekekandahmin enunga ewh weëkedood, Peenik keshemaëwah.
8Judah dush oo‐oo oogeënaun oosun Israelun, puhgedenuhmahweshin owh ooshkenuhwa chemahjewenug, ningahpuhsegwemin dush kuhya ningahmahjahmin; cheöonjebemahdezeyung, kuhya cheneboosewung; nenuhwind, kuhya keen, kuhya kenejahnesenahnig.
9Ninguhuhpuhzenuhaun suh neyowh oonje owh; oonje neneenjeeng kegahnunduhwanemah: kishpin peeduhmoose-noowaun kuhya ahsahsewug anahsuhmeyun, kegahmujjeënanim kahgenig:
10Kishpin suh peähsewungidebun, ahzhe neezhing nindahgetapiskahbemin.
11Oo‐oo dush oogeëgoowaun oosewaun Israelun, Kishpin suh nanduhwandahgwudoogwan ahbitakummig oo‐oo cheëzhewabuk oo‐oo ezhechegayook; oodahpenuhmook emuh kedoonahgunewaung kache‐oonesheshingin meenewinun emuh uhkeeng wanjegingin, mahjetuhwik dush owh enene ewh meegewawin, punge mushkeke, kuhya punge ahmoo‐sinsebahquud, menoomahgoojegunun, kuhya puhgaunun, kuhya keche-puhgaunun.
12Kuhya oodahpenik neezhing menik shooneyah; kuhya owh shooneyah kahpeenag emuh kemushkemoodahwaung, nayaub kewawenik; koonemah kewuhnechegam:
13Kuhya oodahpenik keshemaëwah, puhsegweeg edush, menuhwah ezhahyook owh enene:
14Mahnoo dush Kesha‐Muhnedoo muhyahmuhwe‐mushkuhwezid kegahshahwahnemegoowah anahsuhmeed owh enene, cheöonjepuggedenaud pazhig kekahnesewah, kuhya Benjaminun. Kishpin makummegoowaunan nenejahnesug, ahneesh nemuhkummegoo.
15¶ Egewh dush enenewug oogeöodahpenahnahwah ewh meegewawin, kuhya oogeöodahpenahwaun neezhing menik shooneyaun emuh ooneenjewaung, kuhya oogeöodahpenahwaun Benjaminun; kepuhsegwewug dush, keëzhahwug dush Egypting, kuhya kenebahwewug anahsuhmeed Joseph.
16Uhpe dush Joseph kahwahbuhmaud Benjaminun weeje-wahnid wekahnesine, oo‐oo oogeënaun enewh ganuhwanduhmenejin oowegewaum, Ezheweezh oogoo enenewug ewede andahyaun, kuhya netahgan, kuhya chebahquan; nahwuhquag mah ningahwedoopuhmigoog oogoo enenewug.
17Owh dush enene keëzhechega debishkoo kahegood Josephun; owh dush enene oogeëzheweenaun emuh Joseph oowegewauming.
18Kesagezewug dush egewh enenewug, oonje keëzhewenindwah emuh Joseph oowegewauming? oo‐oo dush keëkedoowug, oonje suh owh shooneyah kahuhchegahzood emuh kemushkemoodauwaung netum kedoonjepeendeguhnegoomin; oonunduhwandaun suh gagoo kaöonjeuhwuhkahneënung, kenuhwind kuhya kemamaungeshaëmenahnig.
19Oogenaunzekahwahwaun dush pashoo enewh ganuhwanduhmenejin Joseph oowegewaum, kuhya oogeguhnoonahwaun emuh ishquandamewung wegewaum.
20Oo‐oo dush oogeënahwaun, Nindoogemaum kagate chekishpenuhdooyaung meejim ningepeöonzekahmenahbun netum:
21Anekewayung dush uhpe tagwishenaung emuh ahshunde‐weguhmigoong, ningebahkenahnahnin nemushkemoodahnahnin, ningemekahwahnaun dush neshooneyahmenaun anduhcheyaung emuh nemushkemoodahnaung, menik anduhchepun: nayaub dush ningepeenahnaun emuh neneenjenaung.
22Pakaunezid kuhya shooneyah ningepeenahnaun emuh neneenjenaung chekishpenuhtooyaung meejim: kahween nekekanduhsemin ahwagwan kahahsahgwan neshooneyahmenaun emuh nemushkemoodahnaung.
23Oo‐oo dush oogeëgoowaun, Pezaun‐ahyaug, kagoo sagezekagoon: ke‐Kesha‐Muhnedoomewah, kuhya oo‐Kesha‐Muhnedoomun owh koosewah, kegemeenegoowah shooneyah emuh kemushkemoodahwaung: neen suh nindahyahwahbun keshooneyahmewah. Oogebeduhmahwaun dush Simeonun.
24Owh dush enene oogeëzhewenaun enewh enenewun emuh Joseph oowegewauming, kuhya oogemeenaun nebee, kekesebegesittawun dush; kuhya oogeähshummaun oomamaungeshaëmene.
25Oogewuhwazhetoonahwah dush ewh meegewawin wahmeegewawaud nuhyahwuhquag uhpe tagwishing Joseph: kenoonduhmoobuneeg mah chewesenewaud emuh.
26¶ Uhpe dush Joseph puhkewad, oogepeendiguhtoonahwah oomeegewawinewah emuh wegewauming, kuhya oogeshahgushketuhwahwaun metushkuhkummig enuhkayah keënahbewaud.
27Oogekuhgwajemaun dush azhebemahdezenid, oo‐oo keënaud Menoobemahdeze nuh koosewah, owh uhkewanzee kahduhzhemagoobun? Kayahbe nuh bemahdeze?
28Oogenuhquatuhwahwaun edush, menoo‐bemahdeze suh kebuhmeetahgun noosenaun, kayahbe suh bemahdeze. Kenuhwuggequanewug dush kuhya keshahgushkeetahwug.
29Oogeöombenaunun dush ooshkeenzhegoon, kuhya oogewahbuhmaun ooshemayun Benjaminun, oogebuneen oogwissine, oo‐oo dush keëkedoo, Menuh mahbuh keshemaewah nahwuj agahsheid kahduhzhemagoobun kedebahjemootuhweyag? oo‐oo dush keëkedoo, Pagish Kesha‐Muhnedoo shahwanemik, ningwissa.
30Joseph dush kewaweebetah; kemegooskahjeähyahmah-gudenewun mah oonuggisheen kahahpeech keche‐sahgeäud ooshemaün oogenunduhwandaun dush, emuh kaduhzhe-muhwid; kepeendega dush emuh ahbenahsoowining kemuhwe dush emuh.
31Kekeseebeengua dush kesahguhum dush, kah dush gagoo keëkedoose, me atuh oo‐oo kahëkedood, buhquazhegun uhtooyook.
32Oogeähtuhmuhwahwaun dush enewh netum chenezheka‐wesenenid, kuhya wekahnesene‐ningooche pukkaun chewesenenid, kuhya enewh Egyptianun kahweedoopuhmegoojin, pukkaun ningooche chewesenenid: kah mah puggedenuhmahwahsewug Egyptianug chewedoopuhmahwaud Hebrewun; Egyptianug mah ookuhgwahnesuggandahnahwah ewh.
33Kenuhmuhduhbewug dush anahsuhmeenid Josephun, owh saseekezid debishkoo apeetandahgwudenig oosuhseekezewin, kuhya owh agahsheid debishkoo apeetandahgwudenig oodahgahsheëwin: kekeche mahmahkahdanduhmoog dush egewh enenewug kahenuhbeïndwah.
34Oogeëzhenahzhahahmoowaun dush oonahgunun mwaushkinanig meejim, ween tebenuhwa oodoodoopoowiningoogeöon-dinahnun: nahnun dush oonahgunun oogeëzhenahzhahahmoowaun Benjaminun. Kemenequawug dush, oogeweejemoojegezemahwaun kuhya.
Currently Selected:
GENESIS 43: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
