GENESIS 42
42
1Uhpe dush Jacob kahwahbundung buhquazhegunekahnig emuh Egypting, Jacob oo‐oo oogeënaun enewh oogwissun, Ahnishwin nahnahgahduhwahbundeyag?
2Oo‐oo dush keëkedoo, Benuh ningenoondum buhquazhegunekaug emuh Egypting: ezhaug ewede, kuhya ewede kishpenuhtoog kameejeyung; cheöonjebemahdezeyung, cheneboosewung dush.
3¶ Metahswe dush wekahnisun owh Joseph keëzhahwun cheühwekishpenuhtoonid buhquazhegun emuh Egypting.
4Benjamin dush ween, Joseph ooshemayun, kahween oogepuggedenegooseen Jacobun cheweejewaud enewh oosuhyayun: Koonemah gagoo kuhya ween tahezhewabeze, keëkedoowun suh oosun.
5Oogwissun dush Israel kepeëzhahwug chekishpinuhtoowaud buhquazhegun, oogebeweejewahwaun suh ahnind kahbeëzhahnejin: kepukkuddakummegud mah emuh Canaaning duhzhe uhkeeng.
6Joseph dush oogeöogemahkundaun ewh uhkee, ween dush keähwe kahahtahmaud kuhkenuh enewh ahnishenahban emuh uhkeeng; wekahnisun dush oogepeshahgushkeetahgoon.
7Joseph dush oogewahbuhmaun enewh wekahnisun, oogenesittuhwenaun dush, mayuhgezingin dush oogeühyindooduhwaun, kuhya oogenishkahje‐guhnoonaun; oo‐oo dush oogeënaun, Ahneende wanjebahyag? Oo‐oo dush‐oogeëgoon, Canaaning suh nindoonjebahmin chekishpinuhtooyaung buhquazhegun ninpeöonzekahmin.
8Joseph suh oogenesittuhwenuhwaun enewh wekahnisun, kah dush oogenesittuhwenahgooseen.
9Joseph dush oogemequandaunun enewh enahbunduhmoowinun kahenahbundungebun, oo‐oo dush oogeënaun, Kenunduhwahtoom; chewahbunduhmag uhkee azheketemahguk kepeöonzekaum.
10Oo‐oo dush oogeënahwaun, Kahween nindoogemaum, chekishpinuhtooyaung meejim mesuh pahoonzekahwaud kebuhmeetahgunug.
11Pazhigoo noosenaun; nequuhyuk‐enenewemin, kahween nenundahwahtoosewug kebuhmetahgunug.
12Oo‐oo dush oogeënaun, Kahween; chewahbunduhmag azheketemahguk uhkee kepeöonzekaum.
13Oo‐oo dush keëkedoowug, Metahswe ahshe neezhewug wahkahnesindejig kebuhmeetahgunug, pazhigoo noosenaun emuh Canaaning, owh muhyahmuhwe uhgahsheïd neshemaënaun ooweejewaun noosenaun noongoom, pazhig dush kahween kayahbe bemahdezese.
14Joseph dush oo‐oo oogeënaun, Mesuh kahenenuhgoog, oo‐oo keëkedooyaun, Kenunduhwahtoom.
15Mesuh oomah kaöonjekekandahgoozeyag: Oonje oobemahdezewin owh Pharaoh kahween oomah kegahoonjemahjahseem, kishpin keshemaëwah peëzhahsig oomah.
16Ezhenahzhahook pazhig kenuhwah, chenahnaud keshemaëwah, kenuhwah dush kegahkebahquahegahzoom, cheöonje‐puggukkandahgwuk kedekedoowinewah, kishpin duhyabwawagwan gamuh goo kah; kishpin dush oo‐oo ezhechegasewag, netuhgoo‐weendaun oobemahdezewin Pharaoh, kagate egoo kenunduhwahtoom.
17Oogekebahquahwaun dush kuhkenuh emuh pazhig kebahquahoode‐weguhmigoong nesoogoon.
18Joseph dush oo‐oo oogeënaun nasoogoonuhgudenig, Oo‐oo ezhechegayook, kegahbemahdezeem dush; nekoosah mah Kesha‐Muhnedoo:
19Kishpin quayukenenewewagwan, mahnoo tahtuhkoobezoo pazhig kekahnisewah emuh kebahquahoode‐weguhmigoong: kenuhwah dush mahjaug, mahjetuhwik kenejahnesewaug buhquazhegun chepukkuddasigwah:
20Nahnik dush keshemaëwah ahpeche agahsheïd; mesuh kaöonjekekandahgwuk kedekedoowinewah dabwamahguk, kah dush kegahnebooseem. Medush ewh kahezhecheganid wekahnisun.
21¶ Oo‐oo dush keühyedewug, Kagate kegemujje‐doodahwahnaun keshemaënaun: kegewahbuhmahmenahbun mah keche‐kootuggandung uhpe pagoosanemenung, kah dush kegebezindahwahsenaun; mesuh wanjeöodissegooyung maunduh ahnemezewin.
22Reuben dush oogeguhnoonaun enewh, oo‐oo keënaud, Kahnuhween oo‐oo kegeënesenoonimwahbun, Kagoo mujje‐doodahwahkagoon owh quewezanse; kah dush kegebezinduhweseem? mesuh oomisqueem wanjekooduggeëgooyung noongoom.
23Kah dush oogekekanemahsewaun nesittootummenid Josephun; keähnekuhnootahmuhwahwun muh kekuhnoonegoowaud.
24Kequake‐kahbahwe dush, kuhya kemuhwe; nayaub edush oogenaunzekahwaun, kuhya oogeguhnoonaun, oogeöodahpenaun dush Simeönun, kuhya oogetuhkoobenaun anahsuhmeähyahnid.
25¶ Joseph dush keëkedoo chemooshkenahtuhmahwindwah oomushkemoodahwaun buhquazhegun, kuhya nayaub cheühchegahzoonid ooshooneyahmewaun emuh oomushkemoodahwaung, kuhya nuhwuhpoowin chemeenindwah Mesuh oo‐oo kahdooduhwaud enewh.
26Oogeöomboondahahwaun dush oomamaungeshaëmewaun ewh buhquazhegun, ewede dush keöonjemahjahwug.
27Uhpe dush pazhig kahpahkenung oomushkemood cheähshummaud oomamaungeshaëmun emuh ahshunde‐weguhmigoong, oogewahbuhmaun ooshooneyahmun; benuh suh emuh oomushkemoodaung keähbewun.
28Oo‐oo dush oogeënaun enewh wekahnisun, Neshoonëaum nayaub keühchegahzoo emuh nemushkemoodaung; kesagezewug dush, oo‐oo keëzheguhnoonedewaud, Wagoonan oo‐oo kahdoodoonung Kesha‐Muhnedoo?
29Ketuhgwishenoog dush emuh ahyahnid oosewaun Jacobun emuh Canaaning, oogeweenduhmahwahwaun dush kuhkenuh kahdooduhwindwah; oo‐oo oogeënahwaun.
30Owh enene, wagemahkundung ewh uhkee ningenishkahje‐guhnoonegoonaun, kuhya nanduhwahtoojig ningeënanemegoonaun.
31Oo‐oo dush ningeënahnaun, Ninquuhyuk‐enenewemin; kahween nenunduhwahtoosemin:
32Nemetahswe‐ahsheneezhemin wawekahnesindeyaung, nindoogwissemegoonaun pazhig enene; pazhig kahween bemahdezese, owh dush ahpeche agahsheïd ooweejewaun noongoom noosenaun emuh Canaaning.
33Owh dush enene, wagemahkundung ewh uhkee ningeguhnoonegoonaun, oo‐oo keëzheyummingid, Mesuh maunduh kaöonjekekanemenuhgoog quuhyuk‐eneneweyag; nahnik pazhig kekahnesewah oomah anduhzhe‐ahyahyaun, oodahpenuhmook dush ewh meejim kameejewaud egewh pakuddajig andahyag, mahjaug edush.
34Kuhya nahnik ahpeche agahsheïd keshemaëwah: Medush chekekandahgoozeyag nanduhwahtoojig ahwesewag, quuhyuk atuh eneneweyag: kegahpuggedenuhmoonenim dush kekahnisewah, kegahpekishpenuhchegam kuhya emuh uhkeeng.
35¶ Kepuggummeähyahmahgud dush magwah shegoonuh-moowaud oomushkemoodahwaun, anduhchewaud enenewug ooshooneyahmewaun keähbewun emuh oomushkemoodahwaung; uhpe dush wenuhwah kuhya oosewaun kahwahbuhmahwaud enewh takoobezoonejin shooneyaun, kesagezewug.
36Oo‐oo dush oogeëgoowaun Jacobun oosewaun, kegemukkummim nenejahnesug: kahween ahyahse Joseph, kah kuhya ahyahse Simeon, kewemahjewenahwah dush Benjamin: kagate nekeche‐megahnegoonun kuhkenuh oonoo uhyeëen.
37Reuben dush oogeguhnoonaun enewh oonun, oo‐oo keënaud, Nesheh nuhyazh ningwissug, kishpin menuhwah peduhmoosenoowaun: puggedenuhmahweshin, nayaub dush ningahpeenah.
38Jacob dush oo‐oo keëkedoo, Kahween kegahweejewegoosewah ningwis, keneboowun mah oosuhyayun, ween dush nezhekaweze: kishpin gagoo ezhewabezid emuh meekunaung aneëzhahyag, kegahpungeseduhwim newahbequaunun emuh chebaguhmigoong kaäpeeche‐kushkanduhmaun.
Currently Selected:
GENESIS 42: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
