GENESIS 41
41
1Kepuggummeähmahgud dush kahneezhoo‐pepoonahguk Pharaoh keënahbundum: benuh dush chegeseebe kenebahwe.
2Benuh dush seebeeng keöonjeühgwahtahwug neezhwahswe equa pezhekeewug manwahbuhmenahgoozejig kuhya wahnenoojig; kewesenewug dush mushkootang.
3Benuh dush neezhwahswe pakahnezejig equa‐pezhekewug oogenoopenuhnahwaun emuh seebeeng keöonjeühgwahtahwaud, muhyahnahdezejig kuhya waskunezejig; kuhya oogeweejekah‐bahwetuhwahwaun enewh equa‐pezhekewun netum kahpeähyahnejin emuh tetebaöo.
4Egewh muhyahnahdezejig kuhya waskunezejig equa‐pezhekewug oogeäumwahwaun enewh neezhwahswe manwahbuhmenahgoozenejin kuhya wahnenoonejin equa‐pezhekewun. Mesuh kekooshkoosid Pharaoh.
5Menuhwah dush kenebah, kuhya menuhwah keënahbundum: benuh dush neezhwauswe nesahkooseeg kebeühyahwug emuh pazhig buhquazhegunushkoong, manwahbuhmenahgoozejig kuhya mamaundidoojig.
6Benuh dush neezhwahswe nesahkooseeg muhyahnahdezejig kuhya kahbahnahjëegoojig ewh wahbune‐noodin kebeühyahwug kahuhyahwaud egewh netum.
7Egewh dush neezhwahswe muhyahnahdezejig nesahkooseeg oogekedaumwahwaun enewh neezhwahswe manwahbuhmenahgoozenejin kuhya mamaundidoonejin nesahkooseen. Pharaoh dush kekooshkooze, benuh dush enahbunduhmoowin ewh.
8Kahkuhkezhabahwuhgudenig dush kemegooskahdandum; oogenundoomaun dush kuhkenuh enewh mahmaunjechega-wenenewun emuh Egypting duhzhe uhkeeng, kuhya kuhkenuh enewh nebwahkah‐wenenewun emuh ayahnejin: Pharaoh dush oogeweenduhmahwaun oodenahbunduhmoowin; kah dush ahweyah oogekushketooseen cheweenduhmahwaud Pharaohun azhenesittootahgwudenig oodenahbun‐duhmoowinun.
9¶ Me dush uhpe kekedood owh keche segenega‐wenene, oo‐oo keënaud Pharaohun, Noongoom kezheguk nemequandaunun nemujje‐ezhechegawinun.
10Pharaoh oogenishkanemaun oobuhmeetahgunun, kuhya ningekebahquahoogoonaun, neen kuhya owh keche buhquazheguneka‐wenenebun, emuh menesenoo oogemah oowegewauming.
11Nuhyazh dush ningeënahbundahmin ningooding tebekuk, neen kuhya ween; ningeënahbundahmin papazhig debishkoo azhenesittootahgwukkin, nindenahbunduhmoowinenahnin.
12Ningeähyahwahnaun dush pazhig ooshkenuhwa, Hebrew, oobuhmeetahgunun owh menesenoo oogemah; ningedebahjemootuhwahnaun dush kahenahbunduhmaung, ningeweenduhmahgoonaun dush azhenesittootahgwuk; anduhchid enene debishkoo azhenesittootahgwudenig oodenahbunduhmoowin mesuh kahezheweenduhmooweyungid.
13Kepuggummeähyahmahgud dush, kahezheweenduhmuhweyungid me ewh kahezhewabuk neen nayaub ningeahsig emuh nebuhmeetahgawining oogeähgoonaun ween enewh.
14¶ Me dush keähnookeed Pharaoh chenundoomemind Josephun, waweeb edush oogepeenahwaun Josephun oonje kebahquahoode‐weguhmigoong Joseph dush kekaushkebahzoo, kuhya keäunzekoonuhya, oogepeendeguhwaun dush Pharaohun.
15Pharaoh dush oo‐oo oogeënaun Josephun, Ningeënahbundum suh pazhig enahbunduhmoowin, kah dush ahweyah ookushketooseen cheweenduhmahwid azhenesittootahgwuk; ningenoondum dush keen netuh‐kekanduhmun azhenesittootahgwuk kedenahbunduhmoowinun.
16Joseph dush oogenuhquatuhwaun Pharaohun, oo‐oo keënaud, Kahween neen netebanduhseen: Kesha‐Muhnedoo suh oogahmeenaun Pharaohun menoo‐nuhquatuhmoowin.
17Pharaoh dush oo‐oo oogeënaun Josephun, Emuh nindenahbunduhmoowining benuh ningenebow chegeseebe.
18Benuh dush kepeühgwahtahwug oonje emah seebeng neezhwahswe equa‐pezhekeewug wahnenoojig kuhya manwahbuhmenahgoozejig, kewesenewug dush mushkootang.
19Benuh dush neezhwahswe bakaunezejig equa‐pezhekeewug kahuhgwahtahjig oogenoopenuhnahwaun enewh, mahyahnahdezejig kuhya waskunezejig kah suh wekah newahbuhmahseeg pezhekeewug emuh anegookookummegaug Egypting cheëzheöoskunezewaud debishkoo oogoo kahezheöoskunezewaud.
20Egewh dush waskunezejig kuhya muhyahnahdezejig equa‐pezhekeewug oogekedaumwahwaun enewh netum neezhwahswe wahnenoonejin equa‐pezhekeewun.
21Uhpe dush kahkedaumwahwaud enewh, kahween kekekandahgoozesewug keäumwahwaud; kayahbe suh kemahnahdezewug debishkoo wuhyashkud. Mesuh kekooshkoozeyaun.
22Kuhya ningeënahbundum emuh nindenahbunduhmoowining, benuh dush neezhwahswe nesahkooseeg kebeahyahwug emuh pazhig buhquazhegunushkoong manwahbuhmenahgoozejig kuhya wanesheshejig.
23Benuh dush neezhwahswe nesahkooseeg naboobwuhgeshingig kuhya kahbuhnahjeëgoojig ewh wahbune‐noodin, nahguj kebeühyahwug.
24Egewh dush mahyahnahdezejig nesahkooseeg oogeäumwahwaun enewh neezhwahswe wanesheshenejin nesahkooseen; ningeweenduhmahwaug edush egewh mahmaundahwejega‐wenenewug: kahween dush ahweyah ningeweenduhmahgoose azhenesittootahgwuk.
25¶ Joseph dush oo‐oo oogeënaun Pharaohun, Pazhigwunene Pharaoh oodenahbunduhmoowin: Kesha‐Muhnedoo oogewahbunduhaun Pharaohun ewh wahezhechegad.
26Egewh neezhwahswe wanesheshejig equa‐pezhekeewug neezhwahwe kekenoonoowinun ahwewug; kuhya egewh neezhwahswe wanesheshejig nesahkooseeg neezhwahswe kekenoonoowinun ahwewug: pazhigwun suh ewh enahbunduhmoowin.
27Kuhya egewh neezhwahswe waskunezejig kuhya muhyahnahdezejig equa‐pezhekeewug seebeeng kahoonjeuhgwahtahjig neezhwahswe kekenoonoowinun ahwewug; kuhya egewh neezhwahswe shegoo‐nesahkooseeg kahbahnahjeëgoojig ewh wahbunenoodin, mesuh neezhwahswe kekenoonoowinun chepukkuddakummeguk.
28Mesuh oo‐oo kahezheguhnoonug Pharaoh: Kesha‐Muhnedoo oowahbunduhaun Pharaohun ewh wahezhechegad.
29Benuh neezhwahsoo‐pepoon tahbahtuhyenud meejim emuh anegookookummegaug Egypting duhzhe uhkee:
30Keneezhwahsoo‐pepoonahguk dush tahpukkuddakummegud neezhwahsoo‐pepoon; kahween tahmequanjegahdasenoon ewh kebuhtuhyenuk meejim emuh Egypting duhzhe uhkeeng, tahbahnahdud dush uhkee kaähpeech‐pukkuddakummeguk.
31Kahween tahkekanjegahdasenoon ewh kebahtuhyenuk meejim emuh uhkeeng kaähpeech‐pukkuddakummeguk; tahkeche‐kuhgwahnesuggud mah.
32Ewh dush neezhing keënahbundung owh Pharaoh; mesuh ewh Kesha‐Muhnedoo keminjemoosittood, kuhya Kesha‐Muhnedoo wuhyebah wetebishkoosittood.
33Mahnoo dush Pharaoh oogahwuhwanahbuhmaun nabwahkahnejin enenewun, oodahenahkoonaun dush cheguhnuhwanduhmenïd Egypting duhzhe uhkee.
34Mahnoo oo‐oo tahezhechega Pharaoh, kuhya oogahahnoonaun oodoogemaunsemun emuh uhkeeng chemahwunjetoonid emuh Egypt duhzhe uhkeeng ahnind buhquazhegun enewh neezhwahswe kekenoonoowinun uhpe chebahtuhyenuk meejim.
35Mahnoo oogahmahwunjetoonahwah kuhkenuh ewh meejim, magwah bahtuhyenuk meejim, kuhya oogahahtahsoonahwah emuh ooneenjening Pharaohun, kuhya oogahahyahnahwah meejim emuh kuhkenuh oodanaung.
36Tahahtamahgud dush ewh meejim emuh ahtahsoo‐weguhmigoong uhpe pakuddakummeguk neezhwahsoo‐pepoon emuh uhkeeng, emuh Egypt duhzhe uhkeeng; cheöonjebahnahduhsenook uhkee oonje pukkuddakummeguk.
37Pharaoh dush oojeminwahbundaun ewh, kuhya kuhkenuh enewh oobuhmeetahgunun.
38Pharaoh dush oo‐oo oogeënaun oobuhmeetahgunun, Nindahmikahwah nuh ahweyah enene azhewabezid debishkoo mahbuh azhewabezid, oodahyahwaun mah oojechaugwun owh Kesha‐Muhnedoo?
39Pharaoh dush oo‐oo oogeënaun enewh Josephun, Oonje Kesha‐Muhnedoo kewahbunduhik kuhkenuh oo‐oo, Kahween ahweyah ezhenebwahkahse debishkoo keen azhenebwahkahyun:
40Kegahoogemahkundaum newegewaum, kuhya debishkoo kaëkedooyun mesuh kaëzheoogemahkunduhwindwah kuhkenuh nindahnishenahbamug: emuh atuh nindoogemahwandah-goozewining ahwahshema neen ningahahpetandahgooz keen dush ween.
41Pharaoh dush oo‐oo oogeënaun Josephun, Benuh kegeähnoonin cheöogemahkunduhmun kuhkenuh anegookookummegaug Egypting duhzhe uhkee.
42Pharaoh dush oogekechegoobedoon ootetebeneenjebezoowin emuh ooneenjeeng, kuhya oogeühtuhwaun Josephun emuh ooninjeenig, kuhya oogepesekoonaun wanesheshing puhpuggewuhyauneginoo‐puhpeensekoowahgun, kuhya oogenahbekoonaun oozahwah‐shooneyah nahbekahwahgun;
43Kuhya keënahkoonega chepahbahmetahbahnind emuh kechetwah‐ootahbauning gagah debishkoo kahahpetandahgoozenid enewh dush tebenuhwa ween kahuhwaud; ahnind dush oogenegauneähwaun kahpepahgenid, oo‐oo kahëkedoonid, Shahgushketahyook: Oogeähnoonaun dush cheöogemahkunduhmenid anegookwaug Egypting duhzhe uhkee.
44Pharaoh dush oo‐oo oogeënaun Josephun, nindow suh Pharaoh, keen dush enahkoonegasewun kahween ahweyah oogahoombenunseen ooneenj gamuh oosit emuh anegookookummegaug Egypting duhzhe uhkee.
45Pharaoh dush oogemeenaun Josephun oo oo ezhenekahzoowin, Zaphnath‐paaneah; oogemeenaun dush equawun kaweedegamahnid Asenathun oodahnesun owh Potipherah Oning duhzhe sahsahgewejega‐wenene. Joseph dush kepahbahmahdeze emuh anegookookummegaug Egypting duhzhe uhkeeng.
46¶ Joseph dush kenesemeduhnuh‐duhsoo‐pepoon‐uhgeze uhpe nahbahwid anahsuhmid owh Pharaoh Egypting duhzhe keche‐oogemah. Joseph dush keöonjesahguhum emuh anahsuhmid Pharaoh, kuhya kepahbahmahdeze emuh anegookookummegaug Egypting duhzhe uhkee.
47Neezhwahsoo‐pepoong dush kekeche‐mekoogemahgud uhnooj gagoo emuh uhkeeng naningootoobahnaneenj emuh pazhig buhquazhegunushkoong.
48Neezhwahwahoo‐pepoon edush oogemahwunjetoon kuhkenuh ewh mejim, kahahtag emuh Egypting duhzhe uhkeeng, kuhya oogeähtahsoonun buhquazhegunun emuh oodanaung; ewh kahoonjegemahguk emuh ketegauning kewetahöodanah oogeeähtasoon emuh oodanaung.
49Joseph dush oogemahwunjetoon nebewuh buhquazhegun nagowing keëshenuk ewh tetebaoo kechegummeeng atag, kahween ketaähginjegahdasenoon.
50Joseph dush kenegetuhmahwah neezh oogwissun chepwah pukkuddakummeguk, me enewh kahnegetuhmahgoojin, Asenathun oodaunun owh Potipherah Oning duhzhe sahsahgewejega‐wenene.
51Joseph dush Manasseh oogeëzhenekahnaun enewh netumoozhaunun: oo‐oo mah keëkedoo, Kesha‐Muhnedoo ningeshahwanemig kewuhnanduhmaun dush kuhkenuh nesunnuge‐ahnookeewin, kuhya kuhkenuh noos oowegewaum.
52Enewh dush menuhwah pazhig Ephraim oogeëzhenekahnaun: Kesha‐Muhnedoo mah ningemeshenooïk emuh uhkeeng kahduhzhe‐ahnemezeyaumbaun.
53¶ Keïshquahsamahgudoon dush enewh neezhwahswe kekenoonoowinun uhpe kahbahtuhenuk meejim emuh Egypting duhzhe uhkeeng.
54Medush kepuhgummeähyahgin enewh neezhwahswe pukkuddawine kekenoonoowinun, debishkoo kahekedoogoobunan Joseph: kepukkuddakummegud emuh anegookookummegaug uhkee; Emuh dush ween Egypting kemeejimekah.
55Uhpe dush kuhkenuh kahpukkuddawaud emuh Egypting duhzhe uhkeeng, egewh ahnishenahbag oogepepahgemahwaun Pharaohun cheähshummegoowaud buhquazhegun: Pharaohun dush oo‐oo oogeënaun kuhkenuh enewh Egyptianun, Ezhahnik Joseph, ezhechegayook dush ewh kaënenag.
56Kepukkuddakummegud dush emuh anegookkookummegaug uhkee: Joseph dush oogenesahkoonaunun kuhkenuh enewh ahtahsoo‐weguhmigoon, kuhya oogeähtahmaun enewh Egyptianun; ashkum dush kekeche‐pukkuddakummegud emuh Egypting duhzhe uhkeeng.
57Ahnooj edush anduhnuhkeejig uhkeeng oogepenaunzekahwahwaun Josephun emuh Egypting chekishpinuhtoowaud buhquazhegun; oonje kekeche‐pukkuddakummegaug uhkee.
Currently Selected:
GENESIS 41: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
